Македонија

Анѓушев: Јапонските инвеститори да ја гледаат нашата држава како порта кон Европа

Имаме желба да ја зголемиме соработката со Јапонија во правец на отворање нови јапонски компании и фабрики во нашата земја. 

Тие да ја гледаат нашата држава како порта кон Европа, а од друга страна да видиме и кои наши производи може да се пласираат на јапонскиот пазар, изјави заменик претседателот на Владата задолжен за економски прашања, Кочо Анѓушев на денешната билатерална средба со делегација од Јапонија во Скопје.

– Јапонија е една од најразвиените држави во светот, посебно нивната економија и индустрија. Разговаравме за зголемување на соработката помеѓу нашата држава и Јапонија, што за нас претставува посебна чест. Тие ги кажаа нивните желби за зголемување на соработката со нашата држава, ние ги кажавме нашите можности во двата правци, значи во правец на привлекување на нивни инвеститори, компании да дојдат во нашата држава, да отворат фабрики, да инвестираат, и тука да ја гледаат нашата држава како порта кон Европа, а од друга страна да видиме и кои наши производи може да се пласираат на јапонскиот пазар кој што е развиен пазар, конкурентен пазар, и мислиме дека тука имаме исто така што да понудиме, во делегација заедно со владините претставници, рече Анѓушев.

Тој истакна дека од Јапонија се дојдени значителен број на големи компании и сите тие пријавиле интерес за соработка во нашата држава, и се надева дека од оваа посета ќе има сериозни понатамошни активности во делот на препознавање на можностите за идна економска соработка.

Министерка за странски инвестиции, Зорица Апостолска додаде дека со оваа официјална посета на висока државна и бизнис делегација од Јапонија се покажува дека државата е одлична дестинација за инвестирање, и појасни дека со оваа посета се очекува да се унапреди економската соработка како и трговската размена.

– Оваа прилика за нас претставува одлична можност да ги презентираме инвестициските политики на нашата држава како и да нагласиме дека во целиот процес на инвестициските проекти за сите инвеститори и претставници на Владата секако дека се посветени многу од почеток, од давање на информации и институционална грижа па се до реализација на целиот инвестициски проект. Подготвени сме во таа насока и постојано ги пратиме сите насоки за помош на сите инвеститори и секако дека ова е важно да се стави до знаење на јапонската делегација, рече Апостолска.

Јапонскиот државен министер Секи истакна дека годинава се наполнуваат 25 години од воспоставувањето на дипломатските односи меѓу Јапонија и нашата држава, и тој се надева дека соработката со Јапонија и сите земји од Западниот Балкан ќе се продлабочи.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер