Фигел: Интеграција во ЕУ значи заеднично, а не соло работење - Канал 5

Македонија

Фигел: Интеграција во ЕУ значи заеднично, а не соло работење

Многу е важно во вашиот случај да се изгради концензус  помеѓу  политичките партии, Парламентот и граѓанското општество во врска со пристапувањето кон Европската Унија, рече Јан Фигел.

Фигел: Интеграција во ЕУ значи заеднично, а не соло работење

Многу е важно во вашиот случај да се изгради концензус помеѓу политичките партии, Парламентот и граѓанското општество во врска со пристапувањето кон Европската Унија, рече Јан Фигел шеф на преговарачкиот тим на Република Словачка и поранешен евро-комесар на денешната трета сесија на тема „Пристапните преговори во Поглавјето 23 – Правосудство и основни права„, што се оддржа во Скопје во организација на Европското движење во Република Македонија.

Целта на ЕУ, како што рече Фигел, е мирот што е плод на првдата.- Нема мир доколку нема правда. Мирот не доаѓа автоматски. Основата на мирот, и правдата и модерното меѓународното право се човековите права. 20-иот век кој беше исполнет со многу лекции како непочитувањето на човековите права носи трагедии. Тој век може да биде означен како циклус од Сараево до Сараево. Бидејќи во Сараево почна Првата светска војна и последната војна беше во 90-тите во БиХ. Како што воениот циклус се движи од Сараево до Сараево, истото треба да се однесува и на мирот. Проширувањето на ЕУ значи реобединување, рече тој.

Фигел нагласи дека не може да се преговара доколку работата е завршена и додаде дека ако работата оди напред и преговорите ќе одат напред.

-Поглавјата се отвораат според начелата. Оваа не е натпревар за мис на убавина, туку сериозна работа на поглавјето. Интеграција значи активно вклучување на сите граѓани, да заземаат улога, дека тоа влијае врз нивните животи, нивните семејства. Бидете амбициозни и реални, рече Фигел.

Во врска со пренесувањето на искуството од неговата земја, тој рече дека најважно било заедно здружени да влезат во ЕУ, дека не било лесно, но оти тоа било правилна амбиција.

-Бидејќи интеграција во ЕУ значи заедничко работење, здружување, а не соло работа. Таа соработка беше со цел прво демонтажа на минатото на комунистичките структури, особено на Варшавскиот пакт. Второ, градењето на нова Европа во 21-иот век и ова се уште е наша неостварена мисија што си ја поставуваме пред нас. Европа може и треба да направи повеќе за слободата на религија и верување, што значи слобода на мисла, слобода на свесноста. Ова е суштината на човековите права, бидејќи каде што оваа слобода се почитува ќе се почитуваат и граѓанските и политичките прави, рече Фигел.

Симонида Кацарска, директор на Институтот за европски политики-Скопје рече дека процесот на пристапување кон ЕУ и процесот на преговори всушност се во евро-процесна изработка.

-И ЕУ во голема мера за овој процес учи и го моделира процесот на пристапување на Западнио Балкан. Ги инкорпорира стандардите, позајмува од ОН и другите меѓународни организации. Прво што е најважно Унијата во оваа поглавје позајмува од други организации и овој процес на позајмување честопати се базира делумно на стандарди кои ги конципира во своите преговори. Ова најпрвин го извежба со Хрватска за чии што преговори за Поглавјето 23 времето беше пократко, бидејќи беше блокирано поради порцесот со Словенија. Поради недостатокот на јасни стандарди во оваа област постои многу простор за креирање на сопствени стандард кои би се совпаднале со европските практики. Во текот на последните шест месеци дискусиите се одвиваа околу новиот Закон за корупција, измените на Законите за судови и Судскиот совет, нагласи Кацарска.

Според Милка Ристова, судија на Врховен суд на РМ, најважен аспект е јакнењето на независноста на судството како гарант за заштита на човековите слободи и права .

-Тука сме да укажеме на некои слаби, проблематични точки во процесот на суштинските реформи што треба да се направат во судство. Предлозите за измените и дополнувањата на Законот за Судскиот совет и на Законот за судови од стручната и научната јавност посочуваат да се промени местото и улогата на Судскиот совет како важен орган и најважна карика во процесот на реформите. Граѓански здруженија пак укажуваат на потребата од депрофесионализација на тој орган. Тоа стоеше и во првата стратегија за реформи. Во последната верзија на законите напуштено е со аргументација дека не може судијата што е член на Судскиот совет да врши друга функција. Судијата за да стане член на Судскиот совет претходно мора да биде судија, изјави Ристова.

Ппрвобитната замисла зошто судиите треба да бидат членови на Судскиот совет, како што посочи таа,е затоа што треба да придонесаат со своето знаење за подобрување на состојбите во судството, како внатре за подобар избор и подобра контрола над работата на судиите.

-Вториот аргумент, принципот на неспоивост речиси го има во сите устави како принцип. Но сепак во повеќе земји членки во ЕУ , односно во Словенија има решение каде судиите не ја вршат таа работа професионално. Третиот аргумент укажува на недостатокот на судии и обвинители во Македонија и објективизирањето во однос на нивниот исбор и разрешување, изјави Ристова.

Околу тоа дали има законска можност за замрзнување на имот на целото семејство на поранешнит премиер Никола Груевски, Ристова рече дека судот треба да оценува.

-Времени мерки во процесот на судење не се можни, туку тоа е мерка што се изрекуваа дури откога обвинетиот ќе биде прогласен за виновен за дејствија врз основа на кои е стекнат противзаконит имот, изјави Ристова.

Одговарајќи на новинарско прашање дали според законските прописи на ЕУ може да се реализира екстрадицијата на Груевски, поранешната судијка во Европскиот суд за човекови права во Стразбур, Маргарита Цаца Николовска рече дека во Македонија се уште има институции кои се надлежни за реагирање во такви ситуации, особено ако тоа го презентира како закана.

–Во ниедна институција не е побарано никаква заштита. Тој човек имаше шест телохранители кои веројатно имале некаква улога и во оваа насока требало да реагираат. Доколку имал потреба тој можел да ги побара, да побара асистенција, има органи кои се грижат за тоа. По мене тој аргумент не може да биде аргумент за политички азил, изјави Николовска. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден е воен авион од 40 милиони долари- објавени се сателитски снимки од нападот (ВИДЕО)

Руски бомбардер Су-34 е значително оштетен во воздухопловната база Ахтубинск, тврдат аналитичарите на OSINT.

Погоден е воен авион од 40 милиони долари- објавени се сателитски снимки од нападот (ВИДЕО)

Руски бомбардер Су-34 е значително оштетен во воздухопловната база Ахтубинск, тврдат аналитичарите на OSINT, а пренесува украинскиот РБЦ.

Украинските вооружени сили извршија напади со долг дострел врз повеќе цели длабоко на руска територија во ноќта меѓу 19 и 20 август, објави украинскиот претседател Володимир Зеленски.

Зеленски рече дека е погодена рафинерија за нафта во Пермската област, оддалечена повеќе од 1.600 километри од украинската граница, како и руската воена воздухопловна база во Мариновка во Волгоградската област.

„Продолжуваме да ги враќаме последиците од војната таму од каде што дојдоа со нашите длабински напади. Синоќа, нашите длабински напади ја погодија рафинеријата за нафта во Перм, оддалечена повеќе од 1.600 километри од границата, како и воената воздухопловна база во Мариновка во Волгоградската област“, ​​рече Зеленски.

Според него, украинските сили постигнале резултати и во Црното Море, додека последиците од претходните напади се потврдени.

Тој посебно истакна дека рускиот повеќенаменски ловец-бомбардер Су-34 бил оштетен во воздухопловната база Ахтубинск, која се наоѓа на околу 600 километри од фронтовската линија.

Сателитски снимки од последиците од нападот беа објавени од аналитичарите на OSINT од проектот Exilenova+. Според нив, авионот претрпел значителна штета за време на нападот со беспилотни летала.

„Дошло до истекување на гориво, по што избувнал пожар. Самиот бомбардер бил значително оштетен“, велат аналитичарите.

Нападот врз Ахтубинск се случил ноќе, а по ударот, на аеродромот е регистрирана термичка трага. Објавените слики и анализа укажуваат дека еден од руските бомбардери на фронтовската линија, воениот авион Су-34, бил погоден и оштетен.

Су-34 е една од клучните руски платформи за спроведување воздушни напади. Овие авиони користат, меѓу другото, водени воздушни бомби опремени со универзални модули за планирање и корекција, како и други средства за воздушен напад.

Според проектот „Војна и санкции“, некои од компаниите вклучени во снабдувањето со компоненти за производство на Су-34 сè уште не се предмет на санкции од страна на земјите-членки на Коалицијата на волјата, што им овозможува потенцијален пристап до странски компоненти и технологии.

Украина изврши напади врз неколку руски воени и енергетски објекти преку ноќ, а според украинските власти, важни објекти во Донецк и Приморски-Ахтарск биле меѓу погодените локации.

Киев во последните месеци сè повеќе користи напади со долг дострел за да ја погоди руската воена инфраструктура, воздухопловните бази и енергетските објекти длабоко во заднината.

Тагови: воен авион напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Аларм на Алпите: Научник предупредува дека се случува нешто невидено

Глечерите на Алпите се топат со забрзано темпо и би можеле целосно да исчезнат за неколку децении, покажува најновото истражување на италијанската еколошка организација „Легамбиенте“.

Аларм на Алпите: Научник предупредува дека се случува нешто невидено

Од 2000 година, површината на глечерот е намалена за 39 отсто, што се вели дека придонело за глобалното затоплување.

Тотално исчезнување до 2050 година?

Секое лето, организацијата „Легамбиенте“ ги истражува најважните глечери на Алпите, а како што истакна Ванда Бонардо, патеките кои порано минувале преку мразот, сега делумно минуваат низ карпестиот терен.

Според неа, на други места водата тече над области кои не така одамна биле целосно замрзнати, а се појавиле и длабоки пукнатини што некои тури ги прави крајно опасни.

Исто така, се тврди дека е можно сите алпски глечери под 3.500 метри да исчезнат до 2050 година.

„Се распадна на парчиња“

Глечерот Форни во близина на Бормио во Ломбардија покажува колку брзо пејзажот може да се промени, а глациологот Клаудио Смираља, кој го набљудува 65 години, вели дека она што го доживеал летово било нешто што досега не го видел во целата негова кариера - глечерот се распаднал на неколку делови, пишува Кронен Цајтунг.

Неговата површина на многу места изгледа сиво и црно, а во исто време глечерот губи мраз.

Светската служба за следење на глечерите тврди дека од 2000 година годишно исчезнуваат во просек 273 милијарди тони мраз, а до 2025 година тој број веќе достигна 408 милијарди тони.

Исклучителна топлина во планините

Процесот би можел да биде особено брз на Алпите.

Екстремната топлина во планините игра значајна улога во ова - во лето нивото на замрзнување често беше помеѓу 4.000 и 5.000 метри, што значи дека дури и на височини каде што обично останува снег, сега може да биде премногу топло на долги периоди.

Се вели дека е „двојно проблематично“ за глечерите бидејќи снежната покривка обично делува како заштитен слој и го спречува сонцето директно да го загрее мразот, но, кога овој снег се топи, мразот останува незаштитен.

Тагови: Алпите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Две торнада по погодија Њујорк: Беше надреално! (ВИДЕО)

Две ретки торнада вчера ги погодија Њујорк Сити и Лонг Ајленд, додека силната бура зафати делови од средноатлантскиот регион на Соединетите Американски Држави и предизвика проблеми со сообраќајот на некои главни автопати.

Две торнада по погодија Њујорк: Беше надреално! (ВИДЕО)

„Две пијавици, или колони од воздух и влага што ротираат над вода, се појавија покрај јужниот брег на Квинс, Њујорк и округот Насау, Лонг Ајленд, пред да се преселат во внатрешноста и да станат торнада“, рече Џон Мареј, метеоролог од Националната метеоролошка служба.

Торнадо во Квинс се упати кон источниот Рокавејс, јужно од меѓународниот аеродром Џон Ф. Кенеди, соопшти метеоролошката служба.

Оштетени кабини и објекти во одморалиштето

Торнадо на Лонг Ајленд ги оштети кабините и објектите во одморалиштето Sun and Surf Beach Club во Атлантик Бич, округ Насау, предизвикувајќи негово привремено затворање, објави одморалиштето на социјалните медиуми.

„Торнадото оштети околу 50 кабини и однесе делови од покриви и ѕидови. Едно лице претрпе полесни повреди на главата“, рече Џосија Грин, шеф на противпожарната служба во Инвуд, град во округот Насау.

„Имаше извештаи за луѓе заглавени во возила поради поплави, но никој не е сериозно повреден“, објави на социјалните мрежи извршниот директор на округот Насау, Брус Блејкман.

YouTube video

„Гледањето како се движи кон брегот беше сосема надреално“

Алеја Сковил, 32, изјави дека добила предупредување за торнадо на својот мобилен телефон околу 18:45 часот. Неколку минути подоцна, погледнала низ прозорецот на нејзиниот стан во Квинс и видела голем ротирачки столб од воздух над океанот кој изгледал како да се движи кон Атлантик Бич.

„Кога вртлогот се урна, големи парчиња остатоци полетаа во воздух од она што изгледаше како клуб на плажа“, рече таа. Кратко потоа, торнадото ослабе и почна да се враќа кон океанот.

„Возилата за итни случаи и спасување брзо почнаа да пристигнуваат во областа каде што торнадото се урна, а екипите останаа таму неколку часа. Гледањето торнадо во живо беше нешто што никогаш не го очекував, а гледањето како се движи од водата кон брегот беше сосема надреално“, рече таа.

Торнада и во Делавер

Торнадата се „ретки“ во Њујорк Сити и Лонг Ајленд, иако нивната сила и времетраење обично се многу помали од торнадата во централниот дел на САД, рече Мареј. Атлантскиот океан ги ублажува температурите на воздухот и морето во областа, спречувајќи ја силната атмосферска нестабилност потребна за формирање на торнада, објасни тој.

Торнадо, исто така, погоди област во близина на Довер, Делавер, во неделата, соопшти Националната метеоролошка служба. Властите во Довер, главниот град на државата, прогласија вонредна состојба и ги повикаа жителите да останат дома. Бурата предизвика прекини во електричната енергија и собори дрвја, но немаше извештаи за сериозни повреди, соопшти полицијата во Довер.

Во Њујорк, властите накратко го затворија автопатот Бруклин-Квинс поради поплави. Автопатот Лонг Ајленд беше затворен во двата правци на булеварот Франсис Луис во Квинс, а беа пријавени застои во сообраќајот кон исток на автопатот Џеки Робинсон Парквеј.

Тагови: Њујорк торнада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер