Штипската библиотека доби одделение за читателите со оштетен вид

Источниот регион на Македонија го доби првото одделение за читателите со оштетен вид. Отворено е во Народната и универзитетска библиотека Гоце Делчев во Штип.
- Ова е прва ваква набавка на литература печатена со Браево писмо за слепи лица со поддршка на Министерството за култура. За почеток добивме 27 наслови на книги со Браева азбука од македонски и странски автори од различни жанрови. Во понеделник ги очекуваме таканаречените звучни книги наменети за најмладите читатели со оштетен вид. Тоа се бајки од познати светски имиња за детска литература. Инаку, проектот вреди сто илјади денари со тенденција за негова надградба, објасни Милена Ристова – директор на НУБ Гоце Делчев –Штип.

Од регионалниот Сојуз на слепи каде членуваат над стотина лица од повеќе општини од овој регион, не го криеја задоволството што до вчера еден горлив проблем за нив е решен.

- Многу сум радосен и бескрајна благодарност до надлежните од Библиотеката што ни решија до вчера нерешлив проблем, особено за нас кои сакаме , иако сме хендикепирани со вид, но да го надградиме нашето образование и читачка култура, изјави  Горги Горгиев – Секретар на Регионален сојуз на слепи лица – Штип.

Согласно податоците од 18 Здруженија на слепи лица во Македонија, засега над 700 нивни членови активно, катадневно го користат Браевото писмо за секоја своја потреба. За нив, оваа бројка, е задоволителна, со тенденција за нејзино зголемување.



Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

Димитров попладнево ќе се сретне со Могерини

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини.

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини, дознава МИА од извори во ЕУ. Засега не се открива точното време на средбата, ниту содржината на разговорите.

Утре наутро, Могерини најверојатно треба да ги брифира министрите на ЕУ за текот на преговорите за спорот со името, велат извори во ЕУ за МИА.

Министрите за надворешни работи на Грција и Македонија од Њујорк допатуваа во Брисел, но не се откриваат детали за нивна можна средба.

Димитров пред утрешниот Совет на министрите за надворешни работи на ЕУ ќе учествува на неформален појадок организиран од сегашното бугарско претседателство и идното, австриско. Како што информираат од Советот, тоа ќе биде прилика за министрите да го испрашуваат шефот на македонската дипломатија за текот на преговорите за името. /МИА

„Британската влада тајно планира да остане во ЕУ“

Британските евроскептици стравуваат дека владата во Лондон планира тајно да остане во Европската унија, пишува „Телеграф“.

Таа загриженост се појавила откако е објавено дека се издвоени стотина илјади фунти за изборите во Европскиот парламент 2019 година.

Според наводите на британскиот весник, станува збор за 829.000 фунти издвоени за “активности во врска со изборите за ЕП 2019“.

Изборната комисија објаснува дека тие средства се издвоени како “мерка за претпазливост за да може да ја исполни својата функција во случај тие избори да бидат одржани во земјата, што е малку веројатно“.

Весникот напомнува дека изборите за ЕП треба да бидат одржани меѓу 23 и 26 јуни идната година, а Британија треба да ја напушти ЕУ скоро два месеци претходно – на 29 март.

притисни ентер