Вакцинацијата останува задолжителна

Вакцинацијата останува задолжителна за упис и во градинките и во образованието и по вчерашната средба помеѓу министерот за здравство Филипче и премиерот Заев со група родители кои не сакаат да ги вакцинираат децата.

Министерот вели дека ги слушнале ставовите на родителите, но сепак доказите од медицината се посилни од ставовите на родителите.

Ова е прва средба со родителите кои се противат на вакцинацијата шест месеци од прогласувањето на епидемијата.

Министерот посочи дека од наредната недела ќе имаат и средба со доктори и со родители со цел имунизацијата да продолжи, а децата да бидат запишани во училиште. Казната за невакцинирање на детето е 500тини евра.

Околу илјада родители потпишале изјава дека нема да ги вакцинираат своите деца. Најмногу родители потпишале изјави од Скопје, Струмица, Штип и Куманово, велат до ДСЗИ.

Григор Димитров негативен на корона!

Бугарскиот тенисер Григор Димитров поради кој беше откажано финалето на Адриа турот во Задар го победи корона вирусот.

Димитров на последниот дена на турнирот во Задар, 21 јуни објави дека е позитивен на ковид -19, поради што веднаш беше откажано финалето Ѓоковиќ – Рубљов. Веднаш потоа позитивен тест на корона имаа Новак Ѓоковиќ, Борна Чориќ, Горан Иванишевиќ и двајца тренери.

Прв пат по турнирот во Задар кој предизвика лавина од коментари меѓу светските тенисер се огласи бугарскиот тенисер Григор Димитров.

-Токму сега добив извонредни вести од докторот од Монако, кој потврди дека сум негативен на Ковид-19. Ви благодарам на сите за поддршката во изминатите недели за време на мојот карантин.Се радувам што брзо ќе му се вратам на тренингот и што ќе бидам подготвен за американската турнеја на тврда подлога, напишал Димитров на Инстаграм.

Втор ден од изборниот процес, право на глас денеска имаат болните и изнемоштените

На вториот ден од гласањето за предвремените парламентарни избори, своето право на глас ќе можат да го остварат затворениците, лицата во домашен притвор, внатрешно раселените лица, како и болните и немоќните лица. 

Правото на глас денеска ќе можат да го остварат 8.855 болни и немоќни лица, чии што пријави биле прифатени од вкупно 9.491 пријави што пристигнале до ДИК. во текот на денешниот ден ќе гласаат и 1.657 затвореници во 13 казнено-поправни установи низ земјава, како и 357 стари лица сместени во 17 старски домови.

Државната изборна комисија го отфрла шпекулациите дека имало броење на гласовите од вчера

Пациентите кои оздравеле од ковид- 19, со недели, па и месеци, потоа имаат последици

Истражувањето го спроведоа лекарите од клиниката „Џемели” во Рим, Анџело Карфи и Роберто Бернабеи, кои прегледаа 150 пациенти заразени со коронавирус.

Пациентите кои оздравеле од ковид- 19, со недели, па и месеци, потоа продолжуваат да имаат последици во форма на хроничен замор, отежнато дишење, болка во мускулите, некои сакаат да спијат по цел ден, а за некои е голем напор да се качат само еден кат, пишува „Јуроп Тудеј”.

Истражувањето го спроведоа лекарите од клиниката „Џемели” во Рим, Анџело Карфи и Роберто Бернабеи, кои прегледаа 150 пациенти заразени со коронавирус.

Од анкетираните, 87 отсто потврдиле дека имаат барем еден од пост-ковид симптомите, претежно преголем замор, проблеми со дишењето, некои имале психолошки проблеми, а голем број на пациенти по закрепнувањето покажале знаци на посттрауматско нарушување.

Речиси сите испитаници имале проблеми со апетитот и намалување на телесната маса.

притисни ентер