Хаос во Тирана- со молотови коктели кон полицијата , десетици приведени (ВИДЕО)

Неколку лица се повредени вчеравечер во Тирана , за време на насилните антивладини протести при судирот на демнонстрантите со полицијата.

Илјадници се собраа пред парламентот со барање за оставка на премиерот Еди Рама и неговата влада. Полицијата користеше солзавез за да ги спречи демонстрантите да упaднат во зградата на Парламентот.

Демонстрантите возвратија со молотови коктели , при што е запален еден автомобил , а неколкумина се повредени. На тоа полицијата одговори со водени топови.

Опозицијата го обвини Рама за корупција и изборни измами , а протестите траат повеќе од два месеца.

Во февруари повеќе од 60 пратеници од опозициската Конзервативно демократска партија и нејзините партнери , го напуштија парламентот во знак на протест.

Во Штип инфо сесија за Законот за финансиска дисциплина

 Проектот на УСАИД Партнерство за подобра бизнис регулатива денеска во Штип ќе одржи инфо сесија на тема „Закон за финансиска дисциплина и исполнување на договори".

Целта на настанот е претставување на Законот за финансиска дисциплина и идентификување на предизвиците со кои се соочуваат компаниите при неговата имплементација, како и дефинирање конкретни предлози и решенија за подобрување на правната рамка.

Според организаторот, целта на предлозите од инфо сесијата е подобрување на условите за работа на компаниите.

На настанот ќе присуствуваат претставници на релевантни институции, стопанственици и експерти.

Министерски совет на ЕУ за Македонија и за Албанија

Министрите за надворешни и европски работи на земјите членки на ЕУ денеска во Луксембург ќе разговараат за напредокот на земјите од западниот Балкан и проширувањето.

 Министрите, меѓу другото, треба да решат дали и кога Македонија и Албанија ќе ги започнат преговорите за членство во ЕУ, како што препорача Европската комисија на 29 мај во своите извештаи.

Досега не е постигнат консензус помеѓу земјите членки за заклучоците на овој состанок.

Одлуката што ќе ја донесат министрите денеска потоа ќе треба да биде потврдена од страна на шефовите на држави и влади на ЕУ на европскиот совет на 20 и 21 јуни во Брисел.

Коловозите влажни, можни одрони низ котлините и клисурите

Сообраќајот на државните патишта се одвива по наместа коловози. Интензитетот на сообраќајот на патните правци надвор од градските средини е зголемен.

 На граничните премини од македонска страна, нема подолги задржувања за влез и излез од државата.

Како што информира АМСМ, поради одрони, сообраќајот на регионалниот пат Делчево-Каменица се одвива по една сообраќајна лента. Се преземаат мерки за рсчистување на коловозот.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. 

притисни ентер