Во Македонија 147 илјади луѓе боледуваат од ХОББ

Во Република Македонија 147.000 луѓе боледуваат од хронична опструктивна белодробна болест (ХОББ).
Под мотото „Многуте лица на ХОББ“, утре ќе се одбележи Светскиот ден на ХОББ, а целта е подигнување на свеста, информирање на јавноста за манифестациите, можните последици и превентивните и тераписките можности, со што би овозможиле навремено дијагностицирање и подобрување на грижата за пациентите.

Податоците за амбулантски и хоспитално лекувани болни од ХОББ на Клиниката за пулмологија и алергологија покажуваат тренд на зголемување во последните четири години (2014 година - 3.195 амбулантски и 523 хоспитално лекувани, 2015 - 3.737 амбулантски и 586 хоспитално, 2016 - 4.320 амбулантски и 610 хоспитализации, 2017 - 3.587 амбулантски (20 отсто од сите прегледи) и 654 хоспитализации (што претставува 42 отсто од сите хоспитализирани пациенти).

Во рамки на Клиниката ќе се организира работилница за пациентите со ХОББ, на која ќе им бидат поделени брошури со информации и совети за подобра контрола на болеста, како и едукација за правилно користење на инхалаторната терапија, со цел да се намали честотата на влошувања на болеста, а со тоа да се продолжи и подобри квалитетот на живот на пациентите.

Светскиот ден на ХОББ се организира секоја година од страна на глобалната иницијатива ГОЛД, во соработка со здравствените работници и пациентите со ХОББ во повеке од 50 земји. Клиниката за пулмологија и алергологија секоја година учествува во ова глобално случување, со организација на различни настани од едукативни предавања за пошироката јавност, работилници за пациентите и стручни дискусии.

ХОББ претставува прогресивна но истовремено и превентивна и третирачка болест на белите дробови, која доведува до отежнато дишење, наклонетост кон влошување на респираторните симптоми и низа пропратни сериозни болести. ХОББ е една од најчестите заболувања во светот. Претставува главен растечки здравствен проблем и постепено се искачува на трето место како причина за смрт кај возрасната популација.

Пушењето претставува главна причина за ХОББ. Други ризик фактори се аерозагадувањето, професионалната изложеност на штетни гасови, прашина, хемикалии, генетски фактори, неконтролирана астма итн. Најчестите симптоми на кои се жалат пациентите се отежнато дишење, гушење, недостаток на воздух, кашлица со искашлување на секрет, придружени со слабост, губење на апетит и телесна тежина.

Во Македонија 640 илјади лица се пушачи, односно 37 отсто од населението. Многу случаи на ХОББ можат да се спречат со избегнување на пушење или рано прекинување со оваа навика. Постојат повеке програми со цел контрола на пушењето. ХОББ е заболување кое не може да се излекува, но со современиот третман можат да се олеснат симптомите, да се подобри квалитетот на живот и да се намали ризикот од смрт. Третманот опфаќа прекин со пушење, медикаментозен третман, физичка активност и кислородна терапија.

Според податоците на СЗО, 328 милиони луѓе боледуваат од ХОББ, што претставува 5-10 отсто од светската популација, и тоа 168 милиони мажи и 160 милиони жени. Според последните истражувања на студиите, околу три милиони луѓе годишно умираат од ХОББ. Најголем процент од нив (повеќе од 90 отсто) се случуваат во слабо и средно развиентите земји.  /МИА

Балканот е подготвен за музичките награди „МАЦ“

Љубителите на музиката од целиот регион наскоро ќе имаат можност да гласаат за своите омилени нумери и изведувачи.

И со тоа да ги зголемат шансите на своите идоли да се запишат во историјата како први добитници на регионалните музички признанија MAC (Music Awards Ceremony).

Признанијата на најдобрите изведувачи од Македонија, Србија, Хрватска, Босна и Херцеговина и Црна Гора ќе бидат доделени на 29 јануари 2019 година, на спектакуларната манифестација во Штарк арената, на која ќе учествуваат повеќе од 60 познати личности од регионот.

Најголемите музички ѕвезди од нашите простори веќе ги следат MAC, а Горан Бреговиќ со фотографија ги повика љубителите на добрата музика и одличната забава да го проследат настанот. Воодушевувањето од идејата за прво доделување на музички награди стигнува од уште една голема регионална музичка ѕвезда – Тони Цетински:

„Долго регионот чекаше на настан каков што е MAC. Музиката ги спојува луѓето, и сигурен сум дека овој пат ќе нè спои на најдобар можен начин. Се гледаме на 29 јануари!“

Првиот, иницијален избор на нумери и изведувачи за MAC признанијата ќе го направат 220 радиостаници од Македонија, Србија, Хрватска, Босна и Херцеговина и Црна Гора, раководејќи се од свои релевантни параметри на слушаност и популарност на нумерите и изведувачите. На тој начин веќе ќе се уважат мислењата на слушателите, но публиката ќе има и дополнителна можност да гласа за своите фаворити, што, исто така, ќе се земе предвид во конечните одлуки за победниците на категориите.

Видео: Убаво претпразнично изненадување на момците од „Дрим тим“

„Сладок си мој животе“ е насловот на најновото музичко парче на момците од Дрим тим.

Станува збор за проект зад кој стојат Коки Коцев како автор на музиката, Орце Зафировски, чиј е текстот, и Ангел Ќосев кој го потпишува аранжманот. Песната, која добро ќе ве размрда во овој претпразничен период е снимена во студиото Подрумот, додека видеото е направено за време на американската турнеја на Дрим тим.

„Велат спонтаните работи се најубави, така излезе и со спотот за оваа тема. Идејата се роди случајно, сакавме убавото патување во САД, а за време на кое имавме можност да се видиме и дружиме со наши драги луѓе да го овековечиме со спот, и така и се случи. Песната е убава, позитивна, па сакавме и целата атмосфера во спотот да биде таква“, велат момците од Дрим тим.

И тука не завршуваат новитетите од нив - наскоро ќе следува и продолжението од проектот Етно Балкан, односно вториот дел, кој повторно се работи во режија на маестро Велков и Дрим тим. Во завршна фаза се и инструменталните дела на Никола Коцев – труба, кој за следната 2019 година најавува албум; Александар Ангелов – кларинет, како и Сашко Велков, кој подготвува нова композиција што би требало да биде промовирана во исто време со спот. Нов материјал, односно нови песни од веќе проверената екипа - С. Велков, Н. Коцев и А.Ќосев, се подготвува и за вокалот Дејан – Чуле.

До премиера и промоцијата на најавените проекти и сето она на кое момците веќе извесно време работат со полна пареа ќе следуваат гостувањата низ Европа, односно дочекот на Новата 2019 година во Германија, и репризата односно одбележувањето на Василица во Швајцарија каде Дрим тим се на 12 и 13 јануари.

Јаготка на шлагот во следната 2019 година или заокружување на една приказна ќе биде јубилејниот концерт на составот, кој е замислен како убаво патување низ кариерата и една голема дружба со колегите со кои соработувале. Се вели ’денот по утрото се познава’, па ако имаме вака набиена агенда за стартот на 2019 што ли се ќе се случи до крајот на годината.

Научниците предупредуваат, Земјата до 2030 год. ќе се врати во состојбата од пред 3 милиони години

Научниците предупредуваат дека климата на Земјата во 2030 година ќе биде како пред три милиони години, пишуваат истражувачите во студија објавена во магазинот на „Американската научна академија“.

Тоа е периодот на средината на Пилоцен, кога на Земјата владеела суша, Северна и Јужна Америка се уште не биле споени, Гренланд не бил замрзнат, а нивото на океаните било 18 метри повисоко од денешното.

Просечната температура тогаш вила од 1,8 до 3,6 степени Целзусови повисока од денешниот просек.

-Одиме кон многу драматични промени во исклучително кратко време, изјавил Џек Вилијамс, професор на наука за Земјата и стручњак за палео-екологија и климатологија на Универзитетот во Висконсин.

Ако се продолжи со испуштањето на јагледордиоксидот во атмосферата како досега, истражувачите проценуваат дека до 2150 година Земјата ќе се врати во состојба во која била пред 50 милиони години, во зората на еволуцијата на првите цицачи, кога веќе одамна биле изумрени диносаурусите(пред 65 милиони години).

На замрзнатите капи на половите на Земјата им треба уште долго да се стопат, така да Гренланд нема повторно да стане зелен веќе во следниот век, изјавил професорот Вилијамс.

За тоа време нито нивото на океаните нема да порасне за сите 18 метри. Но, загревањето ќе ги изненади живите суштества на кои им биле потребни милиони години да се развијат во сегашната форма.

-Поради тоа многу животно ќе исчезнат, дополнил професорот Вилијамс во изјава за АФП.

притисни ентер