Американски конгресмен поднесе барање за интерпелација на Трамп

Конгресменот од Тексас Ал Грин соопшти дека ќе поднесе барање за интерпелација на претседателот на САД, Доналд Трамп, објавија руски медиуми.
За време на своето обраќање пред Претставничкиот дом на САД тој повика на соборување на Трамп.

Претходно денеска Грин ja објави својата намера на “Твитер”.

„Денес во Конгресот на САД ќе побарам интерпелација на претседателот“, напиша тој на социјалната мрежа.

Претседателот на Комората Пол Рајан повика да не се избрзува со пресуда и појасни: “Имаме потреба од фактите”.

Во меѓувреме Доналд Трамп и израелскиот премиер Бенјамин Нетанјаху спроведоа телефонски разговор, соопштува “Гардијан”.

Потсетуваме дека поводот е дека  американскиот претседател открил на средба со руски претставници разузнавачки информации обезбедени од Израел. Информацијата е откриена пред посетата на Трамп во Израел следната недела.

Портпаролот на Нетанјаху изјави дека 20-минутната разговор бил поврзан  само со деталите околу посетата на милијардерот.

Потврдата за разговорот доаѓа по коментар на рускиот претседател Владимир Путин, кој предложил  да обезбеди го стенограмот од разговорите меѓу Трамп и рускиот министер за надворешни работи Сергеј Лавров во Белата куќа.

Според американски официјални претставници Трамп споделил на Лавров и рускиот амбасадор во Вашингтон, Сергеј Кислек информации за терористичка закана на ДАЕШ ( “Исламска држава”), поврзани со употребата на лаптопите на патничките авиони.

Деветмина штитеници загинаа во пожар во поправен дом (ВИДЕО)

Најмалку девет лица , меѓу кои и деца загинаа во пожар во привремениот поправен дом за малолетници во бразилскиот град Џојана.

Во пожарот има и десетина повредени . Пожарникарите ги поребаруваат просториите во потрага по повредени или загинати . Од центарот за малолетници нема потврда дали е тоа конечниот број и која е причината за избувнувањето на пожарот утрово околу 9 часот по локално време.

Не е познато ниту колку штитеници имало во центарот , кој се користи за времено сместување на малолетници додека е во тек судската постапка за нив или нивните блиски.

Словенија се врти кон десно – Јанша фаворит на изборите

Поранешниот премиер на Словенија е најголем фаворит на изборите што ќе се одржат на 3 јуни.

Според последните три анкети на десетина дена пред изборите , Словенската демократска партија е фаворит , а според некои дури и убедливо. Јанша за директен противник го има Лука Месец , роден 1987 година , кој е лидер на Левицата. Јанез Јанша , кој во времето кога Месец се родил , бил војник во ЈНА со него се пресметува на твитер. Тој го исмеа доаѓањето на ТВ дуел на Месец со Мерцедес споредувајќи го со ,,неговиот идол Тито , кој имаше 72 Мерцедеси”. Ваквата директна реторика очигледно е добро примена кај Словенците , кои не му замеруваат на Јанша ниту вртењето кон Унгарскиот модел на Виктор Орбан, пишуваат словенечките медиуми.

Тој деновиве му беше гостин на два предизборни митинзи. Второ и трето место на анкетата ги заземаат Социјалдемократите на Дејан Жидан , како и Листа на Марјан Шарц, новооснована партија , која што кон крајот на минатата година дури водеше на анкетите.

Позитивна Словенија на Зоран Јанковиќ потпиша договор за заеднички настап на изборите со Партијата на пензионерите, Десус на Карл Ерјавец , со кого ќе треба да го спречат повторното доаѓање на Јанша на власт.

Експлодираше камион полн со парфеми на автопатот Загреб- Белград (ВИДЕО)

Силна експлозија одекна на автопатот Загреб- Белград во близина на Пеќинци.

Камион со приколка полн со парфеми целосно изгоре во експлозијата на автопатот во правец кон Белград. За среќа возачот на време избегал и е неповрерден. Сообраќајот неколку часа беше во прекин и се формираа километарки колони возила.

Според очевидците , по првата силна експлозија имало и неколку послаби. Не е позната причината за запалувањето на камионот , кој целосно изгоре.

притисни ентер