Во живо

последно ажурирање пред 7 месеци

Започна НАТО самитот во Брисел, Македонија ја очекува поканата за членство во НАТО

На самитот на НАТО попладнево во Брисел се очекува Македонија да ја добие долгоочекуваната покана за членство во НАТО. 

пред 7 месеци14:46

За националниот координатор за подготовка на Република Македонија за членство во НАТО. Стево Пендаровски денешниот настан е трет историски чин за Македонија после референдумот за независност и рамковниот договор. 

пред 7 месеци14:44

Го остваруваме сонот на генерации политичари за членство во евроатлантското семејство, рече вицепремиерот за европски прашања Бујар Османи непосредно пред почетокот на Самитот на НАТО. 

пред 7 месеци14:37

Неформални разговори на светските лидери пред почетокот на Самитот на НАТО.

Доналд Трамо беше во најголемиот метеж на собирот на лидерите. Тој се поздрави со сите , освен со Ердоган , но затоа неизбежен бешпе кусиот разговор со Чавушиглу .

Британската премиерка Тереза Меј остана најдолго во разговор со Американскиот претседател. 

пред 7 месеци14:09

  Светските лидери ги поздравија воените хеликоптери на НАТО. 

пред 7 месеци14:01

Пред новата зграда на НАТО интонирана химната на алијансата. 

пред 7 месеци13:37

Во Брисел од утрово е и претседателот на САД , Доналд Трамп.

пред 7 месеци13:36
пред 7 месеци13:32

Столтенберг ја пречека и германската канцеларка Ангела Меркел. Во Брисел пристигна и црногорскиот претседател Мило Ѓукановиќ. 

пред 7 месеци13:04

Во новата зграда на НАТО пристигна и грчката делегација предводена од премиерот Алексис Ципрас и министерот за одбрана, Панос Каменос.
 

пред 7 месеци12:59

Во седиштето на НАТО пристигна и претседателот на САД. Доналд Трамп.
 

пред 7 месеци12:28

И турскиот претседател Реџеп Таип Ердоган  на синиот тепих пред зградата на НАТО .

пред 7 месеци12:22

Во седиштето на НАТО ви Брисел пристигна и премиерката на Велика Британија Тереза Меј. 

пред 7 месеци12:13

пред 7 месеци11:54

Претседателите на држави или влади започнаа да пристигнуваат во новата зграда на НАТО.

пред 7 месеци11:32

Столтенберг: Нема активација на МАП за БиХ на Самитот во Брисел

Не треба да се очекува дека сојузниците на Самитот кој започнува денеска во Брисел ќе донесат одлука за активирање на МАп, изјави генералниот секретар на алијансата Јен Столтенберг пред новинарите пред главниот влез на новата зграда на НАТО.

пред 7 месеци11:09

Столтенберг очекува отворени и фер дискусии

Пред почетокот на Самитот на НАТО во Брисел Генералниот сектретар на алијансата Јенс Столтенберг рече дека ова е многу важен состанок за иднината на НАТО, особено поради безбедносните предизвици и потребата сите членки на НАТО да ги споделуваат обврските во поглед на одвојувањето средства за одбраната.

Столтенберг го нагласи примерот на Канада која одвоила 66 милијарди евра. Столтенберг изјави дека очекува дискусиите да бидат отворени и  фер  подвлекувајќи дека Нато е важен за Европа но исто толку и за САД и дека алијансата  ќе биде силна ако сите заедно вложуваат во одбраната и сите заедно учествуваат во градењето на безбедносните политики.

пред 7 месеци10:59

Трамп ја нападна Германија, Берлин поради гасот е заробеник на Русија

Претседателот на САД , Доналд Траммп во очи на почетокот на Самитот на НАТО во Брисел започна јавен напад кон Германија поради нејзината поддршка за Русија околу изградбата на гасоводот во Балтичкото море. Трамп тврди дека „Германија е заробеник на Русија“, воедно тој го критикуваше и германскиот неуспех за зголемените давачки за одбрана.

Американскиот претседател за време на заедничката прес конференција со генералниот секретар  на НАТО Столтенберг  изјави дека е „многу неприкладно  САД да плаќа за европската одбрана од Русија , додека Германија како најбогата европска земја да го поддржува договорот за гас со Москва“.

-А од нас очекуваат да ги штитиме од Русија,и порача Трамп на Германија за која тврди дека поради гасоводот „е под целосна контрола на Русија“.  

пред 7 месеци10:40

Според агендата  на самитот на НАТО попладне генералниот секретар на алијансата, Јенс Столтенберг ќе одржи прес конференција.  Најверојатно одлуката ќе биде донесена во  попладневните часови, а утре и формално  Столтенберг ќе му ја соопшти на премиерот Заев.

По поканата треба да започнат  мини преговорите со алијансата кои ќе траат до крајот на годинава, а напоредно со овој процес ќе се спроведуваат и обврските преземени со договорот од Преспа. По ова ќе следи ратификација на договорот од страна на земјите членки на алијансата.

Дипломатските извори од НАТО  за Ројтерс посочуваат  дека во формулацијата на поканата најверојатно нема да се спомене името на земјата, како што е вообичаено, туку наместо Македонија ќе стои  дека ќе биде поканета ” владата во Скопje”. 

пред 7 месеци10:22

 Oдлично е да ве видам повторно г-дин. Претседателе, и добро е што сте тука за Самитот.

 На Самитот ќе разговараме за бројни важни прашања, меѓу кои и за одбраната. И сите се согласуваме дека треба да сториме повеќе, јас се согласувам со вас дека мора да се осигураме дека нашите сојузници ќе инвестираат повеќе. Добрата вест е дека сојузниците почнаа да инвестираат повеќе во одбраната. По неколкугодишно намалување на буџетите за одбраната, тие почнаа да додаваат милијарди во одбранбените буџети. И минатата година беше најголемото зголемување на трошоците за одбрана во Европа и Канада во една генерација, изјави генералниот секретар на НАТо Јенс Столтенберг при пречекот на претседателот на САД Доналд Трамп. 

пред 7 месеци10:18

Средба Трамп – Столтенберг во Брисел

Генералниот секретар на НАТО Јенс Столтенберг пред  Самитот на НАТО во Брисел оствари кратка средба со претседателот на САД , Доналд  Тие разговараа за агендата на самитот, вклучително и подигање на подготвеноста, засилување на борбата против тероризмот и фер размена на товар.

пред 7 месеци09:15

Шефовите на држави или влади на земјите членки на НАТО  во Брисел ќе присуствуваат на дводневен самит. Во Брисел е присутна и македонска делегација на чело со премиерот Зоран Заев.

На дневниот ред на самитот ќе биде јакнењето на способноста за одбрана, борбата против тероризмот, проектирање на безбедноста и засилување на соработката со Европската унија.

пред 7 месеци09:07

Земјава е кандидатка за членство веќе 19 години, а зад себе има рекордни 17 акциски планови за членство. Вчера и првиот човек на алијансата Столтеберг порача дека очекува оти Македонија ќе ја добие поканата.

Во текот на денешниот ден, доцна попладне, премиерот Заев ќе има свое обраќање на настанот „НАТО ангажмани: Дијалози на Самитот во Брисел“, по што ќе замине на свечената вечера на шефови на држави и влади на земји членки, и на шефови на држави и влади на земји членки и партнери, што ја организира премиерот на Белгија Шарл Мишел.

Во текот на утрешниот ден, премиерот Заев и македонската владина делегација во новото седиште на НАТО, ќе го отпочне учеството на официјалниот дел од агендата на самитот.

Македонија

Македонија очекува покана за НАТО на Самитот на Алијансата

На самитот ќе присуствува владина делегација предводена од премиерот Зоран Заев, кој во Брисел ќе...

Прочитај повеќе

Македонија

Заев:Република Македонија има посебно место на Самитот во Лондон како земја лидер во регионот

Премиерот Зоран Заев во оценката за учеството на Самитот ЕУ- Западен Балкан истакна дека се работ...

Прочитај повеќе

Трамп пристигна во Брисел.

Американскиот претседател Доналд Трамп пристигна во Брисел на дводневниот самит на НАТО. Пред да стапне на европско тло, Трамп пред белата куќа во Вашингтон  рече дека  НАТО не постапува чесно кон САД, но изрази надеж дека нешто ќе се промени по однос на ова прашање.

„Ние плаќаме премногу, а тие премалку, но ќе го средиме тоа и сите земји ќе бидат среќни“, рече Трамп.

Одговарајќи на критиките на претседателот на Европскиот совет, Доналд Туск, дека Трамп ја критикува Европа на дневна основа, претседателот на САД рече дека ЕУ ги искористува САД.

Брисел е првата станица на Трамп во текот на престојот во Европа. Тој ќе ја посети Британија, а во Хелсинки ќе има средба со рускиот претседател Владимир Путин.

Генералниот секретар на НАТО Јенс Столтенберг очекува дека по договорот со Грција, Македонија ќе биде поканета да почне со преговори за членство во НАТО.

- Очекувам дека по историскиот договор постигнат минатиот месец за спорот со името, ќе го поканиме Скопје да почне со преговори за членство. Кога договорот ќе биде финализиран и имплементиран, ќе можеме да ја поканиме поранешната југословенска Република Македонија да стане 30. членка на НАТО под нејзиното ново име, Република Северна Македонија. Ова е сигнал дека портата на НАТО е и ќе остане отворена, изјави синоќа на прес-конференција Столтенберг.

Македонија

Столтенберг: По историскиот договор за името ќе го поканиме Скопје за 30-та членка на НАТО

 Тој очекува Македонија да и се придружи на алијансата, но под новото име. -Очекувам дека...

Прочитај повеќе

Патнички воз излета од пруга кај Лакавица, нема повредени

Патничкиот воз кој сообраќа на линијата Кичево-Скопје изутринава удрил во карпа која најверојатно паднала на шините во близина на селата Лакавица и Падалишта гостиварско.

Повредени нема, но има материјална штета и во прекин е сообраќајот на тој дел од пругата.

Во полициската станица Гостивар утрово, во 6,45 било пријавено дека патничкиот воз кој тргнал од кичево удрил во карпа на потегот помеѓу селата Лакавица и Падалишта. Од ударот композицијата излетала од шините.

По пријавувањето на местото на настанот е упатена екипа за увид, кој треба да започне наскоро.

Согласно со стандардната процедура, со помошен воз треба да се врати гарнитурата на шините по што ќе се утврди оштетувањето на пругата.

Рот: Никој нема да има корист, ако одново се отвори прашањето за името

На никој не му оди во корист одново отворање на веќе решен спор, нешто што би имало последици на односите со европските партнери, но и во социјалниот и економскиот развој.

На никој не му оди во корист одново отворање на веќе решен спор, нешто што би имало последици на односите со европските партнери, но и во социјалниот и економскиот развој, вели државниот министер за Европа на Министерство за надворешни работи на Германија, Михаел Рот во интервју за грчкиот весник „Етнос", одговарајќи на прашањето доколку некоја друга влада дојде на власт и во двете земји, дали стравува од можно враќање назад во однос решението на спрот за името меѓу Атина и Скопје, јави дописничката на МИА од Атина.

-Не гледам причина зошто идните влади одново би разгледале еден спор што е решен. Такво нешто сериозно би им наштетило на односите со европските партнери, со соодветни последици за социјалниот и општествениот развој. Ова сценарио не е во ничија корист. Само можам да испратам апел до сите партии да одговорат на околностите. Инаку, важи стариот добар фундаментален принцип на правото „pacta sunt servanda", вели Рот.

Во однос на Договорот од Преспа, германскиот министер истакнува дека спорот за името долго време бил предмет на внатрешно политичко искористување на товар на граѓаните од двете земји.

-Договорот од Преспа, конечно ја поставува основата за мир, стабилност и просперитет, а со тоа и за меѓусебно почитување и пријателство, како што би требало да се подразбира, за две соседни земји во Европа. Сега, важно е трпеливо да се објаснат фактите на договорот и да се поддржи неговата содржина. Сигурен сум дека тогаш многу сомнежи ќе се тргнат, објаснува Рот во интервјуто за „Етнос", пренесе МИА.

Германскиот министер изразува оптимизам дека и оваа година извештајот за напредокот на Северна Македонија од Европската комисија ќе донесе позитивна препорака, со оглед на тоа дека до сега, големата пречка беше прашањето за името.

-Европската перспектива за земјите од Западен Балкан мора да остане убедлива и изводлива. ЕУ и нејзините земји-членки мора да останат кредибилни за ова прашање, истакнува државниот министер за Европа на Министерство за надворешни работи на Германија и додава дека токму европската перспектива на земјите од регионот би била придонела за стабилизација на цела Европа и за една подобра иднина.

За германско – руските односи, вели дека Германија, ЕУ, но и балканските земји се стремат кон конструктивни односи со Русија, а во тие рамки е и трговијата. Додава дека особено во областа на енергијата, динамиката е голема, но тоа во никој случај не го исклучува критичкиот дијалог со Русија.

-Напротив, добри економски односи се основа за политички дијалог, истакнува Михаел Рот. /МИА

Сенатор на САД: Ќе направите злосторство против човештвото

Американскиот сенатор Марко Рубио ги предупреди венецуеланските војници дека ќе направат “злосторство против човештвото“ доколку ја спречат доставата на американската хуманитарна помош.

Американската војска достави повеќе тони хуманитарна помош во колумбискиот град Кукута на границата со Венецуела, која би требало да ја дистрибуираат приврзаниците на опозицискиот лидер Хуан Гуаидо, кого САД го признаа за привремен претседател.

Рубио, републиканскиот сенатор за Флорида, беше вчера во Кукута, каде изјави дека војниците кои ја спречуваат доставата за помош ќе го поминат “остатокот од животот криејќи се од правдата“, пренесува „АП“.

Претходните испораки со помош доставени се преку комерцијални летови.

Вчерашната испорака опфаќа 180 тони помош во храна, средства за хигиена и друга роба наменета за повеќе од 25.000 луѓе.

Актуелниот претседател на Венецуела, Николас Мадура ја одбива американската помош и војската го спречува нејзиното доставување во Венецуела.

притисни ентер