Пуџдемон: ЕУ е само една карикатура

Сменетиот каталонски лидер Карлес Пуџдемон изјави дека Европска унија е „карикатура на тоа што Европа е и тоа што сака да биде“. Пуџдемон ја критикува ЕУ поради нејзиниот одговор на кризата во Каталонија, поради поддршката од Брисел за Мадрид.
Лидерите на многу европски државии, како и главните институции на Унијата застанаа на страната на шпанскиот премиер Маријано Рахој, истакнувајќи дека кризата е внатрешна работа на Шпанија. За Пуџдемон тоа е предавство на „основните вредности кои довеле до создавање на ЕУ“.

– Што ќе стане ЕУ во рацете на овие лица, посочи Пуџдемон, нагласувајќи дека не сака раководството на ЕУ да ги помеша традиционалните европски вредностии со „нивните политички и економски интереси“. Претседателот на Европска комисија Жан Клод Јункер претходно ги повика земјите членки на ЕУ да се борат против сепаратистичките тенденции во Европа.

– Национализмите се отров кој ја спречува Европа да работи заедно. Не можеме да седиме со скрстени раце, додека не дојде време да се направи тоа што мора. Велам „не“ на секаков облик на сепаратизам што ја ослабнува Европа и ги проширува постоечките јазови, изјави Јункер во четвртокот.

Спортската сала „Младост“ во Гостивар остана без струја заради неплатени сметки

Спортската сала „Младост“ во Гостивар од денес е без снабдување со електрична енергија, откако ЕВН ги исклучи од напојувањето заради неплатени сметки.

 Од општината обвинуваат дека причината која довела до ова е одлуката на мнозинството во советот да не се префлат пари на јавното претпријатие кое стопанисува со салата.

Од општина Гостивар во соопштението до јавноста наведуваат дека одлуката на мнозинството членови на Советот на Општината, на последната  петта седница гласаше против доделување на субвенции на ЈПССО „Риниа“ директно влијаело врз исходот.

- Претходното раководство создаде огромни неподмирени обврски кон ЕВН, за потрошена електрична енергија и во ова претпријатие. И покрај тоа што самите се одговорни за создадената ситуација, советниците на ДУИ и нивните партнери СДСМ, НДП и ДСР гласаа против предлог-одлуката за доделување на субвенции во висина од 500.000 денари. Тие пари беа наменети за плаќање на трошоците за поторошена електрична енергија. Токму заради тоа, како последица, ЕВН им ја исклучи струјата и салата остана во мрак, стои во соопштението од општина Гостивар. 

Нов закон за персонален данок на доход

Граѓаните со месечни примања од илјада евра ќе плаќаат данок од 10%, а оние чии примања ја надминуваат таа сума, за нив стапката ќе изнесува 18%.

На социјалните мрежи се појави дел од драфт верзијата на Законот за персонален данок на доход кој  го подготвува Владата, а треба да стапи на сила од следната година.

Во приходите кои се оданочуваат спаѓаат тие, кои граѓаните ги добиваат од заработената месечна плата на работа, од самостојна дејност, од авторски и сродни права и продажба на сопствени замјоделски производи.

Дополнително ќе се даночат и добивките од игри на среќа, доходот од осигурување, капитал, капитлани добивки.

Но, ова не е единствена новина во законот.

Владата планира да ги даночи и оние кои штедат во банките, доколку бруто годишната добивка – надминува 15 илјади денари.

Од министерство за финансии велат дека ова се шпекулации кои не се базирани на факти и нема да коментираат.

МФ спроведува темелна анализа за начините и моделите на обезбедување фер даночна политика во Република Македонија.

Во моментот кога анализата ќе биде подготвена, истата ќе се презентира пред граѓаните и пред стручната јавност, со цел да се отвори јавна дебата базирана на точни податоци и факти. Министерството за финансии работи во насока на обезбедување фер даночен систем.

Инаку познавачите на проблематиката во изминатиов период беа се погласни против Владините најави да се даночат оние со примања над илјада евра. Според експертската јавност тоа би предизвикало селење на бизнисот, даночна евазија како и зголемување на сивата економија.

Според дел од нив - рамниот данок кој се воведе во 2006тата дал добар сигнал за странските инвестиции и имал одреден ефект врз сивата економија.

СДСМ: Договорот е патриотски чин

Договорот е патриотски чин, го зајакнува идентитетот и ја обезбедува иднината, ВМРО-ДПМНЕ ја лаже јавноста

Конечниот Договор со кој се става крај на деценискиот спор со Грција е патриотски чин со кој се гарантира и зајакнува македонскиот идентитет и се обезбедува иднината на граѓаните и државата.

ВМРО-ДПМНЕ нема никакви аргументи и затоа продолжува да ја лаже јавноста со пласирање целосно лажни вести, измислици и дезинформации.

Химната и државните симболи не се дел од Договорот и вооопшто не биле дел од разговорите. Што значи дека ниту некој државен симбол се менува ниту пак нивната употреба е доведена во прашање, напротив.

Договорот го гарантира македонскиот иденитет кој никогаш повеќе нема да биде оспоруван или негиран од другите и се отвораат евроатлантските интеграции кои се врвен национален интерес. Македонски јазик, македонски народ, македонско оро, Македонци, македонски, обезбедени еднаш засекогаш.

Во интерес на граѓаните и државата, ВМРО-ДПМНЕ да престане со лажните наводи, да покаже елементарна одговорност пред граѓаните и државата и да престане да ја кочи македонската иднина.

Конечниот збор ќе го имаат граѓаните на референдум. Убедени сме, граѓаните ќе кажат ДА, за македонската иднина, ДА за членство во НАТО, ДА за датум за почеток на преговрите за полноправно членство во ЕУ.

Центар за комуникации со јавноста на Социјалдемократски сојуз на Македонија

притисни ентер