Новак Ѓоковиќ супериорно го доби Мастерсот во Мадрид

Првиот тенисер на светот , Новак Ѓоковиќ , победник е на АТП турнирот од Мастерс 1000 серијата во Мадрид.

Ѓоковиќ во финалето убедливо го надигра Гркот Стефанос Циципас со 6 :3 и 6: 4. За 31- годишниот Ѓоковиќ ова е 74. АТП наслов во кариерата , а 33. на турнир од Мастерс 1000 серијата.

Во Мадрид Ноле по трет пат го подигна пехарот по 2011 и 2016 година. На младиот 20 годишен Циципас ова му беше втор настап во финале на некој Мастерс 1000 турнир и втор пораз откако лани во финалето во Торонто загуби од Рафаел Надал.

Циципас до сега има два освоени Мастерс турнири и тоа и двата годинава – во Марсеј и Есторил.

притисни ентер