Меѓународна научна манифестација „Македонистички денови во МАНУ“

Меѓународна научна манифестација „Македонистички денови во МАНУ“ се одржува денеска и утре во Скопје.

Во организација на Истражувачкиот центар за ареална лингвистика (ИЦАЛ) и Македонската академија на науките и уметностите. Учествуваат проминентни македонисти и слависти од многу земји во светот.

- Овој тип настани се извонредно значајни бидејќи придонесуваат за научна обработка на македонскиот јазик, за негово систематско проучување и негова меѓународна афирмација. Во програмата на МАНУ посебно место е обезбедено на научната обработка на македонскиот јазик. Значајно внимание ќе се посвети на придонесот на нашиот познат лингвист, македонист, славист, академик Божо Видоески, рече претседателот на МАНУ, Таки Фити.

Отец Јован Таковски, професор во пензија на Богословскиот факултет - Скопје рече дека на неговите студенти им нагласува дека тие мора да се обидуваат како идни свештенослужители, наставници, професори во практиката да се служат со литературниот македонски јазик.

- Македонскиот современ јазик води потекло од старо македонскиот, старословенскиот јазик. Нашиот современ јазик е наследник на јазикот на светите браќа Кирил и Методиј кои првите службени книги ги пишувале, ги преведувале на јазикот на Македонците од околината на Солун. Со текот на времето јазикот еволуирал. Тогаш јазикот имал падежи кои го голем дел исчезнале, но сепак се задржале падежни форми особено од личните заменки. Се потфрла во употребата на предметните форми на личната заменка особено за женски род. Таму каде треба да се употребува акузатив, се употребува датив - наместо „ја видов неа“, се употребува „ја видов нејзе“..., рече Таковски.

Во рамки на манифестацијата беше презентиран и новиот интернет портал Дигитални ресурси на македонскиот јазик, кој содржи над 50 дигитализирани стари книги, граматики на македонскиот јазик, монографии, споредбени студии, база на ресурси за македонски електронски корпус, како и повеќе од 4.000 страници дигитализиран дијалектен материјал од целата јазична територија на Македонија.

Манифестацијата продолжува и утре кога ќе се одржи меѓународната научна конференција „Динамиката на македонскиот јазик“, посветена на анализата на динамичниот карактер на македонскиот јазик и неговата специфична структура. Професорот Мотоки Номачи од Универзитетот во Хокаидо, Јапонија првпат ќе го претстави ракописот на необјавената „Граматика на македонскиот јазик“ од акад. Самуил Б. Бернштејн, која е напишана во 1947 година и повеќе од 70 години се сметаше за загубена. 

Романската премиерка ја претстави програмата за претседавање со ЕУ

Романската премиерка Виорика Данчила денеска во Европскиот парламент ги претстави приоритетите на Романија во претседавањето со ЕУ.

На излагањето на премиерката Данчила возвратија европарламентарците со критики кон Романија , особено во делот на правосудството.

Букурешт го презема водството со Унијата во многу важен период , кога се случува Брегзит , се носи нов буџет, избори во Европскиот Парламент , како и самит во романскиот град Сибио , каде сите земји членки на ЕУ ќе треба да ги дефинираат идните насоки на Унијата.

,,Првата етапа ќе биде интензивна и затоа сметам на вашата помош за да се усвојат што повеќе мерки и да се одговори на рпедизвиците.” , рече Данчила во обраќањето.

„Само Вистина“ - интервју со Стојан Андов

Вечерва гостин во „Само вистина“ беше Стојан Андов.

Во прва фаза Претседателот може да го врати законот, во втора е должен да каже што да се промени и со просто мнозинство да се усвои промената а потоа и да го потпише. Законодавната власт е над Претседателот. Противуставен потег прави Иванов, а не Џафери.

Ако не се обезбеди цензусот. Може изборот за Претседател на државата да сепренесе во Собранието.

Во книгата „На мој начин“ има докази кои што упатуваат на моите тврдења, за независноста, Лисабонскиот договр, за смртните закани по животот на Глигоров, за грчкото ембарго...

Повеќе детали погледнете во најновото издание на „Само вистина"

Курц : Жал ми е,ама ќе нема нови преговори за Брегзит

Австрискиот канцелар Себастијан Курц, веднаш по неизгласувањето на договорот за Брегзит во британскиот Парламент се огласи на Твитер.

Канцеларот Себастијан Курц на Твитер порача дека ќе нема нови преговори на Европската Унија со Британија за постигнување нов договор.

,,Жал ми е поради исходот на гласањето за Брегзит во британскиот долен дом на Парламентот. Во секој случај , ќе нема нови преговори за нов договор за повлекување.” , напиша Курц на Твитер.

притисни ентер