Градоначалникот на Ново Село приведен за шверц на цигари

Градоначалникот на струмичко Ново Село, Боро Стојчев, синоќа бил приведен во голема полициска акција под обвинение за шверц со цигари. 

Патот до целта со мотор го чистел 52 годишен маж од село Самоилово, а позади него се движеке два автомобила, кои подоцна биле запрени од полицијата. Првиот го возел градоначалникот Стојчев, а со него бил 49 годишен сопатник со иницијали Ј.С. Во возилото имало 29 кутии со по 50 штеки и една кутија со 49 штеки цигари.

Во второто возило, во кое биле уште две лица, од по 24 и 26 години биле пронајдени 35 штеки цигари и една кутија со 49 штеки  и една штека со девет кутии.

Полицијата соопшти дека при приведувањето дел од осомничените се дале во бегство поради што биле испукани два предупредувачки куршуми.

Петтемина осомничени се задржани во СВР Струмица, а полицијата им ги одзела и кутиите со цигари. Од МВР велат дека се работи на целосно расчистување на случајот.

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер