Ердоган со закана до Американците: Не ја искусиле силата на Отоманците

Одлуката САД да продолжи да ги финансира силите на курдските единици YPG во Сирија ќе има влијание врз турската одлука, порача претседателот Таип Ердоган во пресрет на посетата на американскиот државен секретар Рекс Тилерсон оваа недела.
Американските претставници изјавија дека Тилерсон го очекуваат проблематични разговори во текот на посетата на Турција во четврток и петок со оглед на тоа дека интересите на двете земји членки на НАТО, драстично се разликуваат во Сирија.

Турција е револтирана од американската помош за YPG кој Анкара ги смета за терористичка организација и продолжена рака на Работничката партија на Курдистан (PKK). Вашингтон ги поддржува сириските Курди во борбата против Исламска држава во Сирија.

„Одлуката на нашиот сојузник да им даде финансиска помош на сириските Курди сигурно ќе има влијание врз нашата одлука“ – изјави Ердоган во говорот пред членовите на владејачката партија АК во парламентот.

Турција минатиот месец започна акција во Сирија за да ги отстрани единиците на сириските Курди од својата јужна граница. Се закани и дека ќе ја продолжи операцијата и кон сирискиот град Манбиџ кој е под контрола на курдските единици YPG и предупреди дека американските сили не треба да ги попречуваат.

Вашингтон објави дека нема намера да се повлече од Манбиџ.

„Јасно е дека тие кои изјавуваат дека агресивно ќе одговорат доколку ги нападнеме никогаш не ја искусиле силата на Отоманците“ – изјави Ердоган.

Деветмина штитеници загинаа во пожар во поправен дом (ВИДЕО)

Најмалку девет лица , меѓу кои и деца загинаа во пожар во привремениот поправен дом за малолетници во бразилскиот град Џојана.

Во пожарот има и десетина повредени . Пожарникарите ги поребаруваат просториите во потрага по повредени или загинати . Од центарот за малолетници нема потврда дали е тоа конечниот број и која е причината за избувнувањето на пожарот утрово околу 9 часот по локално време.

Не е познато ниту колку штитеници имало во центарот , кој се користи за времено сместување на малолетници додека е во тек судската постапка за нив или нивните блиски.

Словенија се врти кон десно – Јанша фаворит на изборите

Поранешниот премиер на Словенија е најголем фаворит на изборите што ќе се одржат на 3 јуни.

Според последните три анкети на десетина дена пред изборите , Словенската демократска партија е фаворит , а според некои дури и убедливо. Јанша за директен противник го има Лука Месец , роден 1987 година , кој е лидер на Левицата. Јанез Јанша , кој во времето кога Месец се родил , бил војник во ЈНА со него се пресметува на твитер. Тој го исмеа доаѓањето на ТВ дуел на Месец со Мерцедес споредувајќи го со ,,неговиот идол Тито , кој имаше 72 Мерцедеси”. Ваквата директна реторика очигледно е добро примена кај Словенците , кои не му замеруваат на Јанша ниту вртењето кон Унгарскиот модел на Виктор Орбан, пишуваат словенечките медиуми.

Тој деновиве му беше гостин на два предизборни митинзи. Второ и трето место на анкетата ги заземаат Социјалдемократите на Дејан Жидан , како и Листа на Марјан Шарц, новооснована партија , која што кон крајот на минатата година дури водеше на анкетите.

Позитивна Словенија на Зоран Јанковиќ потпиша договор за заеднички настап на изборите со Партијата на пензионерите, Десус на Карл Ерјавец , со кого ќе треба да го спречат повторното доаѓање на Јанша на власт.

Експлодираше камион полн со парфеми на автопатот Загреб- Белград (ВИДЕО)

Силна експлозија одекна на автопатот Загреб- Белград во близина на Пеќинци.

Камион со приколка полн со парфеми целосно изгоре во експлозијата на автопатот во правец кон Белград. За среќа возачот на време избегал и е неповрерден. Сообраќајот неколку часа беше во прекин и се формираа километарки колони возила.

Според очевидците , по првата силна експлозија имало и неколку послаби. Не е позната причината за запалувањето на камионот , кој целосно изгоре.

притисни ентер