Јунакот на „Суперболот“ ја избричи брадата, а причината за тоа воодушеви многумина (видео)

Најдобриот играч на „Суперболот“ Џулијан Еделман се одлучи четири дена после финалниот натпревар во кои неговиот тим „Њу Ингланд Патриотс“ откако по шест пат го освои ова престижно натпреварување, да ја избричи брадата.

Имено, јунакот на финалниот натпревар пред почетокот на натпреварувањето изјави дека брадата ќе ја избричи дури на крајот, доколку неговиот тим го освои ова престижно признание.

Гостувајќи во емисијата кај познатата Елен Деџенерис, Џулијан изјавил дека ова била неговата одлука од самиот почеток. Тој се согласил за сума од 10 илјади долари да ја избричи брадата, а сите пари ќе ги проследи за хуманитарни цели. Еделман средствата кои ги добил ги проследил на „Клубот за момчиња и девојчиња на Бостон“, кои ќе им овозможи на децата да се дружат и забавуваат во периодот кога не се на училиште, а и самиот донел одлука на таа сума да додаде уште толку, па така донацијата изнесува 20 илјади долари.

„Те сакам брадо, Ова беше неверојатна година“ – изјавил Еделман откако седнал на столчето и и се препуштил на Елен, која ја преземала улогата на бербер.

Овој потег ги воодушеви сите во студиото, а после емисијата, Џулијан ги повика своите колеги со парични средства да им помогнат на некои од хуманитарните организации и на тој начин барем на кратко на некого да му донесат среќа.

 

Се воведуваат повратни вендинг машини за пластични шишиња и лименки

Со помош на Фондот за иновации и технолошки развој, „Пакомак" стана првата македонска компанија што го воведува светскиот тренд во рециклирањето – повратни вендинг машини за пластични шишиња и лименки.

Целта на поставувањето на повратните вендинг машини (ПВМ) е да се мотивираат граѓаните што поефикасно и побрзо да се вклучат во процесот на селективно одложување отпад. Со самото учество во процесот ќе бидат соодветно наградени со т.н „зелени поени” кои може да ги користат за плаќање производи и јавни услуги (на пр. комунални такси, билети за јавен превоз, паркинг и сл.)

На почеток, „Пакомак" ќе постави машини во неколку општини низ земјата, а долгорочниот план опфаќа поставување машини на целата територија на државата. Проектот е наменет за сите граѓани, без разлика на возраста и социјалниот статус, а и системот на награди е приспособен за сите групи во општеството. Првиот прототип се очекува во првата половина на 2020 година.

Иако работи на истиот принцип како стандардните вендинг машини (се стават пари, се добива производ), поради обратниот процес (се става производ, се враќаат пари) таа се нарекува „повратна вендинг машина". Она што започна како експеримент во 70-тите години на минатиот век во Норвешка, денеска е многу успешен глобален проект кој на еден едноставен начин ја одржува нашата планета почиста, истовремено поттикнувајќи ги луѓето да рециклираат отпад./MИА

Три до пет проценти од децата во училиште се хиперактивни

„Нема внимание ниту во училиште, ниту во игра, знае да стане агресивно без никаква причина. “

„Заминавме на преглед ни рекоа дека има аутизам, но подоцна дознавме дека е состојба на АДХД или состојба на нарушување на вниманието или хиперактивно однесување“, ова е исповед на родител, чие дете има АДХД. Три до пет проценти кај децата во училиштата се со оваа состојба, многу почеста е кај момичињата, објаснува професорот по дефектологија Владимир Трајковски. За дефектолозите се уште многу малку се алармира за оваа состојба во училиштата и од страна на родителите, се препишува на состојбата дека едноставно детето е немирно, а тоа не е така. Многу често се испреплетува заедно и со состојбата на аутизам.

Разликата кај оваа состојба и кај аутизмот е што навремените вежби, дури и потребна терапија може да го намали целиот процес на хиперактивност и во натамошниот живот.

Професорот со совет дека во училиштата со стратот на секоја учебна година потребни се стратегии за вработување на стручен кадар за овие деца, бидејќи се оставени на товар на наставниците.

Традиционално летно искачување до Титов Врв

По 11-пат претстојникот викенд ќе се одржи традиционалното летно искачување на Титов врв во заедничка организација на Планинарските клубови Тетекс и Јелак од Тетово. Организаторите очекуваат голема посетеност на планинари од цела Македонија.

Акцијата е планирана како дводневна, така што во сабота, доколку има заинтересирани, ќе има организирано ноќевање на Попова Шапка. В недела, во шест часот е планирано тргнувањето со организиран превоз од пред Центарот за култура во Тетово, додека во седум часот од пред платото на хотелот Попова Шапка ќе се тргне кон Титов Врв.

– Искачувањето ќе се одвива исклучиво по Вакуфската патека за што двата клуба обезбедуваат водичи и техничка поддршка за време на акцијата. Сите останати кои што нема да се придржуваат кон инструкциите на водичите и поставената патека ќе се сметаат дека не се учесници на настанот и за нив двата клуба не превземаат никаква одговорност, вели Снежана Новаковска од ПК Тетекс

Патеката е со должина од околу 12 километри за што се потребни околу четири часа за искачување.

– Патеката е со средна тежина, а имајќи предвид променливата временска прогноза, се препорачува сите учесници да имаат заштита од сонце, ветер и дождливо време. Вода има само на половина пат на местото наречено Казани со што се препорачува секој по сопствена проценка и потреба да си ја планира количината на вода што ќе ја носи со себе. Минималната количина на вода се препорачува да не биде под еден литар, вели Борис Стојановски од ПК Јелак.

Сите заинтереирани планинари пожелно е да го пријават своето учество кај организаторите, односно планинарските клубови Тетекс и Јелак, заради успешно организирање на настанот./МИА

притисни ентер