Македонија

Партиите бараат пари од Владата за референдумот

Партиите на Бачев и Грчева „Единствена Македонија„ и „Глас за Македонија“, заедно со Демократската Фракција на ВМРО-ДПМНЕ и триесетина организации предводени од Делегација на Кризниот штаб против референдумот бараат пари од Владата.

Партиите на Бачев и Грчева „Единствена Македонија„ и „Глас за Македонија“, заедно со Демократската Фракција на ВМРО-ДПМНЕ и триесетина организации предводени од Делегација на Кризниот штаб против референдумот бараат пари од Владата за водење јавна пропаганда.

Сметаат дека треба да добијат половина од средствата кои Министерствата ќе ги пренаменат за референдумска кампања, како единствен, засега, втор субјект кој ќе се вклучи во јавната пропаганда под слоганот „Македонија бојкотира“.

Од Владата засега нема реакција на барањето на Кризниот штаб за бојкот.

Не ја откриваат ниту официјалната сума со која ќе се води референдумската кампања.

Од Владата за Канал 5 кусо одговараат дека процесот на подготовка на кампањата е во тек, а детали најавуваат по следната Владина седница. И од финансии не откриваат кои министерства колку буџетски средства ќе пренаменат за кампања.

Велат оти се уште се собираат информации и се дефинираат деталите за концептот. Засега е познато само дека Министерството за одбрана ќе издвои 60 милиони денари.

А додека институциите се уште прават пресметки , кампањата активно тече на социјалните мрежи. Придобивките од влегувањето на земјава во ЕУ и денеска промовирани на официјалниот фејсбук профил на премиерот Заев.

Со влегувањето на Република Македонија во ЕУ ќе имаме повисок животен стандард. Со влегувањето во ЕУ се приклучуваме на пазарот од 500 милиони потрошувачи. Ќе имаме зголемен извоз и економски раст, напиша синоќа премиерот Зоран Заев на својот ФБ профил.

На социјалните мрежи се повеќе се интензивираа и кампањата на иницијативата „Бојкотирам“, каде најчестите пораки се дека името е свето и не треба да се менува.

Други спортови

Олимпискиот комитет дозволи учество на руски и белоруски спортисти без знамиња

На руските и на белоруските спортисти претходно им беше забрането учество.

Меѓународниот олимписки комитет (ИОК) денеска соопшти дека на руските и белоруските спортисти кои ќе се квалификуваат за завршните натпревари во нивните спортови ќе им биде дозволено да учествуваат на Олимписките игри во Париз следната година, под услов настапуваат неутрално, без знамиња, амблеми и химни.

-Тимовите на овие земји, спортисти кои активно ја поддржуваа војната, како и спортисти кои се ангажирани во армијата или државните безбедносни агенции на Русија и Белорусија, се исклучени од Игрите, се наведува на веб-страницата на Олимпискиот комитет.

На руските и на белоруските спортисти претходно им беше забрането учество во меѓународните натпреварувања по руската инвазија на Украина, но оттогаш постепено им беше дозволено да се вратат како неутрални индивидуални спортисти./МИА

Регион

Мицотакис најави релокација на село погодено од неодамнешните поплави

Локалното население и локалните власти, како што информираа од кабинетот на грчкиот премиер, на Мицотакис му ги претставиле главните проблеми со кои се соочуваат.

Релокација на селото Метаморфоси во областа Тесалија, кое беше особено погодено од невремето „Даниел“, беше во фокусот на посетата на грчкиот премиер Кирјакос Мицотакис и неговата средба со жителите и претставниците на локалната самоуправа, јави дописничката на МИА од Атина.

Локалното население и локалните власти, како што информираа од кабинетот на грчкиот премиер, на Мицотакис му ги претставиле главните проблеми со кои се соочуваат и разговарале за прашањето за преместување на селото што ќе се гради на повисока точка, по одлуката која самите жители ја донесоа.

По средбата, грчкиот премиер рече дека во рамките на неговата посета на областа Тесалија, сметал дека е негова должност да го посети и Метаморфоси за да поразговара со локалното население за иднината на нивното село.

-Штом и тие сакаат и се чини дека за тоа одлучија преку демократски процедури, им ја пренесов волјата на Владата, да се обврземе за изградба на ново Метаморфоси во просторот што е веќе одреден и веднаш ќе се проучи дали е соодветен. Верувам дека можеме многу брзо да тргнеме во оваа насока и конечно да дадеме дефинитивно решение за преселба на селотп, кое, како што знаете, не е првпат поплавено и ќе биде трајно во „окото на циклонот“ на климатската криза, која можеби станува се полоша и полоша, истакна Мицотакис. /МИА

Свет

Министрите од арапските земји бараат итен прекин на непријателствата во Газа

Министрите за надворешни работи на неколку арапски земји и Турција денеска во Вашингтон повикаа на итен прекин на војната во Појасот Газа и апелираа до САД да ја поддржат резолуцијата на ОН за хуманитарен прекин на огнот, пренесе Бета.

-Нашата порака е дека веруваме дека е апсолутно неопходно веднаш да се запрат борбите, рече саудискиот министер за надворешни работи, принцот Фајсал бин Фархан, во име на групата, повикувајќи го Советот за безбедност на ОН да усвои резолуција за хуманитарен прекин на огнот во Газа.

Тој изрази жалење што се чини дека крајот на конфликтот не е „приоритет на меѓународната заедница“.

Египетскиот министер за надворешни работи Самех Шукри рече дека решението е прекин на огнот, а неговиот јордански колега Ајман Сафади изрази уверување дека „приоритет број еден е да се запре агресијата“.

Тој предупреди дека Израел ќе има одврзани раце да „продолжи со масакрот“ доколку ОН не ја усвојат резолуцијата.

Делегацијата, во која членуваат министри од Египет, Јордан, Катар, Саудиска Арабија и палестинските власти, подоцна денеска ќе биде примена од американскиот државен секретар Ентони Блинкен.

Саудискиот министер изрази надеж дека американските партнери ќе направат повеќе и уверување дека можат да направат повеќе за да се стави крај на конфликтот меѓу Израел и Хамас. /МИА