Концерт на Дарко Багески во Софија

Гитаристот Дарко Багески, солист и професор на Факултетот за музичка уметност - Скопје ја продолжува концертната сезона со настап во Културно-информативниот Центар на Македонија во Софија.
Багески годинава имаше значајни настапи во Бугарија - учество на 19. Интернационален Фестивал и нетпревар за класична гитара „Академик Марин Големинов” во Ќустендил, како и заеднички солистички настап со бугарската гитаристка Стела Динкова и камерниот оркестар на операта од Благоевград, изведувајќи го популарното дело на Вивалди „Четири годишни времиња“. Со ова дело, Дарко Багески се претстави и во Благоевград.

Меѓународната концертна сезона Багески ја продолжи со солистички концерти на интернационални фестивали во Италија, Тајван, Црна Гора, Бугарија... Минатата година имаше серија успешни концерти во Софија, Пловдив, Варна и Ќустендил и има свои почитувачи и редовна публика во Бугарија.

Вечерашниот концерт е дел од јубилејната програма по повод 10 годишнината од основањето на Македонскиот културен центар во Софија. /МИА

Влада: Предложените за претседател и членови на РКЕ се избрани на јавен оглас

Регулаторна комисија за енергетика ќе добие нов претседател.

Владата го предложи Марко Бислимовски да ја предводи главната функција на ова регулаторно тело.

Бислимовски и досега работеше во комисијата како советник и во јавноста важи за професионалец во енергетската област. Од владата уверуваат дека ќе таков ќе биде и како претседател.

Освен Бислимовски, Владата како комисионери ги предлага Наташа Вељановска, Атанаско Тунески и Куштрим Рамадани, исто, досегашен член на Комисијата

Надлежностите и независноста на Регулаторна беа жестока тема на расправа при донесувањето на Законот за енергетика. Опозицијата обвинуваше дека Владата ја нарушува независноста на ова тело, а власта тврдеше дека наместо професионалци со комисијата раководат партиски кадри.

Познавачите на проблематика, оценуваат дека сепак тешка ќе биде битката за независност на РКЕ.

Прв човек на Регулаторна од 2009тата до сега беше Димитар Петров, кој често беше обвинуван поради неговата партиската припадност.

Платите на членовите на Регулаторна комисија се движат околу 1 500 евра.

Мандатот на претседателот и членовите е 5 години со право на реизбор.

Нова пречистителна станица за третман на отпадни води во Кичево

Општина Кичево доби нова пречистителна станица за третман на отпадни води изградена со европски пари.

Со тоа трајно се решава проблемот со отпадните води во општината и се подигнуваат стандардите за заштита на животната средина.

Пречистителната станица е со инсталиран капацитет за 48.000 жители.

Реализацијата на проектот вклучува и изградба на колектор и пристапен пат. Вкупната вредност изнесува 8,3 милиони евра.

притисни ентер