ЛАЗАЊИ ОД ПАЛАЧИНКИ СО ЛУТИ ПИПЕРЧИЊА

Рецепт на: Невенка Донева

Потребни состојки: 10 -12 лажици брашно, 5 јајца, малку шеќер, малку сол, 100 мл. минерална вода, 150 мл. млеко, малку масло, малку кечап,  500 гр. кашкавал, 500 гр. салама, 3-4 лажици павлака, малку мајонез, 100 гр.печурки и суви лути пиперчиња.

Постапка:

Најнапред се подготвуваат палачинките .

Во подлабок сад се ставаат: 1 јајце, малку шеќер и малку сол.

Состојките се мешаат со миксер и потоа постепено се додава брашното и се разредува со течностите.

Откако добро ќе се измати се добива смеса како јогурт.

Палачинките се пржат во тава со малку жешко масло.

Стаклената тава се премачкува со кечап.

Палачинката се полни со сечкан кашкавал и салама и се витка во ролна.

Истата постапка се повторува и со останатите 4 палачинки.

Палачинките се редат во стаклената тава.

Потоа се приготвува преливот.

Во подлабок сад се ставаат 3-4 лажици павлака и 4 јајца и се матат со лажица.

Се додава малку мајонез и се продолжува со матењето уште малку.

Палачинките се преливаат со смесата и се додаваат сечкани печурки.

Одозгора се реди сечкан кашкавал и лути пиперчиња.

Се става во загреана рерна да се пече околу 10 минути.

притисни ентер