Борисов: Два пати мисли пред да кажеш

Минатото и напластеното разногласие во толкувањето на  историските настани, повторно докажуваат дека како Дамоклов меч се надвиснуваат над односите што ги градат земјите сега.

Последен мегдан за тоа беа прославите на годишнината од илинденското востание.

Ниту лани-потпишаниот македонско-бугарски договор за добрососедство и пријателство изгледа не е доволен гарант за одредени кругови во двете земји, дека намерата и на едните и на другите била- еднаш засекогаш да се престане да се робува на минатото. 

Па така одново почнаа да се бараат точки и запирки во изјавите на политичарите и воскреснаа сомневањата дали и колку искрени биле заложбите за градење на добрососедски и со ништо неоптоварени односи и сето тоа поради тврдењата дали е само македонско и дали е само бугарско Илинденското востание а тешко се прифаќа дека е на сите.

Во последниот случај по неколкудневно затишје денеска се огласија премиерите на двете земји. Борисов отиде дотаму индиректно да порача дека кога ќе дојде време за ЕУ, ќе се потсетат на овој момент. Моментот кога во последното телевизиско интервју премиерот Заев илинденското го карактеризира за македонско востание. 

Заев денеска возврати со статус на фејзбук-критичарите во Македонија и во бугарија да немаат дилема пријателството и соработката се искрени.

„Драги пријатели и браќа од Бугарија, верувајте, искрено градиме пријателство кое неколку децении наназад беше изгубено. Тоа беше загуба за двете земји. Ние повторно го најдовме нашиот пријател и брат. Да не дозволиме да се враќаме назад. Тоа ни е обврска пред нашите деца. Некогаш можеби не сме доволно внимателни ние политичарите, некогаш правиме и грешки, но ве уверувам дека тоа е само невнимание, затоа што искрено сакаме соработка и пријателство како што тоа го потпишавме во договорот за добрососедство и пријателство“ - напиша претпладнево премиерот Заев на фејсбук, истовремено потсетувајќи на заложбата на Борисов и на министерката Захариева да се добие датум за старт на преговорите за членство со Европската унија и покана од НАТО.

„Никогаш нема да го заборавиме тоа пријателство кое е докажано на дело“, напиша Заев со повик да не се правиме слепи и глуви.  

,,Илинденското востание е херојски и трагичен венец на бугарското револуционерно движење за слобода и национално обединување.со решителност и жртва, без надеж за помош однадвор, Бугарите од Македонија и Тракија станаа во очајна, но достојна битка за правда. Бунтовниците го испишаа големото кредо на нашата национална револуција – “слобода или смрт”. Илинден нè потсетува дека слободата и историската вистина мора да се ценат и ревносно да се бранат“ - напиша пак бугарскиот претседател Румен Радев на својот ФБ профил , само неколку часа по заедничката македонско-бугарска прослава на годишнината од Илинденско востание во Благоевград.

Инаку , како што обврзува договорот за добрососедство, веќе е формирана македонско бугарска мешовита комисија од историчари кои би требало да ги разрешат дилемите од минатото. Ќе бидат ли поуспешни од политичарите?

Јанушев од Крива Паланка: Стопанствениците очекуваат значителна помош и придонес од новата влада која ќе биде предводена од ВМРО-ДПМНЕ

​Продолжуваме со посетите низ Република Македонија. 

Денес сме во Крива Паланка, остваривме средба со неколку стопанственици, ги посетивме нивните фабрики односно производствени капацитети. Имаме средби со неколку целни групи и секако денот ќе заврши со внатре партиски состаноци.

Она што е видливо и она што го гледаме веќе неколку месеци низ целата држава е видливо овде во Крива Паланка. Луѓето се иселуваат со надеж за подобар живот, луѓето кои што ги среќаваме на улица се жалат за буквално лошото секојдневието кое што го имаат и не квалитетот на живот.

Во фирмите со коишто ги посетивме и со луѓето со коишто разговаравме очекуваат од новата влада предводена од ВМРО-ДПМНЕ, кое што ќе следува после изборите на 12-ти април значителна помош и значителен придонес за стопанството.

Знаете веќе дека излеговме со повеќе конкретни мерки во однос на стопанството и економијата, преку враќање на рамниот данок и негово намалување, намалување на невработеноста на помалку од 10% во четири годишниот мандат но и она што секако е од особена важност за Крива Паланка и за целиот овој регион е најавата за изградба на новиот експресен пат Куманово-Паланка.

Продолжуваме во следниот период со промоција на следните мерки од нашата програма кои што секако ќе бидат насочени кон граѓаните и ќе значат конечно ставање на крај на разнебитувањето на нашата држава од страна на оваа криминално рекетарска влада предводена од Заев.

12-ти е блиску 12-ти доаѓа за 50-тина дена и конечно почнува обновата на Република Македонија.

Игор Јанушев – Генерален секретар на ВМРО-ДПМНЕ

Нападнати цариници за време на акција во Тетово, запленети 113 килограми режан тутун и 415 кутии цигари

 Царинската управа на Република Македонија во соработка со Државниот пазарен инспекторат, денеска спроведоа две акции во Скопје и во Тетово, против нелегална продажба на цигари, режан тутун и други тутунски производи.

Целта на акцијата, соопштија од Царинската управа, била контрола и заплена на производи кои нелегално се продаваат и претставуваат акцизни добра.

– Двете акции паралелно се спроведоа во Скопје и Тетово, при што на територијата на Општина Тетово службените лица при вршење на претресот беа брутално нападнати од страна на поголема толпа луѓе кои и се познати на полицијата и против нив ќе биде покрената соодветна пријава. Оттука Царинската Управа и Државниот пазарен инспекторат порачуваат дека и покрај сите опструкции ќе продолжат да се борат против сивата економија и нелегалната продажба на тутунските производи ширум државата, се посочува во соопштението.

Инаку, во двете акции се запленети 113 килограми режан тутун и 415 кутии цигари.

Цигарите и режаниот тутун се акцизни производи, за кои се плаќа акциза, подвлекуваат во соопштението од Царинската управа, а кога ќе се најдат во малопродажба, мора да бидат обележани со контролни марки.

– Акцизите учествуваат со околу 22 проценти во вкупните даноци што ги прибира државата, а во буџетските приходи акцизите учествуваат со 13 проценти, од кои над пет проценти се од цигари и тутунски производи. Соодветно на тоа, станува збор за значаен извор на приходи во буџетот на државата, стои во соопштението. /МИА

Петар Ристески: Наместо да се зафатат со работа, Заев и Сугаревски цели 3 години не мрднаа со прст во Прилеп

После 12-ти април Прилеп ќе го добие тоа што долго време се очекуваше и што е од витално значење за економијата и граѓаните од пелагонискиот дел на Република Македонија.

Идната Влада која ќе ја предводи ВМРО-ДПМНЕ и Христијан Мицкоски се обврзува на изградба на нов автопат Велес преку Прилеп до Битола, проект со кој конечно Пелагонија нема да биде слепо црево во државата.

Овој автопат е барање на бизнис секторот и на сите граѓани од овој дел на Македонија, а Владата предводена од ВМРО-ДПМНЕ ќе го изгради во својот мандат.

Со ова автопатско поврзување од Прилеп до Скопје ќе се патува за само 1 час.

СДСМ со Зоран Заев и министерот Горан Сугаревски ја стопираа изградбата на експресниот пат Прилеп - Градско, проект кој го започна минатата Влада и кој конечно требаше да овозможи полесно поврзување со остатокот од државата, но и да се спречат несреќите на овој патен правец кој досега зеде голем број на жртви.

Наместо да се зафатат со работа, Заев и Сугаревски цели 3 години не мрднаа со прст во Прилеп, а сега одново бесрамно  лажат и  ветуваат.

ВМРО-ДПМНЕ пред граѓаните се обврзува дека покрај изградбата на нов автопат Велес-Прилеп-Битола, ќе се доизгради и експресниот пат Прилеп-Градско, со што ќе се создадат услови за влез на нови инвестиции во Пелагонискиот регион, како и услови домашните компании да ги прошират своите производствени капацитети.

Ова е нашиот пристап пред граѓаните, и ова ќе биде одлика на владеењето на ВМРО-ДПМНЕ во наредните 4 години.

Нудиме конкретни проекти и решенија, многу работа и целосна обнова на државата.

Нудиме нови политики кои ќе се базираат на меѓусебна доверба, разбирање и соработка со граѓанскиот и бизнис секторот.

На 12-ти април Република Македонија расчистува со политичарите од кариера и вели Зоран Заев никогаш повеќе премиер!

Петар Ристески, Претседател на ОК на ВМРО-ДПМНЕ Прилеп

притисни ентер