Барселона останува без Кутињо

Бразилскиот фудбалер Фелипе Кутињо на две до три недели ќе биде надвор од теренот поради повреда.

Од фудбалскиот клуб Барселона потврдуваат дека Кутињо се повредил на Сан Сиро во натпревасрот против Интер. Тој има повреда на бутниот мускул , иако ги одигра сите 90 минути од натпреварот , па дури и му асистираше на Малколм да го постигне единствениот гол .

Кутињо поради повреда нема да игра со Бетис и со Атлетико во Примера , а ќе го пропушти и мечот во Лигата на шампионите со ПСВ.

Кутињо е еден од најдобрите играчи во Барселона со постигнати пет гола и четири асистенции  во 16 натпревари оваа сезона.

Тој заминува на лекување , токму кога во Барселона се враќа опоравениот Лионел Меси.

Интер го фати Икарди во голема лага

Навивачите на Интер го прогласија за лажго поранешниот капитен на клубот.

При проверката на коленото на Мауро Икарди , докторите рекле дека се е во ред.

,,Мауро Икарди е подвргнат на прегледи на клиниката во Розано , поради болки во десното колено . Тестовите не покажаа промени на коленото во однос на прегледите на почетокот на сезоната.” , објави Интер.

Икарди пред почетокот на наптпреварот на Интер со Сампдорија , пријави поврда на коленото и не играше, најверојатно поради кавгата со клубот. Ваквата лага најверојатно скапо ќе го чини Икарди , па дури може и да се прости од Интер.

Сопругата на Икарди и неговата менаџерка, Ванда Нара му понудила две опции на Интер- јавно да му се извинат на Икарди за навредата , а втората е да му ја вратат капитенската трака.

Врвниот фудбалер на Јувентус има проблеми со срцето

Јувентус објави дека фудбалерот Сами Кедира ќе отсуствува најмалку два месеци поради проблеми со срцето.

Германскиот репрезентативец ќе пропушти најмалку пет натпревари поради вродената срцева аномалија. Нема да игра ниту вечерва во Мадрид против Атлетико во осмина финалето на Лигата на шампионите.

Откако ќе ги заврши испитувањата , Кадира ќе треба да прима терапија за да му се нормализира работата на срцето.

Во Струмица утре почнува меѓународниот „Пандев Куп 2019"

 Со учество на 74 екипи од Македонија, Бугарија, Србија и Романија започнува вториот по ред „Пандев Куп 2019". 

На овој меѓународен турнир ќе учествуваат над 1.500 дечиња во пет различни категории, што го прави најголем и најспектакуларен турнир кај нас.

Младите фудбалери од генерациите 2009 и 2010 ќе го отворат турнирот утре, каде ќе се натпреваруваат во четири групи од по четири екипи, односно две групи од по шест екипи. Турнирот ќе заврши в недела на 24 февруари.

На 28 овој месец стартува и натпреварувањето за генерациите 2006, 2007 и 2008. Овие млади фудбалери ќе се натпреварувааат на терените во Струмица и Дојран, а турнирот ќе биде затворен на 3 март.

– Ваквиот интерес на голем број екипи од повеќе земји го потврдува и фактот дека овој Пандев Куп под водство на најдобриот фудбалер од Македонија на сите времиња Горан Пандев, ќе прерасне во традиција и го добива епитетот за најмасовен и најсилен турнир, информираат од Академија Пандев.

Ова лето на истиот турнир, кој ќе се одржи за повозрасни категории, ќе учествуваат 96 екипи од повеќе земји.

Меѓународниот турнир „Пандев Куп 2019" е поддржан од Фудбалската Федерација на Македонија, Агенцијата за млади и спорт како и општина Струмица и општина Дојран. 

притисни ентер