Македонија

Синот на Мира „Дизел“ вработен со дискрециона одлука на директорот на ЕЛЕМ

Антикорупциска утврдила дека постои непотизам, во 9 случаи од првите 18 за кои што отвори предмети.

Антикоруопциската комсија побара да се поведе прекршочна пријава против министеротза еконимија Кресник Бектеши за влијание при вработување на неговата сестра , а две прекршочни пријави ќе има и против претседателот Ѓорѓе Иванов за армиски унапредувања за време на пердизборниот период,

Индикации за влијание има и за вработувањето на сестрата на Минстерот за култура Асаф Адеми за која комисијата констатирала дека било креирано ново работно место. Антикорупцсика утврди судир на интереси во изборот на внуката на обвинителот Коле Штерјев и за него бараат прекшочна пријава.

Антикорупциска констартираше дека се неосновани наодите за влијание на претседателот на собранието Талат Џафери при вработувањето на неговата ќерка во ЕЛЕМ , од кандидатите кои се пријавиле таа имала најсоодветно обрзавание . Баџанакот на Џафери излезе и се иззема од гласањето , Комсијата не најде неправилоности и за вработувањето на синот на пратеникот Горан Мисовски , иако тој даде отказ од работното место.

За пратеничата од СДСМ Мира Стојчевска за сопругот и нејзиниот брат не се потврдуваат наодите за непотизам , но за вработувањето на нејзиниот син во ЕЛЕМ Антикорупциска побараа од владата и надзорниот одбор на Елем и Трудовиот инспекторат да го провери изборот.

Антикорупциска проверка треба да се спроведе за вработувањето на мајката на пратеникот Костадин Костадинов иако таа се повлекла од работното место,за случајот треба да се извести владата .За таткото на Александар Кирацовски за работното место општ работник во Новаци нема објаснување како се слектираат вработените, затоа антикорупциска препорачува да се извести владата. Инаку тој се повлекол од работното место .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Манекенка во топлес

Убавата сопруга на светската музичка ѕвезда Џастин Бибер, манекенката Хејли Бибер повторно го привлече вниманието на љубопитната јавност.

Таа позираше за модна кампања и ја разгори имагинацијата на многумина со својот атрактивен изглед.

Хејли Бибер денес важи за најпопуларен модел. Таа не е само дама што рекламира облека од светски брендови, туку и дама што знае како да ја носи и да ја комбинира таа облека.

Таа стекна големи симпатии кај јавноста на социјалните мрежи, каде што гордо ја носи титулата „трендсетерка“. Нејзините совети за постигнување совршен изглед на шминката се омилени меѓу жените, особено оние што покажуваат како да се постигне природен изглед и стил што зрачи со лежерна елеганција.

Сега, Хајли се огласи на социјалните мрежи за да ѝ ја претстави на светот својата нова соработка со брендот „Gap“.

Како што може да се види, 29-годишната убавица гордо позираше во широки фармерки со низок струк, но вниманието го привлече горниот дел од модната комбинација. топлес изданието на убавата манекенка.

Или, поточно, горниот дел што не го носеше, поради што голите гради вешто ги сокри зад парче ткаенина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Анџелина Џоли подготвена за ново поглавје во животот: Размислува да го напушти Лос Анџелес

Холивудската ѕвезда, актерката Анџелина Џоли е подготвена за ново поглавје во својот живот откако нејзините најмлади близнаци, Вивиен и Нокс, го прославија својот 18-ти роденден.

Актерката и хуманитарка, која има шест деца со поранешниот сопруг Бред Пит, сега сака повеќе слобода и флексибилност во својот живот.

Според извор што разговарал со магазинот *People*, таа со години размислува да го напушти Лос Анџелес. „Таа со години зборува за тоа дека сака да си замине од Лос Анџелес. Среќна е што сега има поголема слобода и можност да прави поинакви избори“, изјавил неименуваниот извор.

На 12 јули, Џоли го одбележа полнолетството на близнаците Вивиен и Нокс, а според истиот извор, таа сега сака повеќе да патува со своите деца и да го истражува светот. „Нејзините деца отсекогаш биле нејзин главен приоритет. Сакаше тие да искусат различни култури и делови од светот, а сега со нетрпение очекува заедно да патуваат и да откриваат нови места. Таа е подготвена за тоа“, додал изворот.

Анџелина Џоли и Бред Пит се запознаа за време на снимањето на филмот *Mr. & Mrs. Smith* („Господин и госпоѓа Смит“), а се разделија во 2016 година, по 12-годишна врска и две години брак. Нивниот развод беше официјално финализиран во декември 2024 година.

Актерката уште минатата година навести дека планира да го напушти Лос Анџелес штом нејзините најмлади деца ќе станат полнолетни.

„Ќе можам да заминам оттука штом ќе наполнат 18 години“, изјави таа тогаш, мислејќи на Вивиен и Нокс. Таа додаде дека сака да им обезбеди мир, приватност и сигурност на своите деца, но дека веќе не го доживува Лос Анџелес како место каде што чувствува припадност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: Електричните автомобили доминираа на фестивалот на брзината „Гудвуд“

Овогодишниот фестивал на брзината во Гудвуд повторно ги собра најбрзите и најексклузивните автомобили во светот, а на традиционалната трка со искачување на рид, Ford Super Mustang Mach-E го постигна најбрзото време.

Овогодишниот фестивал на брзината во Гудвуд повторно ги собра најбрзите и најексклузивните автомобили во светот, а на традиционалната трка со искачување на рид, Ford Super Mustang Mach-E го постигна најбрзото време, совладувајќи ја патеката долга 1,16 милји (1,86 километри) за импресивни 41,98 секунди.

За управувачот на електричниот прототип се наоѓаше реномираниот француски возач Ромен Дима; со оваа победа, тој му ја обезбеди на Ford третата последователна победа во финалниот дуел на фестивалот, надминувајќи го болидот од четвртата генерација на Формула Е.

Третото место му припадна на легендарниот Shadow-Chevrolet DN4 – кој воедно беше и најбрзиот автомобил со мотор со внатрешно согорување – додека во првите десет се пласираа и Volkswagen Polo WRX, BMW M3 Touring 24H, Subaru Brataroo 9500 Turbo, Porsche 911 Cup (992.2), Nissan 300ZX Turbo, Dodge Viper GTS-R и Toyota-Judd Formula Supra.

Резултатите уште еднаш покажаа колку конкурентни станаа електричните погонски системи во трките на угорнина, иако апсолутниот рекорд на Гудвуд сè уште го држи електричниот „McMurtry Spéirling“, кој ја совлада патеката за неверојатни 39,08 секунди во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.