15 килограми марихуана запленети во близина на Љубаништа

Охридската полиција спроведе акција во атарот на селото Љубаништа, при што се откриени и запленети околу 15 килограми опојна дрога марихуана.
Акцијата била спроведена синоќа околу 21 часот, во пограничното планинско подрачје на илегална патека што од албанска територија води кон територијата на Република Македонија и излегува на регионалниот пат Свети Наум - Охрид.

Граничните полициски службеници пронашле девет пакувања марихуана завиткани во црна најлонска кеса, додека во текот на денешниот ден во оставена автомобилска гума биле пронајдени уште седум пакувања од дрогата.

Одземената марихуана ќе биде доставена на вештачење во Министерството за внатрешни работи во Скопје. Охридската регионална граничната полиција презема мерки за утврдување на идентитетот на две лица најверојатно албански државјани кои синоќа ја пренесувале марихуаната. /МИА/

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер