Дибирова: Мора против сите да се игра максимално ангажирано

Ракометарките на Вардар иако во првото полувреме не се покажаа во вистинско светло, сепак до крајот на натпреварот против Ларвик докажаа дека се сериозен ривал кој цели кон освојување на титулата.
Бледата игра во првиот дел не смее да се повтори, и во наредните дуели против секој противник мора да се игра максимално ангажирано смета предводничката на вардарки Ирина Дибирова

„Ларвик има одлични ракометарки, млади но имаат добар шут од дистанца и добар контранапад. Моите ракометарки, по победата во гости со 10 гола разлика, на натпреварот почнаа малку опуштени, очекуваа дека ќе можат да одиграат со половина сила. Но, се покажа дека не може така, дека мораме да одиграме многу добро. На сите средби мора да бидеме максимално ангажирани бидејќи мора да се игра максимално против секој ривал. Ќе мора тоа да го покажеме на следната средба против ФТЦ во Унгарија“, изјави по натпреварот Дибирова.

Една од најзаслужните за оваа победа беше голманката Амандин Лејно, која средбата ја заврши со 20 одбрани, се согласи со дека овој меч бил далеку потежок од првиот на гостински терен.

„Ларвик одигра одличен натпревар. Ова беше многу тежок натпревар Играа многу добра одбрана, многу мудро. Но, и моите соиграчи одиграа квалитетно и го добивме натпреварот“, нагласи Лејно.


Во следното коло против ФТЦ Будимпешта на гостински терен ЖРК Вардар влегува со максимален учинок, четири победи на четири одиграни натпревари. /МИА

Бабунски: Со верба во себе можеме да бидеме успешни со Пјуник

Тренерот на Вардар, Бобан Бабунски ги искажа своите први импресии после вчерашната ждрепка во УЕФА која го додели Пјуник за противник на „црвено-црните“ во првото квалификациско коло од Лигата на Европа.

- Нема слаби противници, знаејќи го квалитетот на ерменските интернационалци Хамбарџумјан и на Барсегјан кои беа и се главни играчи во Вардар, нашиот противник сигурно ќе го има нашиот респект. Треба да ја гледаме нашата игра и идеја која ја спроведуваме на овие подготовки, и потоа да ја играме на двата натпревари. Од играчите ќе барам да бидат максимално подготвени, и да веруваат во своите квалитети како би ја минале првата пречка во Европа, вели Бабунски во изјавата за клупскиот сајт на „црвено-црните“.

Вардар на првиот дуел ќе гостува во Ерменија на 12 јули во Ереван, седум дена подоцна е реваншот во Скопје.

Емре Џан на медицински тестови во Торино пред потпишување на договор со Јувентус

Италијанскиот фудбалски шампион Јувентус објави на Твитер дека играчот од средниот ред Емре Џан допатувал во Торино.

Се очекува за многу скоро време 24-годишниот германски фудбалер да потпише договор со „Старата дама“.

Последниот клуб на Џан беше Ливерпул. Тој за „црвените“ играше во периодот 2014-2018 година. Од почетокот на овој месец го напушти „Енфилд“ како слободен агент. 

Здружението на кошаркари дава поддршка на предлогот за намалувањето на бројот на странски играчи

Здружение на кошаркарски играчи изразува целосна поддршка на финалниот предлог на Македонската кошаркарска федерација во однос на намалувањето на бројот на странски играчи.

МКФ предложи намалување на странците од шест на четири со задолжителен настап на тројца Македонци во игра за следната сезона во Македонската кошаркарска прва лига.

- Сметаме дека раководството на Федерацијата презема еден важен чекор за подобрување на статусот на домашните кошаркари, како и на македонската кошарката во целост. Сакаме да го поздравиме ваквиот потег, но и да потсетиме дека остануваат и други чекори кои според нас се неопходни за подигнување на квалитетот на сениорските лиги и подобрување на условите за тренинг и натпревари. Ваквите промени, се надеваме дека ќе ги поттикне Прволигашите да почнат посериозно да инвестираат во младите играчи, и ќе превземаат низа мерки како би го олесниле процесот на нивно усовршување и спортски напредок, се вели во соопштението на Здружението на македонски кошаркари. 

притисни ентер