Македонија

QUO VADIS MPC ?

Покрај сите „циркуси“ кои ни се случуваат во држава, и кога човек не знае од кого да се пази и да се чува, дали да гледа лево па десно, и кога очекува од Бога, барем тој и неговите посланици на земјава наша јадна, македонска, да ни подаде утеха,

Покрај сите „циркуси“ кои ни се случуваат во држава, и кога човек не знае од кого да се пази и да се чува, дали да гледа лево па десно, и кога очекува од Бога, барем тој и неговите посланици на земјава наша јадна, македонска, да ни подаде утеха, спас, гордост и благослов, е тогаш, баш тогаш, добиваме удар.

Удар силен, по рамо, вратот да ти се измести. удар од безбожник, поставен од Божјите слуги ( читај врвот на МПЦ ), удар кој едно божје женско чедо, умно , чесно, мајка и наша колешка, ја повредува сериозно.

Зошто Бог беше немилослив спрема нас, обичните смртници, како што е една Мими од еден медиум? Но, кога ќе размислиме, не треба во нашите мисли а камоли усти да го ставаме божјото име...затоа што безбожниците беа на мостот во Скопје.

Поглаварот на нашата нели, народна, македонска, Црква, г-дин г-дин Стефан, кој постојано ги велича празникољупците свои и Божји, се „опколил“ со човечка „армада“, за да се заштити себе си , или да го заштити Бога? Бог сигурно не му барал, токму тој да го заштити, па чуму толкаво обезбедување во кое имаше безбожници чиниш без левата мозочна полухемисфера, кои маваа и удираа по оној кој сакаш да му се приближи на првиот Поп на Македонија, и да го почуствува неговиот божјочудесен здив, испуштен од неговата златобожја уста, смирена поради големото обезбедување.

И тој со неговите, од Бога извајани очи, г-дин г-дин Стефан гледаше и слушаше како лелека едно божје чедо.

Наместо Мими и Канал 5 , но и целата јавност, да добијат извинување и објаснување, како МПЦ како организатор, си дозволи олкав број на обезбедување , нашата новинарка добива „интимен“ телефонски повик, со едно извини – и „Божја“ замолница работава да не „таласа“?!

Високодостојни свештеници од МПЦ, вака ли го чувате вашето македонско стадо? Со по некој удар, за да верниците се подсмират малку и да не прашуваат многу? Зарем мислевте ќе прашувавме за џиповите или за ОА?
Толку ли е тешка вашата пресвета рака, да направи едно Божје писание до своето чедо Мирјана Мичевска Јовановиќ, и останатите чеда, да ни прати на сите зборови празнична утеха и благослов со желба рамото и вратот да заздрават побргу?

Нашата Мими сакаше да си ја заврши Божјата но и професионалната задача, да ги земе основните информации од денешниот Божји среќник од Скопје, за да ја запознае македонската јавност, како што тоа го правела многу години претходно.

А наместо тоа, нашата екипа се запозна со Божјата „тупаница“, пардон – тупаницата на организаторот и НИКОБ.

Господ Бог да не чува од полошо и од безбожнициве денешни.

Македонија

Судскиот совет наскоро ќе отпочне со усвојување на препораките на оценската мисија на ЕУ

Судскиот совет наскоро ќе отпочне со промена на деловникот за работа како дел од акцискиот план за усвојување на препораките на оценската мисија на ЕУ.

Дел од промените предвидуваат при именувањето и унапредувањето на судиите во повисоките судови, членовите на советот да го образложат својот став, особено во случај кога прворангираните судии не се избрани.

Ќе претрпи измени и правилникот што е дел од методологијата за оценување на судиите, а ќе се скратат и роковите за дисциплинските постапки.

Ова беше посочено на брифингот со новинарите кој денеска го одржа претседателката на Судскиот совет весна дамева и дел од членовите. Оценската мисија на ЕУ даде 40 препораки од кои 17 се во доменот на судскиот совет од каде велат дека временската рамка за нивно имплементирање е посебно важна за нив а се предвидува до крајот на годинава да се имплементираат сите препораки.

Македонија

УКИМ донесе Одлука за основање Фондација „Горан Стефановски“

Универзитетот „Св. Кирил и Методиј“ во Скопје донел Одлука за основање Фондација „Горан Стефановски“. 

Одлуката, на предлог на Ректорската управа, денеска, во очи на роденденот на овој великан на македонската драма – 27 април, ја донел Сенатот на УКИМ, по што ќе започне постапката за носење на основачките акти и избор на органите на Фондацијата.

-Фондацијата се основа на иницијатива на Факултетот за драмски уметности – Скопје (ФДУ), каде што Стефановски долги години ги предаваше драмските занаети, пред да го продолжи својот животен пат во Велика Британија. Во органите на Фондацијата, освен претставниците на академската заедница и на семејството на Стефановски, ќе партиципира и Драмскиот театар од Скопје, на чија сцена драмите на овој автор ги доживеаја најголемите успеси, соопшти ФДУ.

Цели на Фондацијата, како што е наведено во соопштението, ќе бидат заштита и негување на оставината на делото на нашиот најголем современ драмски автор Горан Стефановски, како трајна културна вредност, публикување на објавени и необјавени негови трудови, во печатен и електронски формат, подобрување на достапноста на неговото творештво на сите светски јазици, градење на културата – посета на театар и однос кон драмските уметности кај новите генерации, но и проекти за промоција и поттикнување на македонското драмско творештво воопшто.

-Фондацијата ќе обезбеди стипендирање на образованието во сите степени на талентирани ученици и студенти во областа на драмските уметности, поддршка и унапредување на талентираните ученици, студенти и млади кои аматерски се занимаваат со филм и театар. Исто така, таа ќе го поттикнува и поддржува неформалното образование за создавање драми, ќе организира едукативни дебати, работилници и семинари, уметнички и научни конференции, како и хуманитарни проекти од сценскоизведувачка и аудиовизуелна природа за поддршка на ранливи категории, информираат од ФДУ.

Великанот на македонската драмска уметност, Горан Стефановски, почина пред пет години во Кентбери, Англија, на 66-годишна возраст. Автор е на култните драми: „Диво месо“, „Лет во место“, „Јане Задрогаз“, „Дупло дно“, „Тетовирани души“, „Демонот од Дебар маало“ и многу други. Беше еден од креаторите на популарната ТВ-серија „Бушава азбука“ и на повеќе филмски сценарија. Завршил Филолошки факултет во Скопје – англиски јазик и книжевност. Студирал драматургија на театарската академија на Универзитетот во Белград, каде што и магистрирал на тема: „Сценските напатствија како основа на драматургијата на Семјуел Бекет“. Работеше во драмската редакција на Телевизија Скопје, а потоа како асистент на Филолошкиот факултет „Блаже Конески“ во Скопје. Во 1986 година ја основал Катедрата за театарска и филмска драматургија и бил професор по драматургија на Факултетот за драмски уметности во Скопје.

Добитник е на наградите: „Стале Попов“, „11 Октомври“, „Војдан Чернодрински“, „Стериина награда“. Стефановски беше и дописен член на МАНУ.

Македонија

УКИМ донесе Одлука за основање на Фондација „Горан Стефановски“

Универзитетот „Св. Кирил и Методиј“ во Скопје донесе Одлука за основање на Фондација „Горан Стефановски“.

Одлуката, на предлог на Ректорската управа, денеска, во очи на роденденот на овој великан на македонската драма – 27 април, ја донесе Сенатот на УКИМ, по што ќе започне постапката за носење на основачките акти и избор на органите на Фондацијата.

Фондацијата се основа на иницијатива на Факултетот за драмски уметности – Скопје, каде што Стефановски долги години ги предаваше драмските занаети, пред да го продолжи својот животен пат во Велика Британија. Во органите на Фондацијата, освен претставниците на академската заедница и на семејството на Стефановски, ќе партиципира и Драмскиот театар од Скопје, на чија сцена драмите на овој автор ги доживеаја најголемите успеси.

Цели на Фондацијата ќе бидат заштита и негување на оставината на делото на нашиот најголем современ драмски автор Горан Стефановски, како трајна културна вредност, публикување на објавени и необјавени негови трудови, во печатен и електронски формат, подобрување на достапноста на неговото творештво на сите светски јазици, градење на културата – посета на театар и однос кон драмските уметности кај новите генерации, но и проекти за промоција и поттикнување на македонското драмско творештво воопшто.

Фондацијата ќе обезбеди стипендирање на образованието во сите степени на талентирани ученици и студенти во областа на драмските уметности, поддршка и унапредување на талентираните ученици, студенти и млади кои аматерски се занимаваат со филм и театар. Исто така, таа ќе го поттикнува и поддржува неформалното образование за создавање драми, ќе организира едукативни дебати, работилници и семинари, уметнички и научни конференции, како и хуманитарни проекти од сценскоизведувачка и аудиовизуелна природа за поддршка на ранливи категории.

Великанот на македонската драмска уметност, Горан Стефановски, почина пред пет години во Кентбери, Англија, на 66-годишна возраст. Автор е на култните драми: „Диво месо“, „Лет во место“, „Јане Задрогаз“, „Дупло дно“, „Тетовирани души“, „Демонот од Дебар маало“ и многу други. Беше еден од креаторите на популарната ТВ-серија „Бушава азбука“ и на повеќе филмски сценарија. Завршил Филолошки факултет во Скопје – англиски јазик и книжевност. Студирал драматургија на театарската академија на Универзитетот во Белград, каде што и магистрирал на тема: „Сценските напатствија како основа на драматургијата на Семјуел Бекет“. Работеше во драмската редакција на Телевизија Скопје, а потоа како асистент на Филолошкиот факултет „Блаже Конески“ во Скопје. Во 1986 година ја основал Катедрата за театарска и филмска драматургија и бил професор по драматургија на Факултетот за драмски уметности во Скопје.

Добитник е на наградите: „Стале Попов“, „11 Октомври“, „Војдан Чернодрински“, „Стериина награда“. Стефановски беше и дописен член на МАНУ.

притисни ентер