Филипче потпиша договори со граѓански организации за активности за превенција од ХИВ

Петнаесет граѓански организации кои аплицираа на јавниот повик на Министерството за здравство ќе добијат 47 милиони денари за активности утврдени во Програмата за заштита на населението од ХИВ инфекција за годинава.
Тие денеска со министерот за здравство Венко Филипче потпишаа договори со кои ќе им бидат обезбедени средствата.

- Република Македонија e првата земја во регионот која целосно го презема финансирањето на превентивните програми за ХИВ и туберкулоза од Глобалниот фонд, кој го препозна ова лидерство. Имаме чест годинава на 9 и 10 мај бордот на Глобалниот фонд да се одржи во нашата земја. Владата стави приоритет и обезбеди средства од националниот буџет за да продолжи со програмите за превенција, дијагноза и за лекување на пациентите со ХИВ и туберкулоза, истакна Филипче на прес-конференција.

Министерството за здравство, посочи, ги препозна граѓанските организации како клучен фактор за соработка и натамошно имплементирање на овие програми со оглед на нивното огромно досегашно искуство, како и контактот со целните групи.

- Објавивме два повика на кои се јавија 15 граѓански организации и денеска ги потпишуваме договорите за национално кофинансирање. Македонија има исклучително ниска стапка на инфекција со ХИВ дури и во најризичните групи. Се надевам дека и натаму заедно со граѓанските организации ќе работиме на националниот одговор против оваа болест, додаде Филипче.

Претседателот на Национална комисија за ХИВ/СИДА при Министерството за здравство, д-р Милена Стевановиќ од Клиниката за инфективни болести рече дека во превентивната програма за превенција на ХИВ активно ќе бидат вклучени здравствените институции кои ќе имаат одговорност за да се одржи ниската преваленца на ХИВ. Товарот, потенцира, ќе падне на Институтот за јавно здравје, центрите за третман на зависности, Клиниката за инфективни болести и центрите за јавно здравје.

- Работата на овие институции ќе биде мониторирана и евалуирана од Национална комисија за ХИВ/СИДА при Министерството која ќе има за задача да обезбеди и мултидисциплинарен пристап со институциите. ХИВ инфекцијата е мултидисциплинарен проблем и ќе имаме потреба од учество и на други институции во реализацијата на оваа програма, додаде Стевановиќ.

Христијан Јанкуловски од ХОПС - опции за здрав живот, една од организациите која е членка на ХИВ платформата, рече дека за програмите за ХИВ за годинава се обезбедени 95 милиони денари од кои 47 милиони денари се за превентивните програми кои ќе ги имплементираат 15 здруженија, околу 43 милиони денари се за третманот за ХИВ, а остатокот од пет милиони денари се за Институтот за јавно здравје, центрите за јавно здравје кои се поврзани со мониторинг, евалуација на овие програми.


Кацарска: Во оваа фаза од процесот Нинџа не може да прави спогодби со судот

Судијката Добрила Кацарска, која е судечки судија во случајот за настаните од 27 април во Собранието вечерва не сакаше да го коментира приведувањето на дел од лицата кои се сомничат дека се организатори на крвавиот четврток.

– Не би можела ништо да коментирам бидејќи тоа е предмет кој го работи Обвинителството, изјави вечерва Кацарска.

Одговарајќи на новинарски прашања, Кацарска рече дека Александар Василевски-Нинџа во оваа фаза од процесот не може да прави спогодби со судот.

– Со судот не може да се спогодува. Се знае кога може обвинетиот да прави спогодба пред суд. Со мене во никој слуај, на крај на завршни зборови сме. Не станува збор да прави било каква спогодба. Дали со обвинителството има било каков договор, не би можела да коментирам, истакна Кацарска. 

Јункер со фластер: Сам се исеков , нема врска со Меј (ВИДЕО)

Претседателот на Европската Комисија , Жан Клод Јункер се појави со фластер на лицето на прес конференцијата по средбата со британската премиерка Тереза Меј.

Претседателот на Европската Комисија по средната со британската премиерка Тереза Меј мораше да им објасни на новинарите дека фластерот на лицето не му е повреда од средбата со неа , туку дека се исекол утрово додека се бричел.

Тој во негов стил рече дека не смее да се протолкува дека фластерот го носи поради повреда што му ја направила Меј.

Денеска британската премиерка се обидуваше да најде решение од ќорсокакот во кој се најде откако Парламентот одби да го прифати нејзиниот план за излез од Европката Унија , а рокот за Брегзит со усвоен договор е 31 март.

„Само Вистина“ со Петар Богојески и Сафет Бишевац

Во вечерашната „Само Вистина“ дебатираа Петар Богојески и Сафет Бишевац

Сафет Бишевац: „Гром од ведро небо, но Трајко не е било каква фигура во ВМРО-ДПМНЕ, тој одигра клучна улога во 2012 година и тогашниот државен удар.“

Петар Богојески: „Верувам во правната држава, треба да се искористат сите правни механизми да го расветли случајот 27-ми Април.“

Петар Богојески: „СДСМ влезе во процес со ДУИ за т.н. „консензуален кандидат“, но прво треба да објаснат на јавноста што е тоа консензуален кандидат. Сиљановска е шанса за Мицкоски да покаже што знае.“

Сафет Бишевац: „Заев мора да понуди многу повеќе од вербални ветувања, факт е дека од реформите има само „Р“. “

Петар Богојески: „На овие претседателски избори мора да се понуди квалитетна дебата, без навреди и лични квалификации, со промоција на вредности и програмски определби.“

Сафет Бишевац: „Не сакам да верувам дека овие избори може да го променат начинот на избор на претседател, наместо на избори да биде во Собранието, но затоа ни треба човек кој ќе ги претставува сите граѓани и ќе говори од името на сите.“

Повеќе детали погледнете во најновото издание на „Само вистина"

притисни ентер