Македонија

Заев по средбата со осумтемина поранешни пратеници на ВМРО – ДПМНЕ : Имаме решенија , сега треба да го преточиме тоа во зборови

Верувам дека текстот на Нацрт амандманите за уставните измени ќе има широк консезус меѓу пратениците , рече премиерот Заев по средбата со осумтемина пратеници од ВМРО – ДПМНЕ.

По средбата со новата пратеничка група на ВМРО – ДПМНЕ , премиерот Зоран Заев изјави дека разговарале за деталите на оваа втора консултација. Потоа вечерва во Владата ќе биде прегледан овој текст , кој ќе биде вратен во групата , по што текстот на Нацрт уставните амандмани утре да бидат ставени на седница на Владата. Заев уверува дека ќе може и да се достават амандмани на амандманите од страна на пратениците за да биде процесот што е можно поинклузивен . ,.,Остануваме отворени , се што е можно да воспоставиме инклузивен процес за да имаме поголем обем на консензус , при заклучување на Договорот со Грција. Верувам дека имаме праведен договор , а времето многу бргу тоа ќе го покаже.” ,изјави премиерот Заев. Има четири намени за промена на уставниот текст , но може да бидат и повеќе , рече Заев.

Пратеникот Крсто Мукоски рече дека генерално е усогласден текстот на амандманите , кои ќе бидат вградени во Уставот. Амандманите се однесуваат на зачувување на македонскиот идентитет, за обврските за ратификација на Договорот со Грција. Се предлага сукцесивна промена на името на нашата земја. Било разговарано Комисијата што ќе работи на помирување треба да почне да работи од понеделник , како што ќе се разработуваат темите , ќе има информации . Се знае колку челна ќе брои и кој ќе членува во нив, информира пратеникот Мукоски по средбата со премиерот Заев. Добиле уверување дека Владата ќе ги прифати четирите амандмански решенија , а за тоа утре рано наутро ќе излезат со конечниот текст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Нов потпорен ѕид во градинката „Кочо Рацин", инвестиција од 5,99 милиони денари

Општина Центар информира дека во кругот на градинката „Кочо Рацин" се отстранува стариот потпорен ѕид и на негово место се гради нов со должина од 37,26 метри и висина од 3,6 метри.

Станува збор за ѕид кој беше стар 25 години, кој сега ќе биде заменет со конструкција од армиран бетон, со темели пошироки од претходните.

„И ова лето вложуваме во воспитно-образовната инфраструктура. Во моментов се работи и на поставување нова енергетски ефикасна фасада на училиштето „Кирил и Методиј", следно е спортската сала во училиштето „Коле Неделковски" и „Гоце Делчев“, а во тек се и санации во ООУ „Димитар Миладинов", рече градоначалникот Герасимовски.

Изградбата на ѕидот се изведува по сите важечки стандарди, со посебно внимание на квалитетот на материјалот и техничката изведба. Проектот е вреден 5.992.394,00 денари и ќе биде целосно завршен во рок од еден месец.

Со оваа инвестиција, Општина Центар продолжува со континуираниот процес на подобрување на инфраструктурата во училишните и предучилишни установи на својата територија.

Со почит,

Одделение за односи со јавност

Општина Центар - Скопје

Тагови: Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Скопје има градоначалник на екскурзија - исто како и неговиот шеф!

Орце Ѓорѓиевски, еден од најблиските соработници на Мицкоски, исто така е на екскурзија.

Како што шефот ја води државата, како на екскурзија, така и Орце го води Скопје - место каде што главна активност се тендерите.

Сѐ уште нема одговор:

• Колку чинеше AI-решението за билбордот? (Веруваме дека е поскапо од вообичаено, бидејќи коњот на билбордот има пет нозе).

• Која фирма го работеше?

• Дали таа фирма има врска со Орце?

• Како е можно билборд што треба да го промовира Скопје повеќе да го промовира Белград и Храмот Свети Сава?

Нема одговор ни за водата.

Не знаеме што покажа дронот што од воздух ги испитуваше Лепенец и Вардар - кој ги загади реките?

Единствено што добија граѓаните од Орце е апел да си го чистат градот од ѓубре,

затоа што тој не е способен да го направи тоа.

Тоа е сѐ што доби Скопје од Орце Ѓорѓиевски: екскурзии, скапи AI-билборди со петножни коњи, промоција на Белград и апел граѓаните сами да си го чистат градот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Министрите за внатрешни работи на ЕУ денеска ќе имаат итни разговори за безбедноста на европските граници

Фон Дер Лајен, повика на „обединета акција“ за безбедноста на границите по хаотичниот прилив на десетици илјади мигранти од Мароко.

Претседателката на Европската Комисија, Урсула Фон Дер Лајен, повика на „обединета акција“ за безбедноста на границите по хаотичниот прилив на десетици илјади мигранти од Мароко во шпанската енклава Сеута минатата недела.

Шпанија проценува дека околу 69 илјади и 500 мигранти сега се вратиле во Мароко, што ги надминува првичните проценки од 50 илјади. Официјалниот број на жртви од шпанската страна на границата изнесува 72, со 11 смртни случаи од мароканската страна. Денеска министрите за внатрешни работи на ЕУ ќе имаат итни разговори преку видеоконференција за да разговараат за ова прашање. Сцените во сеута ги затегнаа односите меѓу некои од 27-те земји-членки на ЕУ. Во писмо до шпанскиот премиер Педро Санчез, Фон Дер Лајен го пофали неговото „брзо справување“ со кризата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.