Се урна мост во Индија – петмина загинати, десетици повредени

Пет лица загинаа , а 36 се повредени кога се урна дел од пешачки мост за време на вечерниот метеж во индискиот град Мумбаи.

Три од загинатите се жени , соопшти полицијата , додека повредените се пренесени во болница. Мостот води кон најголемата железничка станица во Мумбаи , преку кој дневно минуваат десетици илјади луѓе.

Не се познати причините за падот на пешачкиот мост , а во тек е акцијата на пребарување на урнатините.

Во јули ќе се знае наследникот на Меј

Наследникот на Тереза Меј во Конзервативната партија ке се знае до крајот на јули, сооптшија  од партијата, непосредно по оставката на Меј.

Британскиот пратеник Борис Џонсон пак вети дека ќе ја изнесе Британија од ЕУ ако е потребно и без договор.. Фаворитот за нов премиер најави дека ке го спроведе Брегзит најдоцна до крајот на октомври, дури и ако се покаже дека е невозможно да се постигне подобар договор со ЕУ.

По оставката на Меј, нема нови преговори за Брегзит предупреди денеска холандскиот премиер Руте, а Ангела Мерекл порача дека Германија ќе ја продолжи соработката со Британија.

Оставката на Тереза Меј со игра на зборови, ја коментираше портпаролката на руското МНР,Марија Захарова.

,,Логично мај завршува со почетокот на јуни’, напиша на фејбук Захарова. Меј на англиски е мај, а исто така се пишува и презимето на британската премиерка.

Главниот виновник за падот на австриската влада тужи три лица

Лидерот на десничарската партија и досегашен вицеканцелар, Хајнц Кристијан Штрахе , кој падна во замката со снимениот разговор на Ибица за наместени тендери, тужи три лица.

Штрахе поднел тужби против виенски адвокат, детектив и против непознато женско лице , кои г намамиле во видео замката на Ибица поради што падна австриската влада на чело со канцеларот Себастијан Курц.

Идентитетот на жената , која на снимката се претставува како внука на руски милијардер и на која Штрахе и ветува предност на државните тендери вредни 250 милиони евра , не е познат.

Тужениот виенски адвокат ја договорил средбата на Ибица , додека австрискиот детектив се претставил како соработник на лажната внука. Видеото е снимено на Ибица во 2017 пред да дојде партијата на Штрахе на власт како дел од коалициската влада на Австрија , а видеото е објавено пред неколку дена , во време на предизборната кампања за европските избори.

По избивање на скандалот , во понеделникот Штрахе и петмина министри од неговата  партија ја напуштија владата , а Курц најави предвремени избори во септември.

Филипче и Храповиќ потпишаа Меморандум за разбирање, се зајакнува соработката со Црна Гора во областа на здравството

Министерот за здравство Венко Филипче денеска во Подгорица во рамки на официјалната посета и заедничка седница на Владата на Република Северна Македонија и Владата на Црна Гора, се сретна со црногорскиот министер за здравство, Ќенан Храповиќ.

На средбата, соопшти Министерството за здравство, станало збор за продлабочување на соработката меѓу двете министерства во повеќе области, како што се имунизација и воведување на нови вакцини, развој на програми за скрининг и рано откривање на малигни заболувања, развивање на патронажни сервиси и здравствена заштита во рурални подрачја, регионализација на давање здравствени услуги, надминување на предизвиците со кои се соочуваат двете земји како што е одлив на медицински кадар и можности за размена на искуства, знаења и експертиза меѓу двете земји.

На заедничката владина седница министерот Филипче се заблагодарил за досегашната одлична соработка и најавил соработка со Министерство за здравство на Црна Гора во повеќе области, почнувајќи од делот на медицински туризам, односно користење на ресурсите и капацитетите на детската кардиохирургија за пациенти од Црна Гора кои имаат потреба од тоа и користење на центарот за рехабилитација во Игало за македонските државјани.

Со ова, на пациентите ќе им се понуди можност и пристап за користење на најдобрата експертиза и добивање поквалитетна здравствена услуга во овие области.

Министерот Храповиќ ја поздравил претстојната соработка и нагласил дека преку активностите кои ќе се одвиваат меѓу двете земји, како што е размената на кадри, воведување на телемедицина меѓу клиничките центри во Скопје и Подгорица, развојот на медицинскиот туризам и споделувања на искуства, најголем бенефит ќе почуствуваат граѓаните на двете земји.

На крајот од заедничката седница меѓу Владите, министрите Филипче и Храповиќ потпишале Меморандум за разбирање во областа на здравството и медицинските науки при што се согласиле да ја развијат и зајакнат соработката во областа на здравството во следните приоритетни области: реформи во системот на здравствена заштита и во системот на здравствено осигурување, законодавство во областа на здравството, промоција на здравје и превенција на хронични незаразни болести, развој на интегрирани служби за итна медицинска помош, едукација на медицински персонал за размена на практични искуства и знаења, електронски услуги во здравството, директна соработка меѓу медицинските факултети и здравствените установи, како и соработка во други области од заеднички интерес.

притисни ентер