Според нивните податоци, бројот на цивилни жртви продолжува да расте.

„OCHA“ исто така извести дека најмалку 18.000 домаќинства биле принудени да ги напуштат своите домови од почетокот на месецот и дека хуманитарните организации обезбедиле помош за илјадници домаќинства, пренесува Ал Џезира.

Канцеларијата исто така предупреди дека залихите на хуманитарна помош се на критично ниско ниво поради недоволното финансирање.

Според извештаите, движењето на хуманитарните мисии останува прекинато на неколку локации долж западниот брег на Јемен поради насилството, додека пристапот до клучните патишта е ограничен или тие се непроодни.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хајек, која го прослави својот 60-ти роденден на почетокот на септември, зборуваше за преселбата и за ова ново поглавје од нејзиниот живот во интервју за магазинот „The Cut“, водено од нејзината пријателка и колешка, филмската авторка Анџелина Џоли.

Со нетрпение се очекува новата деценија

Салма Хајек изјави дека со нетрпение ја очекува новата деценија од животот и сè што таа носи. „Се чувствувам млада. Извинете... Всушност, не, нема да се извинувам“, рече таа. „Се чувствувам добро на оваа возраст. Денес се чувствувам подобро од кога било претходно. Тоа е чуден парадокс: како што старееме, ние жените имаме повеќе што да кажеме и знаеме како тоа појасно да го изразиме. Сепак, добиваме сè помалку можности да зборуваме. Тоа нема никаква смисла.“

View this post on Instagram

A post shared by Salma Hayek Pinault (@salmahayek)

Променет е и семејниот живот

Актерката се осврна и на промените во семејството сега кога децата се возрасни. „Со нетрпение очекувам да научам како да бидам тука за моите деца во оваа нова фаза од нивните животи, што значи дека треба одново да научам многу работи“, рече таа.

Хајек и Пино имаат 18-годишна ќерка, Валентина. Актерката е и маќеа на децата на Пино од претходните врски: Франсоа Џуниор (38), Матилда (25) и Огистен (19). Таа неодамна стана баба откако Франсоа Џуниор доби син. Париз сега е нивниот постојан дом.

Откако семејството се насели во Париз, Хајек поминува повеќе време со своите деца и со сопругот. „Среќна сум што мојот прекрасен однос со сопругот продолжува да се развива и што постојано откриваме нови работи еден за друг“, рече таа. „Навистина уживам во животот во Париз во моментов. Живеам во нова куќа, а мојата најстара ќерка навраќа секој ден. Уживам во фактот што таа сега е возрасна личност и што живееме во истиот град. Таа има свој стан.“

View this post on Instagram

A post shared by Salma Hayek Pinault (@salmahayek)

Таа објасни дека, иако порано поминувала многу време во Париз, ова е првпат навистина да живее таму постојано. „Порано често доаѓав овде, но главно за викенди. Сега сум тука постојано. Ова е сосема нов живот за мене. Децата веќе не живеат со нас; останавме само ние двајца.“

За време на разговорот, таа исто така откри дека се обидела да ја убеди Анџелина Џоли да ѝ се придружи во Париз. „За малку ќе те убедев да се преселиш овде. Размислуваше за тоа. Постојано ти велев: ’Ајде, не можеш да ме оставиш сосема сама‘. Но, ти сакаше нешто подиво“, рече Хајек.

Џоли, мајка на шест деца, одговори: „Си поминавме одлично. Ми требаше малку забава. Ме запозна во тежок период од мојот живот и успеа да ме насмееш.“

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пратеници и ученици на дружба во Собранието. По повод одбележувањето на Меѓународниот ден на демократијата во законодавниот дом присуствуваа голем број ученици од основни училишта кои одблиску се запознаа со улогата на Парламентот и демократските вредности. Во полната собраниска сала младите слушнаа пораки за почитување на различните мислења и учество во носењето одлуки уште од најмала возраст. Оној што размислува различно не е непријател на оној што размислува поинаку, порачаа пратениците.

-Демократија е кога вие во вашиот клас заеднички ќе одлучите каде сакате да одите на излет. Некој можеби ќе предложи да одите на Матка, друг ќе каже во Охрид, трет во Катланово, а класниот раководител или наставничката можеби ќе предложат Водно. Но, сите вие треба да гласате и заеднички да одлучите каде ќе одите на излет“, рече потпретседателот на Собранието, Антонио Милошоски.

-Демократијата не е нешто што само возразните го практикуваат, дури уште поважно е и за децата и младите, затоа што тие ја обликуваат иднината. Вие може да практикувате демократија во училиштето кога слушате различни мислења, кога соработувате за да решите проблем, кога ќе застанете на страната на некој којшто не е слушнат, изјави амбасадорот на Швајцарија, Кристоф Зомер.

На учениците им беше презентирано и едукативно видео насловено „Како Шари стана пратеник?“, по што во улога на пратеници можеа симболично да „гласаа“ дали им се допаднал видео материјалот и да го кажат своето мислење во Собрането „за“ и „против“.

Инаку, Генералното собрание на Обединетите нации во ноември 2007 година усвои резолуција за поддршка на напорите на владите да промовираат и консолидираат нова или обновена демократија“, па оттогаш во светот се одбележува Меѓународниот ден и се разгледуваат и промовираат принципите на демократијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.