Тевдовски: Правдното оданочување успешна реформа, приходите од персоналецот со раст од 17,4 отсто

 Реформата за праведното оданочување е успешна.

 Економските резултати се исклучително добри од почетокот на годината и најважно е што се користат за социјалната реформа, односно обезбедување фер општество и праведен раст за сите, оцени министерот за финансии Драган Тевдовски денеска на прес-конференција презентирајќи ги ефектите и резултатите од  реформата што стартуваше на почетокот на оваа година.

Тој додаде дека очекувањата од реформата се реализираат, фискалната политика директно влијае на економските резултати, а последните економски остварувања покажуваат дека економијата е во одлична кондиција.  Ова, потненцира министерот, е доказ дека реформите во фискалниот систем се во вистинска насока.

Тевдовски наведе седум факти за економските резулати по спроведување на оваа реформа, што се однесуваат на зголемена вработеност, зголемена вработеност кај младите,  раст на платите, раст на платите и вработеноста на ИТ секторот, раст на даночните приходи од личен доход, позитивни резултати кај бизнисите и раст на економијата.

–  Бројот на вработени е зголемен за 17 000 лица во првите три месеци од годинава, односно по воведување на праведниот данок. Невработеноста во првите три месеци од 2019 година е сведена на најниско ниво од споведување на анкетата на работна сила или 17,8 отсто што е за 1,6 отсто пониско ниво во однос на последното тримесејче од 2018 година. Иако, пред воведувањето на праведниот данок во јавноста беше изразена загриженост дека праведното оданочување ќе ја намали вработеноста, се случи сосема спротивното, односно само за едно тримесечје бројот на вработени е зголемен за 17 000 лица, рече министерот.

Друг факт, дополни, е што има сериозен раст кај вработеноста кај младите од 6 000 лица во споредба со последниот квартал од 2018 година, односно пред воведување на праведниот данок. Просечната нето плата, како што рече, е зголемена за 3,4 отсто и тоа е наспроти тезите дека воведувањето на праведниот данок ќе влијае на работодавачите да ги намалат платите на работниците.  Министерот додаде дека во континуитет имаме зголемување на просечната плата.

Потенцира дека по воведување на прогресивното оданочувае нема намалување, туку и зголемување на просечната плата на програмерите за 5,5 отсто во споредба со првото тримесечја од 2018 година.

– Бројот на вработени во дејноста информации и комуникации исто така е зголемен. Во првото тримесечје на годинава во овој сектор има за 1 500 лица повеќе вработени во споредба со последното тримесечје на 2018 година,  рече министерот,  додавајќи дека овој сектор беше најблиску до границата за прогресивната даночна стапка.

Министерот оцени дека има добра наплата на данокот на личен доход каде за 17,4 отсто има повеќе наплата во споредба со истиот период лани. Ова, истакна, е спротивно на одредени тврдења пред воведување на праведното оданочување, дека ќе ја зголеми даночната евазија.

 Како солидни ги оцени и остварувања во ралниот сектор од почетокот на одинава. – Индустриското произвоство во периодот јануари-април 2019 година е повисоко за 7,9 отсто во спордба со истиот период минатата година. извозот на стоки и услуги во периодот јануари-април 2019 година е повисок за 15 отсто во споредба со истиот период минатата година., рече министерот додавајќи дека ова е спротивно на некои мислења дека прогресивното оданочување ќе му наштети бизнисот.

 И растот на економијата од 4,1 отсто, според министерот, покажува дека праведното оданочување не го блокира економскиот раст.

–   Економските резултати се исклучително добри од почетокот на годината, а како што предвидовме со средствата од праведното оданочување се поддржува социјалната реформа, односно обезбедување фер општество и праведен раст за сите. Од неделата започна исплатата на зголемената социјална помош согласно правата предвидени со новата социјална реформа. Над 25.000 домаќинства добија гарантиран минимален приход, што за поголемиот дел од нив значи надоместок зголемен за 100 отсто, истакна министерот за финансии Драган Тевдовски.

Одговорајќи на новинарско прашање во врска со предизборното ветување за 500 евра просечна плата, рече дека тој е поборник платите да растат бидејќи најголемиот дел од граѓаните живеат од својот труд. Посочи дека веќе има раст од 3,4 отсто и оти ќе се подолжи да се прави притисок за раст на платите и на давање поддршка во бизнис задницата.

СДСМ:Почнува реализација на мерката поврат на 15 отсто од ДДВ за граѓаните

Се реализира уште една клучна мерка од Програмата на Владата предводена од СДСМ за враќање пари кон граѓаните.

Од 1 јули започнува проектот за поврат на 15% од платениот Данок на додадена вредност на граѓаните, кој ќе обезбеди дополнителен приход во секое семејство.

Со проектот, право на поврат на ДДВ ќе има секое лице над 15 години со важечка лична карта и трансакциска сметка, а просечно четири члено семејство има можност преку повратот на дел од ДДВ да оствари дополнителен приход до 28.800 денари годишно.

Тоа е плата плус во секое семејство на крајот од годината.

Со реализација на оваа мерка, околу 50 милиони евра годишно ќе завршуваат во семејните буџети на граѓаните.

Истовремено оваа мерка директно влијае на намалување на сивата економија и даночно затајување. Повратот на дел од ДДВ ќе ги охрабри граѓаните да бараат фискални сметки и со тоа да влијаат врз намалувањето на сивата економијата и даночната евазија.

Укинувањето на радиодифузната такса, враќањето на евтината тарифа на струјата, мерките за раст на минималната и на просечната плата, зголемувањето социјалната помош за речиси 300 отсто, намалувања на трошоците, се само дел од досега спроведените мерки кои обезбедуваат повеќе пари кај граѓаните.

Зборот важи. Како одговорна и државотворна партија, продолжуваме со спроведување на мерките што обезбедуваат напредок, економски раст и повисок животен стандард за сите граѓани.

ЦЕНТАР ЗА КОМУНИКАЦИИ СО ЈАВНОСТА

СОЦИЈАЛДЕМОКРАТСКИ СОЈУЗ НА МАКЕДОНИЈА

НГ од ВМРО ДПМНЕ:За прашања значајни како изборниот законик да се зборува транспарентно

Осумката од НГ од ВМРО ДПМНЕ, согласно своите заложби и принципи за конкретни чекори кои ќе придонесат кон демократизација на општеството и со тоа, позадоволни граѓани, бара место во работните групи за измени на изборниот законик. 

Функцијата на Собранието во парламентарна демократија каква што е и РС Македонија треба да се надоградува. Во таа насока, време е за прашања значајни како изборниот законик да се зборува транспарентно и со учество на повеќе страни. Пратеници, граѓански сектор, јавноста, треба да бидат дел од овој процес за истиот да заврши позитивно и како што е најдобро за демократијата. Никој нема ексклузивно право над овие значајни прашања, а нашето учество ќе го обогати процесот и ќе допринесе за поквалитетно решение.

НЕЗАВИСНА ПГ на ВМРО-ДПМНЕ и Коалицијата за подобра Македонија

Интензитетот на сообраќајот зголемен, одрони на патот Делчево – Каменица

 Поради одрони, сообраќајот на регионалниот пат Делчево – Каменица се одвива по една сообраќајна лента, информира АМСМ.

Изменетиот сообраќаен режим ќе трае до рaсчистување на коловозот.

Промена на режимот на сообраќај, во времетраење од шест месеци, од вчера има на магистрален пат А2, делница Кичево – Охрид, поради изведување градежни активности за поставување електрично осветлување на крстосницата Другово, како и поставување индуктивни јамки на патниот правец Маврово-Кичево

Интензитетот на сообраќај на патните правци надвор од градските средини изутринава е зголемен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

притисни ентер