Собранието ќе ја одржи 95. седница

Собранието на Република Северна Македонија денеска ќе ја одржи 95. седница, на чиј дневен ред ќе бидат еден дел од законите кои ги врати претседателот Ѓорге Иванов.

Пратениците ќе расправаат по Законот за изменување на Законот за Владата на Република Македонија,  поднесен од пратениците Артан Груби, Зеќир Рамчиловиќ, Панчо Минов, Јован Митрески, Џеват Адеми, Ејуп Алими, Реџаиљ Исмаили, Весел Мемеди, Јусуф Хасани, за Законот за изменување и дополнување на Изборниот законик, поднесен од претениците Сурија Рашиди, Јован Митрески, Никола Мицевски, Ејуп Алими, Фадил Зендели, Предлогот на одлуката за изменување на Одлуката за испраќање на припадници на Армијата на Република Македонија за учество во мировната операција на Организацијата на Обединетите нации „УНИФИЛ", во Република Либан.

На дневен ред се и Законот за ратификација на Договорот меѓу Република Северна Македонија и Црна Гора за уредување на меѓусебните имотно-правни односи, Законот за централен регистар на население,  Законот за електронско управување и електронски услуги,  Законот за извршување на санкциите, Законот за услуги, Законот за тутун, производи од тутун и сродни производи, Законот за изменување и дополнување на Законот за јавен долг, Законот за изменување и дополнување на Законот за регистрирање на готовински плаќања, Законот за изменување и дополнување на Законот за државните награди, Законот за практикантство, Законот за изменување на Законот за спортот, Законот за изменување и дополнување на Законот за финансиска поддршка на инвестиции.

Дневниот ред е надополнет и со дополнувањето на предлогот на закон за Судскиот совет на Република Македонија, дополнување на предлогот на закон за слободен пристап до информации од јавен карактер,  дополнување на предлогот на закон за инспекциски надзор, дополнување на предлогот на закон за акцизите, сите во второ читање.

На дневен ред се и Барањето за давање на автентично толкување на член 10 став 2 точка 2 алинеа 3 од Законот за судска служба, поднесено од пратеникот Александар Кирацовски, Барањето за давање на автентично толкување на член 23 став 4 од Законот за јавните претпријатија, поднесено од пратеникот Хари Локвенец, Барањето за давање на автентично толкување на член 85 од Законот за пензиското и инвалидското осигурување, поднесено од пратеникот Панчо Минов, Барањето за давање на автентично толкување на член 44 став 1 од Законот за стечај , поднесено од пратеникот Ивана Туфегџиќ, Барањето за давање на автентично толкување на член 102 од Законот за аудио и аудио-визуелни медиумски услуги, поднесено од Советот на општина Битола, Барањето за давање на автентично толкување на член 68 став 3 од Законот за нотаријатот, поднесено од градоначалникот на Општина Центар, Предлогот на автентично толкување на член 117 од Законот за данок на личен доход, поднесен од пратениците Ирена Стефоска, Ивана Туфегџиќ, Павле Богоевски./МИА

СДСМ: Мицкоски е ист како Груевски, тие знаат само за барок, споменици и провизии од промашени и недоградени патишта

Имаше време ВМРО-ДПМНЕ од 11 години, да направи нешто позитивно за државата и граѓаните  и на полето на економијата и инфраструктурата. 

Но, единствено што направија за време на нивното владеење е криминал на сите полиња од општественото живеење.

Времето на ВМРО-ДПМНЕ ќе остане длабоко врежано во сеќавањето на граѓаните како криминално владеење, запаметено по грабежот од граѓаните, економскиот пустош и изградени  вкупно 10 километри автопат!

Денес извршителот Мицкоски повторно нема што друго да понуди, туку ја препишува и  копира програмата на СДСМ за инфраструктурата.

Нема идеја, нема програма, единствено на што е фокусиран Мицкоски  е одбраната на криминалот на Груевски.

Мицкоски треба да знае дека за препишување и плагијат се паѓа од испит и не само тоа, туку и се губи правото за полагање за 4 години, ако дотогаш воопшто остане претседател на криминалната ВМРО-ДПМНЕ после поразот на 12 април.

Ништо не е сменето во ВМРО-ДПМНЕ, тоа е истата нереформирана, заробена партија од Никола Груевски.

Уште една потврда за тоа е и што од оваа партија нудат предлог проекти кои веќе се во реализација и  влезени во програмата на Јавното претпријатие  за патишта.

Времето  на владеењето на ВМРО-ДПМНЕ останува запаметено како време кога безмилосно се трошеа парите од Буџетот на барок, споменици и палми наместо на автопати, водоводи и канализации.

Секој проект криминален, со коруптивни зделки и скандали, со проценти, како што чувме од разговорите на Јанакиески и Груевски во стилот „да не се претераме".

На започнатиот дел од автопатот Миладиновци - Штип беа затекнати бандери на сред пат, без предвидени клучки ниту приклучоци за делницата на автопатот до Охрид.

За разлика од ВМРО-ДПМНЕ, СДСМ во само 2.5 години мандат, изгради и рехабилитираше 750 километри патишта, го заврши автопатот Миладиновци - Штип и ги разреши сите недостатоци. Откочена е и изградбата на автопатот до Охрид, каде се поправија исто сите грешки и дупки во проектот.

Нема пат во земјава којшто не е обновен или веќе во фаза на обнова.

За само 2,5 години се изградија 400 километри канализации и водоводи.

Додека ВМРО-ДПМНЕ 11 години крадеше пари од граѓаните, СДСМ гради патишта, водоводи, канализации, се што е потребно за граѓаните.

Затоа залудни им се обидите на ВМРО-ДПМНЕ и извршителот Мицкоски да манипулираат со граѓаните. Затоа што тие ни како власт ни како опозиција покажале дека работат во интерес на граѓаните ,туку токму спротивното.

Затоа, на 12 април граѓаните ќе ги поразат деструктивните ВМРО-ДПМНЕ и ќе порачаат  режим -никогаш повеќе!

Центар за комуникации со јавноста на СДСМ

Земјите-членки на Европска унија ќе забранат увоз на овошје што содржи траги на хлорпирифос

Земјите-членки на Европска унија синоќа се договорија да забранат увоз на овошје што содржи траги на хлорпирифос, пестицид кој е штетен по човековото здравје.

Одлуката е донесена со мнозинство гласови и ќе следи забрана на хлорпирифос во цела ЕУ.

По тримесечниот преоден рок секое увезено овошје со поголема количина на пестицидот од дозволеното ќе биде забрането да се продава во ЕУ.

Европскиот регулатор за безбедност на храната во август минатата година утврди загриженост поради „евентуалниот генотички ефект, како и неуролошкиот ефект во текот на развојот на децата“.

Милошоски и ја предаде на Русковска аудио снимката што ја пушти на собраниска комисија

-Обвинителката беше коректна, направи записник по предадениот материјал и рече дека ќе го вкчучи во истрагата за Меѓународниот сојуз. 

Пратеникот од ВМРО-ДПМНЕ Антонио Милошоски во Обвинителството за гонење организиран криминал и корупција ја предал аудио снимката, која како што вели, ја добил од укажувач, а на која се претпоставува дека се слуша гласот на поранешниот премиер Зоран Заев.

Тој откако и ја предал аудио снимката на обвинителката Вилма Русковска, рече оти добил ветување дека материјалот ќе се користи како доказ во случајот Меѓународен сојуз каде осомничени се Боки 13, неговиот татко, како и Фросина Ременски.

-Обвинителката беше коректна, направи записник по предадениот материјал и рече дека ќе го вкчучи во истрагата за Меѓународниот сојуз. Како што кажав, овие записи покажуваат декаЗоран Заев знаел за финансирањето на оваа невладина организација и на 1ТВ, рече Милошоски.

Според него, најдобро би било Русковска да го повика и Заев даде појаснување за разговорот.

Снимката што денеска ја предаде во Обвинителството, Милошоски минатата недела ја презентираше на седница на собраниска комисија.

Тој појасни дека дал само еден разговор, оној кој го пушти на седница на собраниската комисија, но не и материјал за кој бараше дозвола да го презентира на пленарна седница, за што не доби дозвола од претседателот на Собранието, Талат Џафери.

-Дадов се што имам, ако добијам други материјали, ќе ги доставам и тие, рече Милошоски.

Доставувањето на аудио снимката денеска со кусо соопштение го потврдија и од Обвинителството.

-Денеска во Основното јавно обвинителство за гонење на организиран криминал и корупција, на негово барање, обвинителката Вилма Русковска го прими пратеникот Антонио Милошоски. На средбата Милошоски достави аудио материјал за кој по преслушувањето и анализа на истиот ќе биде донесена јавнообвинителска одлука за понатамошно користење на материјалот, се вели во соопштението.

притисни ентер