Изложба „Од Истанбул до Анадолија“ во „Мала станица“

Изложба на фотографии насловена „Од Истанбул до Анадолија...“ на познатиот фотограф Мустафа Дедеоглу од Турција ќе биде отворена вечер во Мултимедијалниот центар „Мала станица“ во организација на Институтот „Јунус Емре“, Турски културен центар Скопје.
Директорот на Институтот „Јунус Емре“, Турски културен центар, Фејзулах Бахчи денеска на прес-конференција рече дека се домаќини на значајна изложба на фотографии на познатиот фотограф Мустафа Дедеоглу.

- Авторот е познат не само во својата матична држава, туку и на европско и на светско ниво. На изложбата која се отвора вечер ќе има избрани дела кои сметавме дека се автентични за ова поднебје. Мустафа Дедеоглу е афирмиран фотограф и има многу значајни фотографии, посочи Бахчи.

Насловот на изложбата „Од Истанбул до Анадолија...“, нагласи тој, само по себе кажува многу нешта.

- Македонија за нас Турците е многу важна држава. Познатиот турски автор Јахја Кемал во една од своите поезии вели дека Скопје е продолжение на градот Бурса. Факт е дека сите поети ја истакнуваат таа сличност меѓу Македонија и Турција во однос на фолклорот, традицијата, музиката, храната. Значи од секој аспект имаме многу нешта да споделуваме бидејќи тие се наши заеднички вредности, рече Бахчи.

Додаде дека фотографиите на Дедеоглу не ја раскажуваат приказната само за Истанбул, туку тоа е една општа приказна за Анадолија.

Дедеоглу истакна дека се чувствува горд и среќен што има можност преку организаторот Турски културен центар да ги претстави неговите фотографии.

- Фотографиите кои ќе бидат вечер изложени со тематика Истанбул претходно се изложени во повеќе држави. Љубителите на фотографската уметност во Скопје вечер ќе имаат можност првпат да видат дел од моите фотографии. Верувам и се надевам дека Турскиот културен центар ќе продолжи со вакви активности, додаде Дедеоглу.

Мустафа Дедеоглу е роден во Ускудар во 1978 година. Неговиот интерес за фотографија почнува во 2006 година, а првите фотографии се снимени низ старите улици на Истанбул. Голем број негови фотографии се објавени во разни списанија во Москва, Санкт Петербург, Казан, Барселона, Техеран итн. и се изложени во престижни галерии и музеи. 

Локализиран пожарот од страна на Пинтија

Целосно е локализиран пожарот од страна на Пинтија, останува дел над населбата Усје. 

Противпожарни екипи се на терен и се работи на негово комплетно гаснење, информираат за МИА од Територијалната противпожарна единица на Град Скопје.

Пожарот избувна денеска околу 11:30 часот во шумата над скопската населба Пинтија. Зафатена беше поголема површина мешана шума.

Територијалната противпожарна единица на Град Скопје во гаснењето на пожарот доби помош и од воздух, активирани беа и авионите на Дирекцијата за заштита и спасување. Авионите направија два прелети  и фрлија вода кон Сопиште, каде се ширеше пожарот. Пожарникарите уверуваат дека нема опасност за ширење на пожарот кон Сопиште.

Во гаснењето на пожарот во Пинтија се вклучи и градоначалникот на Кисела Вода Филип Темелковски со претставници од Општината и месното население.

Во моментов активен е само пожарот кај Обиколница Бутел, а изгаснати се пожарите во Долно Блаце и Мојанци./МИА

Во сообраќајна несреќа настрадале мајка и ќерка од Пирот

Наместо да стигнат на одмор во Грција тие настрадале во сообраќајна несреќа.

Во сообраќајната несреќа која се случила во петок изутрина во Бугарија, на магистралниот пат кон Грција се случила сообраќајна несреќа во која настрадале мајка и ќерка, додека таткото кој го управувал возилото со тешки повреди е пренесен во болница.

Како што соопштуваат бугарските медиуми, несреќата се случила откако возилото „Фиат Панда“ со пиротски регистарски таблички од непознати причини нагло свртело на другата страна од коловозната лента и направило директен судир со автобус кој се обраќал на релација Благоевград- Сапарева бања.

Семејството од Пирот на кое му се случи оваа несреќа било тргнато на годишен одмор во Грција.

Тројца мртви во инцидент меѓу навивачи во Хондурас

Тројца се убиени во инцидент меѓу навивачи пред фудбалскиот меч помеѓу Мотахуе и Олимпија на Националниот стадион во Хондурас, пишуваат локалните медиуми.

Тие пренесуваат дека навивачи на Олипија го нападнале автобусот во кој се возеле навивачи од противничкиот тим. Се слушало пукање а полицијата користела солзавец за да го сопре инцидентот. Повредени се уште тројца луѓе од скршено стакло.

притисни ентер