Чако: Соработката со македонската полиција пример за другите полиции

Директорот на албанската полиција Хаки Чако изјави дека соработката меѓу полициите на Албанија и на Македонија, вклучувајќи ги тука и граничните полиции, е одлична и оти таа може да биде пример за сите други полиции.
Ова оценка тој ја дал по посетата на граничниот премин Ќафасан, на албанско-македонската граница кај Струга, каде престојувал со цел одблиску да се запознае со спроведувањето на мерките за туристичката сезона, но пред се наредбата за заострување на контролите при излез од земјата на албанските граѓани, кои се во насока на елиминирање на загрижвачката појава на азиланти албански државјани во Европската унија.

- Соработка со македонската полиција е насочена кон спречување на меѓуграничниот криминал, органзраниот криминал на недозволена трговија од секаков вид. Нашата соработка е одлична и таа може да биде пример за сите други полиции, посочил Чако.

За време на престојот на Ќафасан, Чако придружуван од Аида Хајнај, директорка на Управата за граница и миграција, во просторите на заедничкиот центар за координација на информаци на полиците на двете земји, оствариле средба со претставници на македонската гранична полиција.

Инаку, албанската гранична полиција од почетокот на месецов, врз основа на наредбата на директорот Чако ги заостри контролите при излез од земјата на албанските граѓани со цел да ја запре загрижувачката појава на азланти-албански државјани во земјите на Европската унија.

Наредбата предвидува 14 препораки со кои полицајците на граничните премини ќе утврдуваат кој од граѓаните не ги исполнува условите за влез и престој во Шенген зоната.

При контролата, покрај другото, треба да се утврди точната адреса каде граѓанинот ќе биде сместен во земјата каде патува, поканата на лицето кое го очекува, повратниот билет, како и финансиската покриеност за перидот на престој.

Исто така Чако нареди и зголемена контролиа врз турстичките агенци, за кои постои сомнение дека вршат органзирани патувања на азиланти. /МИА

Утре сончево и уште потопло

Времето утре претежно сончево и уште потопло. Ќе дува умерен, а во западните делови засилен ветер од западен правец. Минималната температура од 12 до 21, а максималната од 31 до 39 степени. УВ индексот ќе изнесува 9.

Во Скопје сончево со умерен западен и северозападен ветер. Температурата ќе се движи од 18 до 38 степени.

Од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали. /УХМР

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

притисни ентер