Македонските ракометари со убедлива победа над Велика Британија го почнаа ЕХФ шампионатот

Машката младинска репрезентација убедливо ги совлада ракометарите на Велика Британија со 32:15 и со победа го почна ЕХФ шампионатот за ракометари до 20 години што ќе се игра од денеска до 29 јули во Скопје.

Избраниците на селекторот Данило Брестовац ја потврдија фаворитската улога и по победата над британските ракометари ги освоија првите поени, по што следуваат натпреварите со останатите репрезентации од групата Б - Италија, Швајцарија и со Украина.

Претходно на првиот натпревар од оваа група Швајцарија со 28:25 ја совлада Украина.

Македонија вториот натпревар ќе игра против Италија на 23 јули.

На ЕХФ шампионатот во Скопје настапуваат 11 репрезентации поделени во две групи. Македонија е во групата Б заедно со репрезентациите на Велика Британија, Италија, Швајцарија и со Украина. Во групата А се репрезентациите на Белорусија, Фарски Острови, Финска, Грција, Естонија и Литванија.

Најдобропласираните две репрезентации од секоја група ќе вкрстат во полуфиналните средби што ќе се играат на 28 јули, додека останатите селекции ќе разигруваат за пониските места на турнирот.

Финалето, натпреварот за третото место и сите останати натпревари за пласман се играат на 29 јули.

Победникот на ЕХФ шампионатот обезбедува пласман на младинското Европското првенство наредната година. 

Вардар поразен од Веспрем

Македонскиот ракометен првак Вардар на првиот домашен меч во Лигата на шампионите во 2019 година против Веспрем загуби со 27-29 (16-11) и падна од второто место во групата „А“ во ракометната елита.

Прво име кај Веспрем беше Лекаи со седум гола, Наѓ даде шест, а Ненадиќ постигна четири гола, додека кај Вардар, Дисингер даде пет, а Скубе и Стоилов завршија со по четири гола. Во наредното коло од Лигата на шампионите, кое е закажано на 23 февруари, Вардар гостува кај Кристијанштад, додека Веспрем ќе му биде домаќин на Мешков Брест.

Фото: НБА Ол Стар викенд во Шарлот

Утрово во Шарлот започна популарниот викенд на сите ѕвезди во НБА лигата. 

Првиот меч на годинешниот Ол Стар во Шарлот го одиграа „Ѕвездите во подем“ најдобрите млади кошаркари во НБА поделени во тим на Светот и тим на Америка.

На овој дуел учествуваа само кошаркари кој се дебитанти  или кошаркари кој ја играат втората сезона во НБА-софмори.

Селекцијата на САД  во дуелот на ѕвездите во подем го победи тимот на Светот со 161-144.

На дуелот на најдобрите млади кошаркари видовме многу забивања и погодени тројки, а најатрактивни беа Кузма во тимот на САД и Симонс во екипата на Светот.

Токму младиот Кајл Кузма ја освои наградата за најкорисен кошаркар МВП, инаку најефикасни кошаркарина мечот ба Тејтум со 30 во тимот на САД и Симонс со 28 поени кај Светот.

На овој меч видовме и тројца кошаркари од Балканот, Чеди Осман, Богдан Богдановиќ и Луа Дончиќ.

Видео- фото: Охриѓанецот Чеди Осман во патики со македонско знаме на НБА Ол Старот во Шарлот

Репрезентативецот на Турција, момчето роденот во Охрид , Чеди Осман е вториот кошаркар роден во Македонија, по Перо Антиќ  кој бил дел од еден Ол Стар викенд во најсилното светско кошаркарско првенство НБА лигата.

Младиот Осман при своето премиерно преставување на престижниот ОЛ Стар не ги заборави матичната Турција и родната Македонија.Чеди Осман во мечот меѓу најдобрите млади кошаркари во НБА „Ѕвездите во подем“поделени во  две селекции, Свет против Америка се појави во специјално дизајнирани патики со македонско и турско знаме со што покажа дека никогаш не заборавил на своето потекло и земјата во која е роден.

Чеди имаше скормен учинок на мечот 2 поени, 3 скока и 4 асистенции но привлече огромно внимание во јавноста со своите интересни патики на кои беа исцртани знамињата на Македонија и Турција.

Со овој потег Чеди пред милиони гледачи од целиот свет ја афирмираше родната Македонија на најголемиот светски спортски настан за што заслужува длабок почит.

Инаку мечот меѓу Ѕвездите во подем –САД против Светот заврши со триумф на младите кошаркари од Америка со 161 – 144 .

притисни ентер