Дали и ВМРО-ДПМНЕ тргна во кампања?

Тргна ли ВМРО-ДПМНЕ во референдумска кампања, неколку дена по ставот - граѓаните сами да одлучат како ќе постапат.

 Генералниот секретар на партијата Игор Јанушев на средби со граѓани, во Виница и Кочани ги објаснува штетните последици од договорот со Грција.

Партијата на својот јутјуб канал веќе има и објавено видео во кое се потенциранипораките од лидерот Мицкоски по средбата на партиските тела во вторникот.

Меѓународната заедница во меѓувреме, од опозицијата бара по конкретен став во врска со референдумот.

Пораката до господинот Мицкоски беше иста како и во сите други мои средби, ставив јасно до знаење дека Америка ја гледа Македонија како многу вреден сојузник и пријател, ја цениме безбедносната соработка која ја имаме и економската. Го повикав да биде по јасен во неговиот став и ги охрабрувам Македонците да излезат и да гласаат

По средбите со  високите меѓународни претставници, Федерика Могерини и Вес Мичел, лидерот на партијата Мицкоски порача дека ставот на ВМРО-ДПМНЕ не се менува. Од пред седиштето на ЕУ во земјава повтори дека се за евроатлански интеграции, но се против договорот со Грција.

Партијата во недела најави и протестен марш во Штип, за како што се вели во соопштението, да се стави крај на криминалите и распродавањето на државните и национални интереси.

МВР: Груевски е во Будимпешта, се распиша меѓународна потерница

Никола Груевски избега во Унгарија, а МВР по него распиша меѓународна потерница. Информацијата дека екс премиерот е во Будемпешта ја објави самиот Груевски, а официјална потрврда за тоа стигна доцна попладнево.

И официјално експремиерот Никола Груевски е избеган во Унгарија. Потврдата стигна и МВР од каде преку службени канали добиле потврда дека Груевски се наоѓа во Будимпешта каде што побарал азил. 

,,По направените соодветни проверки, Министерството за внатрешни работи утврди дека лицето Никола Груевски, кое се бара заради извршување на казна затвор во траење од две години за сторено кривично дело- примање награда за противзаконито влијание, се наоѓа во Република Унгарија. Министерството за внатрешни работи на Република Македонија доби и потврда од унгарското министерство дека Никола Груевски е во Република Унгарија и дека побарал азил.

По ова се очекува според процедурите да биде распишана и меѓународна потерница по сега веќе бегалецот Никола Груевски. Информацијата дека се наоѓа во Будимпешта ја објави тој самиот на Фејсбук со образложение дека добивал голем број закани по неговиот живот. Поради неговото бегство во МНР на разговор беше повикан и унгарскиот амбасадор во земјава Ласло Дукс. Според МНР било кажано дека Македонија е цврсто определена за градење на правна држава и силна борба против организираниот криминал и корупцијата вклучувајќи ги и највисоките нивоа.

Инаку, денеска МВР, СЈО и Кривичниот суд си ја префрлаат топката за тоа кој е виновен или кој направил пропуст за бегството на експремиерот.

Министерот за внатрешни работи на Македонија Оливер Спасовски во „Само вистина“

Спасовски во,, Само вистина“:  Груевски  ја поминал границата преку илегален премин- сопругата  и мајката на Груевски се во Македонија

Министерството за внатрешни работи распиша меѓународна потерница по екс премиерот Никола Груевски , за кого се потврди дека бил во Република Унгарија во Будимпешта каде денеска поднесол и барање за азил. Полициското обезбедување последен пат со Груевски се виделе во четвртокот вечерта  во 23 часот и триесет минути .

Кога заминал во Унгарија, како било организирано бегството од кого имал логистика дали е вклучена некоја странска земја, се прашања на кои деновиве ќе работи МВР. Она што е извесно, вели Министерот Оливер Спасовски во ,, Само Вистина“ е дека на легалните премини нема излегување на лицето Никола Груевски , веројатно тоа е направено на  некој илегален премин  во таа зелена зона на границата каде чувањето не е патролно и херметички. Тоа се оние премини кои ги користат мигрантите при илегалните поминувања. Спасовски исклучи можност бегството да е направено по воздушен пат. Факт е дека имал поддршка од обезбедувањето и истражуваме кој ја дал таа поддршка, но не исклучи можност таа да е дадена и од дел на некои луѓе на ВМРО ДПМНЕ. Министерот за внатрешни работи соопшти дека бил обавен разговор со мајка му и со сопругата која дозволила полицијата да провери дека не е дома а и двете се во Р. Македонија.

Погледајте го целото интервју во кое Спасовски говори и за можноста за екстрадиција и за тоа дали барањето на азил може да ја оддолжи испораката на Груевски,ако дозволат властите на Унгарија и премиерот Орбан со кој Груевски имал добри односи.

Во Љубљана се одржа прв протест на трансродни лица

Десетина трансродни лица , протестираа низ Љубљана со барање државата да им ја олесни процедурата во впишувањето на промената на полот во личните документи.

Трансродните лица се собраа во парк во Љубљана и ги претставија своите барања , а потоа протестот го продолжија пред Министерството за внатрешни работи.

Претседателот на здружението ,, ТрансАкција” , Лин Џулиан Колетник изјави дека со овој протест сакаат да предупредат на кршење на човековите права на трансродните лица.

притисни ентер