Македонија

Во Вашингтон одбележан Денот на сесловенските просветители св. Кирил и Методиј

Под покровителство на иселеничката организација Форум за демократска Македонија, Денот на сесловенските просветители, св. Кирил и Методиј – 24 Мај, беше одбележан САД со пригодно предавање за нивното дело и културно наследство.

Предавањето беше подготвено и презентирано од Анета Георгиевска-Шајн, историчар на уметност и предавач на Универзитетот на Мериленд и музејската институција Смитсонијан. Во него беа опфатени бројни елементи на делото, мисијата и историското значење на овие просветители – од формирањето на глаголското писмо и неговата улога во ширењето на писменоста кај повеќе словенски народи, до културното наследство поврзано со нивното дело, вклучувајќи средновековни црковни зданија и ракописи, но и оние од поновиот период.

Настанот се одржа во просториите на Амбасадата на Република Северна Македонија, а беше проследен со прием во чест на овој голем празник.

На настанот присуствуваа американски граѓани од разни сфери на јавниот живот, но и гости од други амбасади, вклучувајќи и од соседните држави.

Форумот за Демократска Македонија, како што наведуваат на нивниот фејсбук профил, преку своите претставници и членови на разни места во светот, ќе продолжи да организира слични настани насочени кон афирмација и валоризација на македонскиот јазик, идентитет и културно наследство.

Македонија

Јанчев: Се поставуваат сливници и решетки во село Возарци

Во тек е поставување на сливници и решетки во село Возарци, откако претходно беше поставена атмосферска и фекална канализација, објави на социјалните мрежи првиот човек на Општина Кавадарци, Митко Јанчев.

Во тек е поставување на сливници и решетки во село Возарци, откако претходно беше поставена атмосферска и фекална канализација, беа асфалтирани сите споредни улици како и комплетно целата главна улица.

Инвестиција на Општина Кавадарци во висина од 20.000.000 денари, а изведувач е фирмата Жикол.

За убаво Кавадарци. [🍀], напиша Јанчев на Фејсбук.

Рецепти

„Гответе со Дракче“ - Оброк со варени јајца

Во четврток (25.04.2024) во емисијата гостин ни беше Благоја Грујовски.

Состојки за денешниот рецепт:

4 јајца

1 лажица јаболков оцет

1 лажица крупна сол

100 гр. рендан пармезан

1 коцка путер

малку бибер

неколку парчиња двопек

Погледнете како се подготвува овој рецепт:

Регион

Локалните избори во Србија и изборите во Белград ќе се одржат на 2 јуни

Претседателката на српскиот парламент, Ана Брнабиќ, за недела, 2 јуни, распиша локални избори во 66 единици на локалната самоуправа во Србија.

Во своето обраќање во српскиот парламент, Брнабиќ рече дека распишувањето на локалните избори за 2 јуни, кога ќе се одржат и изборите во Белград, е резултат на „успешниот дијалог“ и усвојувањето со двотретинско мнозинство во парламентот на измените и дополнувањата на законот за локални избори.

- Среќна сум што испративме порака од парламентот до сите наши граѓани дека како нивни избрани претставници сме способни да постигнеме договор и покрај сите наши разлики. Ваквиот договор е победа на сите одговорни луѓе, рече претседателката на српскиот парламент.

Веднаш потоа, претседателот на привремената управа на Белград, Александар Шапиќ, за недела, 2 јуни, распиша избори во 17 белградски општини.

Шапиќ рече дека од денеска почнуваат роковите за спроведување на изборните дејствија.

- Им посакувам среќа на сите учесници на изборите и на граѓаните кои покрај претставниците во собранијата на градските општини избираат и свои претставници за Собранието на град Белград, рече Шапиќ.