„Само Вистина“ со Тодор Петров и Исмет Рамадани

Во вечерашната „Само Вистина“ дебатираа Тодор Петров и Исмет Рамадани.

- Легитимирани места кои се во групата на културно наследство се уништуваат затоа што царува урбаната мафија, криминалот и корупцијата, вели Петров. - Се потфрли во заштитата за Охрид, власта мора брзо да реагира со конкретни мерки за да се тргне од листата на „загрозени“, додава Рамадани.

- Ако поентата на Пендаровски со помирувањето е да се помириме за промената на името тогаш тоа е сосема погрешен пристап, смета Петров. - Вашата опција е поразена, договорот со Грција се направи за да ни се отворат евроатлантските врати, возвраќа Рамадани.

- Не може „метлата“ да има некаков ефект кога ја спроведуваат тие кои најмногу треба да сносат одговорност за се што е направено, дециден е Петров. - Нормално е во оваа фаза да се донесе поквалификуван кадар кој ќе внесе свежина и уште понормално е оние кои потфрлиле да бидат санкцонирани, заклучува Рамадани.

Повеќе детали погледнете во најновото издание на „Само Вистина".

Локализиран пожарот од страна на Пинтија

Целосно е локализиран пожарот од страна на Пинтија, останува дел над населбата Усје. 

Противпожарни екипи се на терен и се работи на негово комплетно гаснење, информираат за МИА од Територијалната противпожарна единица на Град Скопје.

Пожарот избувна денеска околу 11:30 часот во шумата над скопската населба Пинтија. Зафатена беше поголема површина мешана шума.

Територијалната противпожарна единица на Град Скопје во гаснењето на пожарот доби помош и од воздух, активирани беа и авионите на Дирекцијата за заштита и спасување. Авионите направија два прелети  и фрлија вода кон Сопиште, каде се ширеше пожарот. Пожарникарите уверуваат дека нема опасност за ширење на пожарот кон Сопиште.

Во гаснењето на пожарот во Пинтија се вклучи и градоначалникот на Кисела Вода Филип Темелковски со претставници од Општината и месното население.

Во моментов активен е само пожарот кај Обиколница Бутел, а изгаснати се пожарите во Долно Блаце и Мојанци./МИА

Во сообраќајна несреќа настрадале мајка и ќерка од Пирот

Наместо да стигнат на одмор во Грција тие настрадале во сообраќајна несреќа.

Во сообраќајната несреќа која се случила во петок изутрина во Бугарија, на магистралниот пат кон Грција се случила сообраќајна несреќа во која настрадале мајка и ќерка, додека таткото кој го управувал возилото со тешки повреди е пренесен во болница.

Како што соопштуваат бугарските медиуми, несреќата се случила откако возилото „Фиат Панда“ со пиротски регистарски таблички од непознати причини нагло свртело на другата страна од коловозната лента и направило директен судир со автобус кој се обраќал на релација Благоевград- Сапарева бања.

Семејството од Пирот на кое му се случи оваа несреќа било тргнато на годишен одмор во Грција.

Тројца мртви во инцидент меѓу навивачи во Хондурас

Тројца се убиени во инцидент меѓу навивачи пред фудбалскиот меч помеѓу Мотахуе и Олимпија на Националниот стадион во Хондурас, пишуваат локалните медиуми.

Тие пренесуваат дека навивачи на Олипија го нападнале автобусот во кој се возеле навивачи од противничкиот тим. Се слушало пукање а полицијата користела солзавец за да го сопре инцидентот. Повредени се уште тројца луѓе од скршено стакло.

притисни ентер