Столтенберг: Алијансата ќе го потпише протоколот за НАТО многу скоро

30-тото столче во НАТО ја чека Македонија.

Генералниот секретар на Алијансата Јенс Столтенберг во интервју за Политико Европа вели дека наскоро, НАТО ќе го подготви пристапниот протокол за членство, по што земјава формално ќе застане рамо до рамо со сојузниците.

-Штом ќе го потпишеме пристапниот протокол, Скопје ќе седне на масата. За ратификацијата ќе треба повеќе време, сѐ зависи од 29-те парламенти, вели Столтенберг.

Целиот процес во парламентите се очекува да трае до крајот на годинава, а официјалното членство во НАТО, под името Република Северна Македонија, би требало да се заокружи најдоцна до средината на следната година. Дотогаш земјава ќе има статус на набљудувач во сите клучни формати на Алијансата.

-Оваа недела или на почетокот на идната треба да се потпише Протоколот за НАТО. Потоа тој треба да се врати во грчкиот Парламент на ратификација. Штом се ратификува во грчкиот Парламент ќе го добиеме столчето во Алијансата. И тогаш стапуваат во сила уставните измени и другите одредби од Преспанскиот договор, рече Никола Димитров, министер за надворешни работи на Македонија

Во меѓувреме, расте поддршката за Македонија. По Чешка и Словенија, и Литванија, чиј министер за надворешни е во посета на Скопје, најави дека нема да чека да ја заврши обврската.

-Литванија ќе биде меѓу првите земји што ќе го потпише Протоколот за пристапување на Македонија во НАТО, изјави Линас Линкевичиус, министер за надворешни работи на Литванија

По ратификацијата на овој протокол од Грција, Договорот од Преспа стапува на сила. Тогаш земјава за тоа ќе треба да ги извести сите земји членки на Обединетите Нации и да побара да го користат името Република Северна Македонија.

Шаќири на ФБ: Од септември наставниците ќе имаат за 15 проценти повисоки плати

 Конечно постигнавме договор со СОНК.  Од септември наставниците ќе имаат 15 проценти повисоки плати, напиша вечерва министерот за образование и наука Јетон Шаќири на „Фејсбук".

Во фејсбук статусот, Шаќири вели дека секогаш ќе се труди да ги подобрува условите на наставниот кадар.

– Им се заблагодарам на соработката на Владата и на сите што придонесоа за овој процес успешно да се финализира, напиша министерот Шаќири.

Британски новинар ќе објави книга за Меган Маркл: Дознав неверојатни работи

Меган Маркл и нејзините адвокати правеле се што можат за да го саботираат пишувањето на книгата.

Принцот Хари не е единствениот кој ќе објави книга со информации за членовите на британското кралско семејство. Британскиот истражувачки новинар, биограф и писател Том Бауер вели дека неговата книга за Меган Маркл содржи „извонредни информации“, пишува „Дејли меил“.

Бауер вели дека завршил со пишувањето на книгата и дека таа би можела да биде објавена оваа есен.

- Дознав работи за неа кои се навистина неверојатни. Мислам дека перцепцијата на јавноста за неа или ќе се потврди или ќе биде полоша, но во секој случај тоа ќе биде големо изненадување – вели Бауер.

Нему му било тешко да дојде до информации, вели тој, бидејќи луѓето најчесто не сакале да зборуваат, а Меган и нејзините адвокати направиле се за да го саботираат пишувањето на книгата.

Брнабиќ: Ни се закануваат со бомби бидејќи не воведовме санкции кон Русија

Српската премиерка Ана Брнабиќ во изјави дека честите дојави за бомби претставуваат притисок од странство врз Србија бидејќи таа не воведе санкции кон Русија по инвазијата на Украина, како што тоа го направија повеќето западни земји.

„Ние сме единствената земја во Европа која не воведе санкции кон Русија и притисоците се неверојатни од ден на ден. „Овие дојави за бомби се и притисок од странство поради невоведувањето санкции кон Русија“, изјави Брнабиќ за белградските медиуми, пренесе Н1.

притисни ентер