Но, со јасна назнака дека нивниот производ потекнува од Северна Македонија, ова е како што пренесоа медиумите во Атина, ставот на грчката страна од заедничката комисија за трговски марки и ознаки, кои вчера се сретнаа во Солун.
Според генералниот секретар за меѓународни осноси во грчкото МНР, Јанис Брахос, кој одржа пресконференција по средбата со македонските колеги, рече дека на пријателите од северот им објасниле дека насоката на разговорите е заснована на европското право, со кое би биле опфатени и географските ознаки.
-Ова прашање е важно за компаниите од Северна Грција и се надевам дека од овие разговори наскоро ќе има резултати. Во овој контекст, би сакал да нагласам дека терминот Македонија не може да се користи од страна на компании во соседната земја, туку само придавката македонско, изјави Јанис Брахос, генерален секретар за меѓународни односи во грчкото МНР
Од македонското МНР ниту ја потврдија, ниту ја отфрлија ваквата информација. Состанокот со грчките колеги во Солун го одбележаа само во форма на заедничка писмена изјава на државиот секретар во македонското МНР, Виктор Димовски и неговиот грчки колега Брахос.
„Ваквиот цврст чекор кој е неразделно поврзан со институционализираниот дијалог меѓу деловните заедници на нашите две земји претставува опиплив доказ за нашата целосна посветеност на Преспанскиот договор, стои во заедничката изјава по средбата во Солун.
Следниот состанок на ниво на меѓународна група експерти ќе се одржи кон почетокот на јуни. Проценките се дека околу 150 трговски марки во земјава во името го содржат зборот Македонија или неговата англиска верзија. Слично е и во Грција, каде името „Македонија“ е дел од 182 бренда на грчки компании.
Преговорите за трговските марки е едно од последните отворени прашања од Преспанскиот Договор, заедно со содржината на учебниците,чиј експертски тим, денеска и утре во Охрид ќе одржат својата четврта средба.