Одобрени три инвестициски проекти за Македонија во вкупен износ од 24 милиони евра

Управниот комитет на Инвестициска рамка за Западен Балкан – ВБИФ ,донесе одлука на Република Македонија да ѝ одобри три апликации за инфраструктурни проекти во вкупен износ од 24 милиони евра неповратни средства за техничка помош и инвестиции.

Како што соопштија од кабинетот на вицепремиерот за европски прашања, одобрена е апликација за изградба на Автопат А2 Гостивар – Кичево и тоа за делница Букојчани – Кичево, должина од 12.7 км, како дел од Коридор 8, при што се обезбедени над 20 милиони евра (20.348.000 евра). Вкупните средства за изградбата на автопатската делница Букојчани – Кичево изнесуваат околу 105 милиони евра. Останатите средства ќе се обезбедат од ЕБОР во вид на заем во износ од 79,2 милиони евра и учество на ЈПДП од сопствени средства во износ од 6 милиони евра.

Одобрена е апликација за инвестициски грант за градежни работи за рехабилитација и реконструкција на државен пат А2 делница, делница Крива Паланка – Деве Баир (Граница со Бугарија), како дел од Коридор 8, со што се обезбедени над два и пол милиони евра (2.570.000 евра за инвестиции и 50.400 евра за техничка помош). Со оваа инвестиција се планира рехабилитација и проширување на патната делница во вкупна должина од 13 километри, која е дел од источниот Пан-европски патен коридор 8, а со тоа придобивките од реализацијата на проектот би биле не само од национален, туку и од регионален интерес. Имено, како што се наведува, за реализација на овој проект на 20.09.2018 година склучени се договорот за заем и договорот за гаранција, со што од Европската банка за обнова и развој обезбеден е заем во износ од 10 милиони евра, а учеството на ЈПДП од сопствени средства изнесува 1,37 милиони евра.

На крајот, во рамки на 20-от ВБИФ повик одобрена е и апликацијата за грант средства за техничка помош во износ од 1 милион евра за подготовка на Физибилити студија и Студија за влијание на животната средина и социјалните аспекти на проектот ХЕ Чебрен. Со Физибилити студијата ќе се направи детална анализа на целокупната досега изработена техничка документација за објектот и ќе е дефинира оптимално техничко решение кое треба да биде финансиски и економски одржливо, а воедно ќе се разгледа и стратешката оправданост на оваа инвестиција. Паралелено со изработката на Физибилити студијата ќе се изработува и Студијата за оценка на влијанието врз животната средина и социјалните аспекти, која ќе биде изработена согласно меѓународните стандарди и конвенции за објекти од ваков тип и согласно домашната легислатива.

Инструментот Инвестициска рамка за земјите од Западен Балкан (Western Balkans Investment Framework-WBIF) официјално беше отворен во 2009 година, како заедничка иницијатива на Европската комисија, Банка за развој при Совет на Европа, Европската банка за обнова и развој (ЕБОР), Европската инвестициона банка (ЕИБ)  и подоцна приклучените Светска Банка и Германската развојна банка (KfW). Средствата за WBIF главно доаѓаат од следните извори: Ресурси алоцирани од Регионалниот ИПА пакет; Грантови кои што ги доделуваат меѓународните финансиски институции; Грантови кои што ги доделуваат билатералните донатори преку Заедничкиот фонд за Западен Балкан (European Western Balkans Joint Fund – EWBJF), соопштија од кабинетот на вицепремиерот за европски прашања.

Трамп не им верувал на своите разузнавачи, туку на Путин

Претседателот на САД Доналд Трамп не им поверувал на извештаите на американските разузнавачи дека Северна Кореја има ракети кои можат да досегнат до САД бидејќи Путин му рекол поинаку.

„Во суштина, Трамп изјави дека не верува оти Северна Кореја има способност да не погоди со балистички ракети. Не поверувал во тоа бидејќи претседателот Путин му рекол дека не можат. Путим  му рече дека Северна Кореја  всушност нема такви ракети“– изјави поранешниот директор на ФБИ, Ендру Мекејб.

Како што рекол, иако разузнавачите го уверувале во тоа, американскиот претседател изјавил дека не му е грижа за тие тврдења и оти му верува на рускиот претседател Владимир Путин, што за него било шокантно.

Мекејб немал многу време да биде шокиран бидејќи неговата кариера во ФБИ многу брзо завршила откако бил сменет бидејќи наводно лажел за оддавањето информации на ФБИ во медиумите.

Африм Гаши ќе формира нова партија

Членството на крилото „БЕСА“ предводено од Африм Гаши побарало да се прекине судскиот процес за името на партијата.

Поради тоа Гаши и неговите поддржувачи се откажуваат од спорот и ќе формираат нова партија.

Новата партија треба да биде регистрирана наскоро, и ќе го носи името „Алтернатива“. Со тоа „БЕСА“ останува на Билал Касами.

Оваа одлука беше донесена на вчерашната средба на централното собрание предводено од Гаши.

По локалните избори во партијата „БЕСА“ настана внатрепартиски раскол, поради незадоволството од постигнатите резултати.

Силјановска: Ќе се залагам за намалување на претседателските ингеренции

Викендов е избран првиот учесник во шестата по ред претседателска трка.

Тоа е универзитетската професорка Гордана Силјановска Давкова која со 408 гласови од делегатите  на саботната конвенција беше избрана за кандидат за претседател од ВМРО ДПМНЕ, оставајќи го далеку зад себе Владимир Ѓорчев кој освои само 80 гласа.

Силјановска порача дека ќе бара широка општествена поддршка вклучително и од СДСМ бидејќи е надпартиски кандидат.

Меѓу другото рече дека ќе се залага за намалување на претседателските ингеренции.

притисни ентер