Заев: Мицкоски да каже дека е против бојкот

Коалиција ЗА европска Македонија вечерва ја продолжи камапања за рефереднумот.

Централниот собир се одржа во Куманово.. Градоначалникот Максим Димитриевски и премиерот Зоран Заев повикаа на масовност на референдумот. 

Време е за вистински патриоти за оние кои преземаат акција, кои го почитуваат минатото, но нивниот поглед е фокусиран во иднината. Време е да донесеме подобар живот во Македонија. Време е на 30 септември да донесеме одлука со која ќе се гордееме, одлука за идните генерации, порача вечерва пред кумановци претседателот на СДСМ и премиер Зоран Заев на трибината Излези За европска Македонија.

Тој рече дека го решиле спорот со Грција и дека се зајакнал македонскиот идентитет и македонскиот јазик, кој се впишува во ризницата на светските јазици, но нагласи дека е потребно да се понесе одговорност за европска Македонија. 

- Граѓаните ќе го имаат последниот збор, граѓаните ќе одлучат, ќе изберат за иднина, за европска Македонија. Членството во НАТО и ЕУ носи нови инвестиции, нови работни места, посочи Заев, додавајќи дека невработеноста ќе се намалува и посочувајќи примери од земјите од регионот кои влегоа во НАТО.

Платите, додаде, ќе растат, а младите ќе останат. 

- Да ги повикаме нашите роднини и пријатели да се вратат во Македонија која ќе биде безбедна држава, просперитетна, рече Заев.

Додаде дека ова е историски момент, оти одлуката на 30 септември е поголема од партиите и дека е време да се остават кавгите настрана и да се види светлината на Европа.

Тој им се обрати и на младите и рече дека на 30 септември одлучуваат за нивната иднина, да одлучат помеѓу светлина и темнина, иднина или изолација.

Обракајќи им се на кумановци, Заев истакна дека Куманово отсекогаш било храбро, историско и прогресивно, борбено и истакна дека сите треба да се одважат во овој нов историски момент. Тој го повика раководството на ВМРО-ДПМНЕ јасно да го изрази својот став за референдумот.

- Стоиме пред подвигот, кој не признава калкулантство и неодговорност. Тоа не е лидерска особина. За иднината на Македонија треба да се разговара, но нема разговор со оние што немаат став. Нека се изјасни Мицкоски и водството на ВМРО-ДПМНЕ дали се за бојкотирање или го повикуваат народот јасно и гласно да излезе и да го даде својот глас. Нека има јасен политички став и нека биде различен. Скриениот повик за бојкот, за иднината на Македонија не е достоен за дебата, рече Заев.

Тој ги повика и членовите на ВМРО-ДПМНЕ да ја почитуваат определбата за ЕУ и НАТО и да гласаат на референдумот затоа што, рече, тоа ќе значи перспективна Македонија. Тоа рече е наша заедничка должност оти заедничка ни е Македонија. 

Заев истакна дека државата тргна напред и веќе враќање назад нема. Референдумот е последниот чекор и на дофат ни се НАТО и ЕУ.  Одлуката на 30 септември, нагласи, ќе не обезбеди во најмоќната европска заедница, во најсилниот воен сојуз и посочи дека верува во народот на Македонија. 

Пред присутните на градскиот плоштад се обрати и градоначалникот на Куманово, Максим Димитриевски кој ги повика граѓаните да дадат поддршка на 30 септември. Истакна дека во Куманово со средства на ЕУ во вредност од 4,5 милиони евра беше реконструирана канализациската мрежа во градот. 

Обвинение за штипјанец кој злоупотребил средства од ЕУ фондовите

 Триесет и двегодишен штипјанец е обвинет за  измама и злоупотреби средства од фондовите на Европската Унија.

Како што соопшти Јавното обвинителство, обвинението следи по сеопфатна  истражната постапка водена од јавен обвинител на Основното јавно обвинителство Скопје, во која се прибрани  материјални и вербални докази, по чие разгледување и анализа е утврдено дека обвинетиот искористувајќи ист траен однос со преземање на временски поврзани дејствија, во текот на временскиот период од 2015 до 2017 година ги извршил кривичните дела – злоупотреба на службена положба и овластување  и измама на штета на средства на ЕУ.

Обвинетиот, како што е наведено во соопштението, кривичното дело го извршил како одговорно лице – управител на правното лице „БАЛКАН ЕКО ФРУИТ" ДОО Свети Николе, каде содружник е и правното лице „АГРОПИОНЕР" ДОО Скопје управувано од државјанин на Саудиска Арабија.

– Употребувајќи средства спротивно од одобрената намена за која се добиени од Агенцијата за финансиска поддршка на земјоделството и руралниот развој, како и со искористување, пречекорување и неизвршување на своите овластувања и должности обвинетиот нанел штета на  оштетеното правно лице во кое бил управител и тоа во вкупен износ од  69.825.499,00 денари, велат од Обвинителството.

Имено, обвинетиот со образложение за потреба и користење на средства од ИПАРД програмата склучил договор со Агенцијата за финансиска поддршка на земјоделството и руралниот развој за користење на средствата за плаќање на 50 отсто од вредноста на опрема,  со што добил парични средства во износ од 14.989.596,00 денари. Истовремено од  „Стопанска Банка" АД Скопје за долгорочно финансирање мултивалутна кредитна рамка подигнал парични средства во износ од 1.600.000 евра. Но, наместо  согласно договорот паричните средства од ИПАРД програмата да ги трансферира на сметката на правното лице „БАЛКАН ЕКО ФРУИТ" ДОО Свети Николе во Стопанска Банка АД Скопје согласно договорот за долгорочно финансирање заради наплата на дел од кредитот, обвинетиот без согласност на правното лице – содружник, ги трансферирал средствата на сметка на правното лице „БАЛКАН ЕКО ФРУИТ" ДОО Свети Николе во Комерцијална  Банка АД Скопје од каде средствата  се  уплатувани на правни лица блиски до него по различни основи  во вкупен износ од 6.406.206,00 денари. Остатокот од паричните средства во износ од 8.583.390,00 денари тој ги исплатил на други правни лица за тековни фактури по разни основи.

Во периодот кој бил предмет на истрага на Основното јавно обвинителство, обвинетиот во својство на управител, без согласност на содружникот правно лице, електронски одобрил и исплатил шест трансакции во вкупен износ од 13.720.147,00 денари, по што испорачувал разни материјални добра на правното лице  кон други правни и физички  лице во вкупен износ од 15.690.491,00 денар за кои изготвил само испратници и приемници без да преземе дејствија за наплата  на побарувањата.

Обвинетиот исто така склучил и 36 договори за откуп на овошје и четири договори за деловно техничка соработка – заедничко производство на домати, притоа не вршејќи наплата на побарувањата и обврските од истите, со што нанел штета на правното лице во износ од 2.188.873,00 денари. Во истиот период , обвинетиот без согласност на содружникот, дозволил влез  и производство во просториите на  фабриката „БАЛКАН ЕКО ФРУИТ" ДОО на други правни лица од кои не ја наплатил закупнината, платата за вработените и останатите режиски трошоци со што нанел штета на правното лице во висина од 23.236.392,00 денари.

Со сите преземени дејствија, обвинетиот 32-годишен штипјанец, ги сторил кривичните дела за кои надлежен јавен обвинител од ОЈО Скопје поднел обвинителен акт до Основниот кривичен суд- Скопје. 

Рикер: САД се подготвени да се вклучат во дијалогот Белград - Приштина

САД се подготвени да се вклучат во преговарачкиот процес меѓу Белград и Приштина, но тоа не можат да го направат додека двете страни сами не одлучат да му се вратат на дијалогот, изјави в.д заменик државен секретар на САД Филип Рикер.

Тој за американските медиуми истакна дека за евентуално посилна улога на САД во преговарачкиот процес, неодамна разговарал и со првиот човек на Стејт департментот, Мајк Помпео.

Рикер кој евршителот на должност заменик државен секретар на САД  во моментов е највисокиот официјален претставник во Стејт департментот кој се занимава со Балканот изрази верување дека двете страни имаат волја за наоѓање решение, со што ќе придонесат за стабилност и просперитет на западен Балкан.

притисни ентер