Македонија

Судијата Киро Здравев нов претседател на Судскиот совет

Нов претседател на Судскиот совет е судијата од Врховниот суд Киро Здравев, а негов заменик е Селим Адеми.

Ова беше одлучено на денешната седница на советот на која Здравев со тајно гласање беше избран со 12 гласа “за”, а ниту еден “против”, додека за Адеми гласаа 11 членови, а едно ливче беше неважечко. И двајцата беа единствени кандидати за позицијата за која се назначени. Нивната функција формално почнува од оваа сабота, додека на стариот претседател Зоран Караџовски мандатот му завршува утре. Караџовски и во двата круга гласаше прв, а последен претседателот на Врховниот суд Јово Вангеловски, кој иако е член, поретко се појавува на седниците на советот.

Новоизбраниот претседател во изјава за медиумите рече дека ќе се залага за враќање на довербата на граѓаните во судската власт. На прашање како ќе ги раскинат врските со политичарите, Здравев рече дека тоа е оставено на совеста на членовите на советот..Истакна дека постапките за утврдување на нестручно и несовесно врешење на судсиката функција сигурно ќе бидат завршени, но најверојатно со нив ќе се зафатат на есен.

“ Со оглед на тоа дека се покренати и постапки пред Судскиот совет јас реков дека се што е покренато како постапка пред судскиот совет за утврдување на одговорност на било кој, независно дали е судија, претседател на суд, уште повеќе член на Судски совет или претседател на Судски совет тие постапки мора да ги завршиме. “-Кирo Здравев – Нов претседател на Судски совет .

Здравев беше избран за член на Советот минатата година, додека неговиот заменик Адеми во 2013тата беше назначен за член по предлог на Собранието на Македонија.

Мандатот на претседателот на Судскиот совет , според новиот закон е 2 години. На седницата не беа присутни двајца членови на советот, министерката за правда Рената Дескоска и судијката Годана Спиреска, која е на годишен одмор.

Свет

Столтенберг: Украина и натаму може да ја добие војната против Русија

Генералниот секретар на НАТО, Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.

Ракомет

ЛШ во ракомет: Барселона на чекор до полуфинале

Ракометарите на Барселона направија голем чекор кон пласман на завршниот турнир во Лигата на шампионите со победата од 30-22 (11-14) на гости кај богатиот ПСЖ во првиот четвртфинален натпревар.

Екипата на Барселона направи „брејк“ на гостувањето кај најскапиот клуб кој настапува во Лигата на шампионите и со една нога е меѓу учесниците на завршницата во европската ракометна елита. Шпанскиот шампион на првиот четвртфинален натпревар против ПСЖ извојува голема победа од 22-30. Парижани одиграа одлично прво полувреме и имаа сигурна предност, но во второто на изненадување на сите и на разочарување на фановите во салата се распаднаа и доживеаја тежок пораз од осум гола разлика.

Свет

Медиуми: Израел е подготвен да прифати ослободување на помалку од 40 заложници

Израел е подготвен да прифати ослободување на помалку од 40 заложници, пишуваат израелските медиуми.

Израелскиот Воен кабинет сега е подготвен да прифати ослободување на само 20 заложници во првата фаза од договорот под услов да бидат ослободени жени, мажи над 50 години и тешко болни, а кабинетот вчера го овласти израелскиот преговарачки тим да разговара за пофлексибилен пристап со египетската делегација, која денеска во Тел Авив ќе има дополнителни разговори, објави израелската интернет страница Инет.

Израел е подготвен да го ублажи своето барање Хамас да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите во Катар- Египет и САД, пишува Тајмс оф Израел повикувајќи се на израелски портали.

Претходниот предлог вклучуваше ослободување на 40 заложници во наведените категории, но Хамас соопшти дека нема толку многу жени, мажи над 50 години и тешко болни кои се уште се живи.

Посредниците од Катар, Египет и САД им дадоа на страните во конфликтот, Израел и Хамас, нов предлог за прекин на огнот во Појасот Газа, што треба да се спроведе во три фази. Првата фаза вклучува ослободување на 40 израелски заложници кои ги држи Хамас во Појасот Газа во замена за ослободување на 900 Палестинци од израелските затвори, меѓу кои и 100 со казна доживотен затвор. Второ, враќање на раселените Палестинци во северниот дел на Појасот Газа и трето, дневен влез во енклавата на 500 камиони со хуманитарна помош.