Милошовски: Фирмите не ја користат доволно арбитражата за решавање спорови

Во овој момент сметаме дека судските такси се релативно ниски, ограничувањето на најголема висина на судска такса на 48.000 денари е една од причините зошто компаниите не доаѓаат на арбитража.

 Ограничувањето на висината на судските такси  е една од причините поради кои компаниите недоволно користат арбитража за решавање на спорови, сметаат од Сојузот на стопанските комори на Македонија и најавуваат дека во Министерството за правда ќе иницираат измени на Законот за судски такси.

– Во овој момент сметаме дека судските такси се релативно ниски, ограничувањето на најголема висина на судска такса на 48.000 денари е една од причините зошто компаниите не доаѓаат на арбитража. Сепак довербата во судовите е поголема и нивниот одговор секогаш е зарем за толку малку трошок ќе одам на суд и ќе добијам одлука кога сепак редовен суд ми носи одлука. Затоа ќе дадеме идеи до Министерството за правда во делот на измена на Законот за судски такси, рече денеска на прес-конференција Александар Милошевски, потпретседател на ССК.

Милошоски ги пренесе искуствата во Бугарија, посочувајќи дека таму нема огрничување на висината на судската такса и се работи според процент од вредноста на спорот. – Како резултат на тоа арбитражните судови во Бугарија  работат многу повеќе и имаат голем број предмети, што се надевам во идниот период ќе биде и кај нас,односно ќе има поголем ефект и на нашиот и на другите арбитражни судови во државава, наведе Милошоски.

Предностите на арбитражата, дополни, се во брзината на решавање на споровите затоа што кога се оди на суд има подолг период од година, има право на жалба и натамошните постапки го одоговлекуваат решавањето на спорот, за разлика од арбитражата каде се носи една конечна одлука. – На пример, за спор во вредност од неколу милиони евра, тужителот за судска такса треба да уплати  48.000 денари и ќе каже – зошто да одам на арбитража, ќе одам на редовен суд, бидејќи сепак е судска одлука. Со нашата заложба за афирмација на арбитражата се надеваме дека ќе успееме компаниите да имаат поголема доверба во арбитражата и да сфатат дека таа може само да им донесе бенефити, посочи Милошоски, дополнувајќи дека  истовремено придобивка ќе има и државата затоа што ќе се намали бројот на судски предмети, па судовите ќе бидат помалку оптоварени со работа и ќе делуваат побргу за останатите предмети.

Од ССК сметаат дека арбитражата недоволно е искористена од малите и средни компании, иако е еден од најдобрите и најбрзите начини за решавање на стопанските спорови. Ефикасноста во решавањето на предметите на странките по пат на арбитража, укажуваат, им овозможува заштеда на трошоци и време и поголема сигурност во постапката. Брзината е една од најголемите предности на арбитражата, споровите се решаваат вообичаено во рок од три до девет месеци, при што се избегнуваат сите непотребни формалности и долгите судски спорови.

Во последните години се повеќе компании при склучување на договорите  вметнуваат клаузула за решавање на деловните спорови по пат на арбитража како алтернатива за спогодбено надминување на спорот, но не доволно.

Во светот 80 проценти од стопански спорови се решаваат по пат на арбитража, а во САД и до 90 проценти од споровите завршуваат на арбитража./МИА.

Специјална директна линија со рускиот претседател Владимир Путин

Денеска е предвидено да се одржи традиционалната годишна специјална директна линија со рускиот претседател Владимир Путин, која ќе биде емитувана во живо на повеќе руски телевизиски канали.

Претседателот Путин ќе одговора на прашања во врска со јавниот, политичкиот и социоекономскиот живот во земјата, но и на меѓународни прашања.

Луѓето можат да ги поставуваат своите прашања со телефонски повик или порака и преку веб-страница на телевизиската програма, како и преку посебна мобилна апликација.

Пејачот Мирослав Шкоро официјално ќе ја објави својата кандидатура за претседател на Хрватска

Музичарот и пејач Мирослав Шкоро официјално ќе ја објави својата кандидатура за претседател на Хрватска на крајот на оваа недела, пишува „Вечерњи лист“.

Шкоро засега планира да биде независен кандидат, но не ја исклучува можноста за разговор со различни политички опции и доколку ги прифатат неговите ставови, постои можност за соработка.

„Вечерњи лист“ тврди дека Шкоро ќе ја финансира кампањата со свои пари.

Прва соработничка во изборниот тим ќе му биде неговата сестра Весна Вучемиловиќ.

Инаку, официјална кандидатура за уште еден мандат официјално се уште не е објавена од актуелната претседателка Колинда Грабар Китаровиќ.

Официјално, кандидат на социјалдемократите ќе биде поранешниот премиер и лидер на најпознатата опозициска партија СДП, Зоран Милановиќ.

Во петок и за време на викендот сончево и топло

Претпладнево ќе биде сончево со мала до умерена облачност, а во попладневните часови ќе се задржи нестабилно време.

 Локално ќе има појава на невреме со пообилен дожд, силен ветер и појава на град.  Максималните температури во земјава ќе се движат од 26 до 33 степени.

Во петок и за време на викендот ќе преовладува сончево и топло време, со услови за изолирана појава на пороен дожд и грмежи.

Од недела попладне и во следните денови повторно на повеќе места ќе биде нестабилно со пороен дожд и грмежи, а дневната температура ќе опадне за неколку степени.

притисни ентер