Започнува реализација на Стратегијата за отворени податоци

 Институциите на државно и на локално ниво ќе имаат обврска да објавуваат  податоци за своето работење што е предвидено со првата Стратегија и Акциски план за отворени податоци. 

Министерот за информатичко општество и администрација Дамјан Манчевски денеска на прес-конференција потенцира во следниот период ќе се организираат серија средби и обуки во врска со концептот за отворени податоци, а во секоја институција ќе треба да има посебен офицер за отворени податоци, кој ќе биде задолжен да ги обајвува податоците во соодветна форма. За таа цел во изработка е и посебна веб-страна data.gov.mk каде овие податоци ќе бидат бесплатно достапни за граѓаните.   

Според Манчевски, отворените податоци можат да бидат силен поттик за социјален и економски развој, и да се искористат и за подобрување на управувањето преку зголемување на транспаретноста, на отвореноста, на интегритетот и на јавното учество и во локалната и во централната власт. Ова, како што кажа, треба да доведе и до подобрување на испораката на податоци и до ефикасност на јавниот сектор, ќе го зголеми учеството на граѓаните и позитивно ќе влијае врз борбата со корупцијата, но исто така со малку иновативност може да биде и шанса за отворање на нови бизниси. 

- Се работи за мета податоци кои ќе бидат користени и ставени во функција кои ќе бидат користени за анализи и за обработки. На национално и на локално ниво различните државни институции обезбедуваат многу услуги кои често се игнорирани, потценети или несоодветно претставени, односно граѓаните не ги познаваат доволно, вели Манчевски. 

- Широката употреба на дигиталните технологии денес ги прави овие содржини се повреден ресурс и во изготвување на иновативни производи и услуги кои што обезбедуваат додадена вредност. Отворените податоци може да бидат еден од главните избори на образовано и културно знаење во која било земја, рече Манчевски. 

Манчевски сподели практични примери како и за што би можеле да се искористат овие податоци. 

- Преку објавување на податоците од сензорите поставени на раскрсниците, може да се добие слика како прометот на коли влијае на загадувањето на возёдухот во реално време. Од тоа би можело да произлезе апликација која ќе кажува каде е најголемата сообраќајна гужва и ќе нуди алтернативни патишта и за возилата и за пешаците. Ова може да придонесе за намалување на загаденоста, вели министерот. 

Други апликации би можеле да бидат за слободни места на паркинзите во градовите, за туризам, за споменици и други културни објекти, информации што е интересно да се посети во еден град или во околина каде што се престојува. Манчевски посочи на пример од Велика Британија за апликација за квалитетот на услугите што ги нудат одредени институции. 

Министерот смета дека достапноста на отворените податоци за бизнис секторот ќе овозможи трансформација на отворените податоци во конкретни нови производи и услуги во приватниот сектор.   

Македонија првпат има Акциски план и Стратегија за отворени податоци. Владата на Република Македонија минатата недела усвои Стратегија и Акциски план за отворени податоци коишто беа изработени од МИОА заедно со сите засегнати страни и со експерти на британската Влада. 

Одговарајќи на новинарско прашање за отпочнатиот скрининг за членството во ЕУ, на прес-конференцијата Манчевски најави дека од септември ќе бидат ангажирани експерти кои ќе помогнат за скринингот во јавната администрација. 

- Клучен ризик сега е немањето доволно стручни капацитети во одредени институции за одредени процеси, вклулчително и во МИОА. Ние мораме брзо да регрутираме луѓе, дали ќе ги пронајдеме внатре... но ќе ги поставиме директно надлежни за водење на преговорите со ЕК. Тоа е прв приоритет на администрацијата, рече министерот.  

Во однос на распределбата на вработените во јавната администрација преку Секретаријатот за Рамковен договор кажа дека таа е во тек, и дека втората фаза ќе започне во септември.

Посебна комисија ќе одобрува пасоши за итни потреби

3400 пасоши а над 16 илјади барања.

 Пасошката криза во земјава засега ќе се решава со Комисија во која ќе членува и лекар која ќе утврдува кои граѓани ќе имаат предност да добијат пасош. Новата пратка од 100 илјади пасоши германската Веридос треба да ја испорача на 24 март иако можноста тој рок да се скрати за десет дена не е потврден.

Како опција за привремено решение Чулев го спомна Апостил печатот со кој ќе се продолжи рокот на пасошите и ќе се испрати до другите земји. Но за тоа ќе треба да одлучува Владата. Тој за проблемот со пасошите го обвинува неговиот претходник, сега претседател на техничката Влада Оливер Спасовски. А дали има законски прекршувања во постапката за набавка на обрасци ќе проверува и Обвинителството.

-Во Обвинителството за гонење на организиран криминал и корупција од Министерството за внатрешни работи е пристигнато известување по добиени сознанија за незаконско постапување при спроведување на постапка за набавка на документација за лични документи. Известувањето е распределено за постапување кај јавен обвинител кој веднаш презеде активности за расветлување на изнесените наоди.-Обвинителство за гонење на организиран криминал и корупција

Чулев одржа прес конференција токму пред државното обвинителство кое го повика да ги провери поништувањата на Владата на неговите распоредувања на вработени во МВР. Вели и дека воопшто не размислува да поднесе оставка а сите пишувања во медиумите ги нарече лажни вести.

Владата минатата недела поништи над 90 решенија за распоредување на работно место што ги донесе техничкиот министер во МВР Чулев.

Македонија под масовен наплив од неидентификувани телефонски повици

Непознати странски броеви утринава разбудија илјадници Македонци.

Добивале повик од различни телефонски броеви, но со ист префикс +881, кој, според информациите, го нема на листата на странски броеви, туку е сателитски мобилен систем, кој  може да се купи преку Амазон и сличните платформи, но чини многу скапо..

На социјалните мрежи граѓаните алармираа за ѕвонењето - но, до сега нема информација колку наседнале на замката, и дали некој одговорил на повикот.

Повиците ги добивале корисни и на двата мобилни оператори.. Од Телеком велат дека целта на повиците од непознати дестинации кон наши корисници е да се генерира непотребен сообраќај.

-За да ги заштитиме корисниците од несакани трошоци, компанијата веднаш превзеде безбедносни мерки, ги блокираше непознатите броеви и го оневозможи бирањето кон овие дестинации. Апелираме корисниците постојано да бидат претпазливи и да не одговараат на пропуштени повици од непознати броеви, со цел за да се избегнат злоупотреби и дополнителни непредвидени трошоци. -  велат од Телеком.

Од А1 велат :

-А1 Македонија ги информира корисниците дека во раните утрински часови, во траење од два часа, се случи таканаречен wangiri fraud, вид на измама во телекомуникациите при што измамниците со автоматско бирање генерираат пропуштени повици  и се надеваат дека ќе бидат повикани назад и со тоа преку нивните меѓународни повикувачки броеви ќе може да профитираат.Случајот е веднаш идентификуван, пријавен и преземени се сите мерки за заштита на корисниците. Пропуштените повици во најголема мера се иницирани со повикувачки број од нумерациски опсег на еден сателитски оператор Global Star и од Литванија. Случајот ќе биде пријавен и во меѓународната асоцијација  GSMA до Fraud & Security форум.

Ако корисниците примат ваков повик треба да бидат сигурни дека не се специфично таргетирани туку дека измамниците таретираат случајно избрана низа, листа или ранг на мобилни или фиксни броеви.  Препорачуваме корисниците да не возвраќаат на ваквите меѓународни броеви кои не ги препознаваат. Возвраќањето на пропуштените wangiri повици резултира со наплата , а измамниците тежнеат да генерираат уште повеќе пропуштени повици се со цел корисниците што повеќе да возвраќаат. Ги повикуваме сите корисници кои имаат пропуштено меѓународни повици кои ги имаат горенаведениот опис да не информираат, велат од А1 Македонија.

Ова не е прв ваков напад во земјава. Сличен имаше и пред неколку месеци, кога беа регистрирани повици од телефонски броеви со префикси од Естонија, Литванија и Нигерија.

Упатените објаснуваат дека станува збор за меѓународна измама, позната како „Фишинг“ или „Вангири“, а потекнува од Јапонија.  Функционира на начин што - доколку одговорите на повикот веднаш ве поврзуваат со таканаречени „премиум“ броеви и ве задржуваат што е можно подолго на линија. А колку подолго ве задржат, толку повеќе ќе ве чини повикот – вашата сметка ќе достигне астрономска сума, а тие ќе имаат голема заработка.

Жртви на вакви измами во минативе години во светот беа повеќе земји.

Алијанса за Албанците: Апликациите за државјанство постари од пет години да добијат позитивен епилог

Проблемот со негирање на државјанството е проблем што долги години ги придружуваше Албанците во Македонија, а истиот тренд продолжува и денес.

Илјадници семејства кои законски ги исполнуваат сите услови за опремување со државјанство, сè уште не го стекнале ова право без никакво образложение од надлежните органи. Потсетуваме дека, токму ДУИ многу пати со своите досегашни партнери во владеење правеа измени во законот за државјанство со комплицирани процедури и честопати создавајќи екстремно тешки околности за лица без државјанство.

Во нашата земја државјанството се стекнува на два начина по потекло и природување, а во некои случаи и со раѓање на територијата на Македонија.

Со оглед на второто, многу деца во земјава чии родители се без државјанство, за жал завршуваат исто така без државјанство иако законски родените деца од лица без државјанство се сметаат за македонски граѓани и имаат право да се регистрираат и да добијат уверение.

Алијанса за Албанците ќе побара од надлежните органи сите апликации за државјанство кои се постари од 5 години да добијат позитивен епилог.

Во една нормална земја, проблемот со без-државјанство се третира како многу важен проблем, но, за земја како Македонија каде личните и партиските интереси ги надминуваат сите други интереси, ова прашање продолжува да се занемарува.

Алијанса за Албанците

притисни ентер