Пеколна ноќ во Далас – застрелани 11, убиени петмина полицајци

Хаос во Далас. Мирниот протест кој беше организиран по убиството на двајца афроамерикнаци се претвори во трагедија кога најмалку двајца снајперисти почнаа да пукаат кон полицајците.
Пет полицајци се убиени, а уште 7 се ранети  од кои двајца се во критична состојба. Меѓу ранетите е и една жена која не е полицајка.  Снајперисти пукале од  повисоки места од зградите.  Еден од нив се самоуби откако беше опколен од полицијата.Пред да се самоубие, тој им порачал на полицајците дека крајот се ближи и дека во гаражата во која се криел има поставено експлозивни направи, но екипите за антитероризам не пронашле ништо сомнително. Приведени се три лица меѓу нив и една жена , а полицијата не знае кои биле мотивите за нападот – не е јасно ниту по колку лица се трага. Снимките од Далас се вознемирувачки – луѓето трчаат испаничено додека полицијата се обидува да идентификува од каде доаѓаат истрелите.

- Се оствари нашиот најстрашен кошмар. Ова се тешки моменти за Далас – изјави Мајк Роулинг градоначалник на Тексас.

- Слушнав околу триесет истрели . Луѓето врескаа  и трчаа на сите страни изјавила Клариса Мајлс за СНН

Претседателот на Америка Барак Обама кој е во Варшава на самитот на НАТО го осуди нападот нарекувајќи го пресметан и одвратен.

„Не постои оправдување за ова насилство врз полицајците. рече Обама, говорејќи од самитот на НАТО во Полска, кој што присуствува. "Сите кои се вклучени во овие бесмислени убиства ќе одговараат. Правдата ќе биде задоволена“.

Повод за протестите во Далас и други градови во САД беше смртта на двајца Афроамериканци во рок од само 48 часа, застрелани од полицајци во текот на две акции.

Во својата прва јавна реакција на овие случаи, Обама изјави дека е јасно дека тоа не се изолирани инциденти, додавајќи дека сад премногу пати виделе вакви трагедии. Тој додаде дека го дели чувството на „лутина, фрустрација и жалост“, кои овие убиства ги предизвикаа ширум земјата.


Истрагата за убиениот Словачки новинар води до Албански бизнисмени од Македонија?!

Истрагата за убиството на Словачкиот новинар Јан Кучијак и неговата свршеница ги донела истражителите до Албански бизнисмени од Македонија, кои соработувале со Италијанска мафија од Ндрангета, објавуваат словачките медиуми.

По три месечни протести и серија оставки на високи словачки функциониери, истрагата за убиството на словачкиот новинар, Јан Кучијак, добива нов тек. Словачките и балканските медиуми пишуваат дека случајот сега ја следи трагата на група албански бизнисмени, со потекло од Македонија, осомничени за ликвидацијата на новинарот и неговата свршеница во февруари годинава. Истрагата тргнала во тој правец бидејќи Кучијак во своите текстови анализирал сомнителни зделки и врски од сферата на агробизнисот и извозот на месо помеѓу неколку албански семејства во Словачка и италијанската криминална група Ндрангета. Фокусот на полицијата сега бил ставен на неколку словачки магнати и Албанци од Македонија, блиски до италијанската мафија, благодарение на истражувањата на меѓународниот тим новинари, кои се здружија да ги обелоденат сите афери кои ги водел убиениот новинар, како и потенцијалните егзекутори.

-Јан работеше на најголемите случаи на корупција во Словачка. Беше многу внимателен кога се работи за безбедноста.  Шифрираше се. Информациите за случаите, кои тој ги истражуваше мора да протекле од државните органи, од полицијата или од обвинителството, вели Марек Вагович уредник на „Актуелити“

Кучијак и неговата свршеница беа пронајдени убиени во својот дом на 26 февруари, близу Братислава. Првично се претпоставуваше дека убиството е извршено поради тоа што новинарот ги истражувал наводите за нелегални плаќања од средствата на ЕУ фондовите, во кои биле вмешани словачки и италијански државјани. Убиството покрена масовни протести на улиците, по што словачкиот премиер Фицо и министерот за внатрешни работи си поднесоа оставки.

Лажниот премир на Ерменија го насамарил Борис Џонсон (ВИДЕО)

Британскиот министер за надворешни работи наседнал на руски комичари ,од  кои едниот се претставил дека е премиерот на Ерменија.

Лажниот премиер на Ерменија , а всушност руски комичар  , кој го објави разговорот на социјалните мрежи , се консултирал со Бритаскиот шеф на дипломатијата Борис Џонсон за наводната средба со Путин.

Џонсон , кој поверувал дека се работи за новиот Ерменски премиер Никола Пешинијан , му честитал на победата на изборите. Од другата страна лажниот премиер го известил Џонсон дека наскоро во Сочи ќе има средба со Путин и го прашал што да прави.

На тоа Џонсон го советувал : ,, Многу е важно , господине премиер , да не избие нова Студена војна .” Џонсон се насмеал кога соговорникот ја пофалил неговата навредлива песничка против Ердоган .

Сепак , најголемиот дел од 18 минутнииот разговор , тој е убеден дека разговара со премиерот на Ерменија. Дури по 14 минути разговор , Џонсон сакал да го прекине разговорот и рекол ,,Многу ви благодарам премиере !”.

Сето ова било местенка на руските комичари Алексеј Столиаров и Владимир Кузњецов , познати на интернет по имињата Вован и Лексус.

Ципрас до Бутарис: Тоа што не те убива, те прави посилен

Тоа што не те убива те прави посилен, му рече грчкиот премиер на солунскиот градоначалник на почетокот на нивната средба во Солун, во врска со нападот врз Јанис Бутарис минатата сабота.

И Ципрас и Бутарис, по средбата, рекоа дека не станува збор за случаен, туку организиран инцидент, а грчкиот премиер го карактеризираше како „убиствен напад“.

- Нападот врз Јанис Бутарис не беше случаен и изолиран инцидент, туку планиран и организиран напад. Градоначалникот на Солун немаше ништо од претходно со луѓето што го нападнаа. Не беше прв пат на манифестацијата во чест на пондијскиот хеленизам, секоја година присуствува, рече Ципрас и ја изрази неговата поддршка за Бутарис за „убиствениот напад од организирани сили од радикалната десница“.

Солунскиот градоначалник му се заблагодари на грчкиот премиер за поддршката и рече дека она што го помина минатиот викенд не беше случајно.

- Јасно е дека беше организирано, Не знам која им беше крајната цел. Но она што знам е дека нема да оставиме да помине така. Трите „војничиња“ што беа казнети со затвор се само “играчки“. Она што е важно е да стигнеме до коренот, да видиме од каде почнува, рече Бутарис и додаде дека Солун треба да стане пример за демократски град.

Солунскиот градоначалник во саботата за време на одбележувањето на годишнината од геноцидот на пондијските Грци најпрво вербално нарекувајќи го „предавник“, а потоа и физички со пластични шишиња беше нападнат од група граѓани во центарот на Солун.

притисни ентер