Живот

Како финскиот модел на образование го посрамоти дури и тој во САД?

Една од најдобрите земји во светот кога станува збор за образованието е секако Финска, а се чини дека дури и САД би можеле да научат нешто од нив.

Зошто нивниот систем на образование е најквалитетен прочитајте во продолжение на текстот.

1. Не натпревар, туку соработка

Финска на време сфати дека натпреварите меѓу училиштата и децата, влијаат лошо врз учениците. Соработката го чини спротивното и наместо анимозитет, настануваат пријателства. Тоа е една од причините зошто во Финска не постојат приватни училишта. Секоја академска институција во земјата се финансира од јавниот фонд, а учителите се тренираат поединечно, а што е најважно родителите веруваат во државната институција.

2. Учителството е една од најценетите работи

Во Финска вработените во просветата не се малку платени како во САД. Всушност, нивната работа многу повеќе се почитува со оглед на тоа дека Финците сметаат дека квалитетното детство е најважниот темел за понатамошниот живот. За да станат учители или наставници, кандидатите мораат да имаат завршено мастер студии и да положат одредени државни, и што е најважно, персонализирани тестови.

3. Финска ги слуша истражувањата

Во САД, резултатите од студиите кои покажуваат што најмногу им оди во корист на учениците, а што не – најчесто завршуваат во нечија фиока. Во Финската таквите истражувања прво ги сослушува Министерството за образование и култура и веднаш реагира, па со време гледа дали промената се исплатела. Нормално, досега биле секогаш во право.

4. Финците не се плашат да експериментираат

Добрата работа во слушањето на истражувањата е во тоа што не се воздржувате да покажете заби. Во Финска учителите се охрабруваат да направат свои мини-лаборатории во кои можат да истражуваат заедно со своите ученици, на кои таквиот начин на учење им е далеку поинтересен од теоријата.

5. Времето за игра е светост

За разлика од САД каде времето за играње се повеќе се скратува, финскиот закон наложува дека детето после 45 минути час мора да има обврзувачки 15 минути одмор. Подоцна студиите покажале дека децата кои имаат 15 минути одмор после секој час, имале далеку подобри резултати во училиштата од децата кои ја немаат оваа привилегија.

6. Што е тоа домашна задача?

Благодарејќи на заемната доверба меѓу училиштата, учителите и родителите, децата добиваат многу малку задачи кои треба да ги направат дома. Родителите и училиштата претпоставуваат дека учителите целосно ја завршиле со предавање лекцијата и заеднички сметаат дека додатното ангажирање е непотребно. Времето дома е наменето за семејството каде единствените лекции кои треба да се учат се оние животните.

7. Предучилишно образование

Скоро 97 отсто од децата до седум години имаат предучилишно образование. Децата веќе се подготвуваат за училиште и завршување на задачите. Во Америка пак, од родителите се очекува да платата за раното образование, со што поставуваат нееднаквости поради кои детето би можело да има проблеми подоцна.

8. Факултетот е бесплатен

За разлика од американските студенти издвојуваат илјадници долари за колец, Финците не плаќаат ништо. За диплома за основни студии, мастер и докторски студии, образованието е финансирано од даночниот фонд на граѓаните и Владата.














Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер