Македонија

ВМРО-ДПМНЕ: Заев нема поддршка од граѓаните за неговите политики

Зоран Заев не треба да се прашува „што правиме сега“, туку треба да ја почитува волјата на народот.

Самиот призна дека одлуката која што ја стави на референдум не беше поддржана од граѓаните и затоа треба да се поклони на македонскиот народ и да отстапи од намерите за бришење на името, идентитетот, историјата, традицијата и културата. Наместо да се прашува, Заев треба да понесе одговорност за милионите евра истрошени на референдумот на кој народот му кажа дека не ги поддржува неговите антидржавни политики.

Впрочем во капитулантскиот договор што Заев го турка на сила се содржат истите гаранции кои беа наведени и во времената согласност од 1995 година. Сите видовме колку тие гаранции беа почитувани од грчка страна и дали Грција не го попречуваше членството на Македонија во НАТО под времената референца.

Кариерата на Зоран Заев е поважна од националните и државните интереси. Тој по секоја цена на сила се обидува да го протурка капитуланскиот договор со Грција. Народот беше повеќе од јасен. СДСМ не сака да ја испочитува волјата на 1.2 милиони граѓани кои преку својата апстиненција дадоа и повеќе од јасен одговор дека не се согласуваат со промена на името, идентитетот, јазикот и историјата на Македонија.

Зоран Заев и СДСМ треба да сфатат дека само народот и никој друг го има тоа право да одлучува за Република Македонија и тој народ одлучи да нема промена на името на државата и националниот идентитет.

Циркусот во собранието од страна на Зоран Заев и иницијативата за промена на уставот на Република Македонија со цел промена на уставното име веќе добро им е познат на граѓаните. Заев продолжува да го гази својот народ да го потценува и да го негира. Единствениот мотив зошто ова го прави е дека сака да ги прикрие сите криминали што ги направи оваа власт. Дополнителен товар му е тоа што има ветено некому нешто што не може да го исполни и затоа тој не само што се откажа од народот туку оди и спротивно на јасно изразената волја.

Со капитуланскиот договор од Преспа, СДСМ и Зоран Заев полека ги заокружува сите Грчки барања од 1992 година, кои беа испорачани од Владата на Мицотакис, иако тогаш Македонија доби позитивно мислење од Бадентерова комисија.

Со прифаќањето повторно да се променат чл. 3 и чл. 49, а над тоа и Преамбулата на Уставот, всушност во целост Република Македонија признава дека Грција со право ги спорела овие уставни одредби во целиот изминат период.

Заев нема поддршка од граѓаните за неговите политики.

Тој се плаши од фер и демократски избори на кои народот ќе го испрати во политичка пензија и ќе му стави крај на неговата неславна политичка кариера, а Македонија ќе победи.

Центар за комуникации на ВМРО-ДПМНЕ

Шоу биз

Убавата Ирина Шајк во потрага по ново момче!?

Руската убавица Ирина Шајк во последно време дефинитовно нема среќа во љубовта.

По разводот со актерот Бредли Купер, со кој има ќерка, убавата манекенка стапи во врска со познатиот НФЛ играч Том Брејди, но и таа врска не траеше долго и „пукна“, па сега Ирина е во потрага по ново момче.

Сексапилната манекенки наводно бара некој кој е познат, убав и има пари, изјави извор за „PageSix“.

Сепак, не е лесно Ирина Шајк да го пронајде вистинското момче кое ќе ги задоволи сите нејзини критериуми.

"Таа бара дечко, но има малку луѓе со кои излегува. Потребни ѝ се познати, згодни и богати.

Колку се такви, пет, десет", рекол извор кој сугерира дека новиот дечко на Ирина би можел да биде големиот холивудски заводник, актерот Том Круз, која неодамна раскина со атрактивната Русинка Елсина Каиров.

Свет

Саудиска Арабија предупреди на економските последици од војната во Газа

Саудиските власти денеска повикаа на смирување на тензиите на Блискиот исток и предупредија на економските последици од војната во Појасот Газа, на отворањето на специјалната средба на Светскиот економски форум.

Дводневниот форум се одржува во Ријад во присуство на многу лидери и високи функционери, меѓу кои и американскиот државен секретар Ентони Блинкен, палестински претставници и високи дипломати вклучени во напорите за ставање крај на конфликтот меѓу Израел и палестинското движење Хамас.

-Војната во Газа, како и конфликтите во Украина и на други места, вршат „голем притисок“ врз економското опкружување, изјави саудискиот министер за финансии Мохамед ал Џадан.

- Израел не е претставен на состанокот, додека преговорите за примирје со посредство на САД, Катар и Египет се во тек на други места, но настанот ќе биде можност за разговори со клучните играчи, рече саудискиот министер.

Блинкен утре ќе пристигне во Ријад каде што ќе „разговара за тековните напори за постигнување прекин на огнот во Газа што овозможува ослободување на заложниците“, соопшти Стејт департментот.

Македонија

Сајкоски: Патот Кичево – Демир Хисар – Битола ќе го завршиме

Сајкоски: Патот Кичево – Демир Хисар – Битола ќе го завршиме, а општина Демир Хисар ќе добие средства од предвидените 250 милиони евра за општините за да може да се развива

„Денес ни е потребно единство за да можеме да испорачаме резултати. Денес ни е потребно единство за да може да донесеме развој, единство на сите граѓани за да може да донесеме подобро образование, подобра инфраструктура, да донесеме надеж која е изгубена кај граѓаните, заеднички со вас може да го направиме тоа и оние кои гласале за другите политички партии и не верувале, но и сите оние кои останаа дома повикајте ги, денес на Македонија сте и потребни сите, денес за да формираме влада која треба да испорачува на македонските граѓани. Затоа па од денес па до 8 ми убедете што повеќе луѓе да донесеме огромна победа за ВМРО-ДПМНЕ и Македонија“, истакна носителот на ИЕ 5 од ВМРО-ДПМНЕ Ѓорѓија Сајкоски на денешниот митинг на ВМРО-ДПМНЕ во Демир Хисар.

Тој истакна дека знаат како ќе испорачаат она што го ветиле за сите населени места.

„Ние знаеме како и ќе испорачаме за сите населени места тука. Ќе испорачаме со изградба на инфраструктура и ќе го направиме патот Кичево – Демир Хисар – Битола. Ќе направиме голем дел проекти заедно со градоначалникот затоа што ветивме дека општините ќе добијат 250 милиони евра и Општина Демир Хисар ќе добие средства за да може да вложува во Демир Хисар да се развива“, вели Сајкоски.

Тој продолжи и додаде:

„Ветуваме бидејќи знаеме како и можеме да донесеме нови инвестиции тука и нови работни места. Ќе направиме подобро образование, ќе ја вратиме надежта кај сите и заедно ќе донесеме подобра Македонија, ние ви укажуваме и ветуваме и обрзвуваме дека ќе се зголемат пензиите со 5,000 денари и основицата на сите пензионери. Земјоделците вистински ќе добијат 180 милиони евра ќе донесеме раст и развој, ќе донесеме голема надеж за Македонија, македонскиот народ, македонските граѓани и сите граѓани кои живеат во Македонија“, дециден е Сајкоски.