Синот на познатиот белградски уролог убиен со 8 куршуми

Бруно Тошевски (27) бил убиен уште минатиот четврток со 8 куршуми од пиштол - пишува Блиц. Пронајден беше неколку денови по убиството во неговиот стан.

Полицијата се сомнева дека Бруно бил убиен од некој од неговите познати а можно е и да се работи за убиство од страст. Партнерот на Бруно засега не е меѓу осомничените, иако српските медиуми вчера шпекулираа дека е можно тој да е виновникот. Но, полицијата го следела и го сослушала и за сега не го сомничи.

- Пред некој ден сопругата ми рече дека во ходникот на зградата почувствувала непријатен мирис. За убиството дознавме на Велигден кога полицијата ни ѕвонеше на врата - вели сосед на Бруно.

Кога бил пронајден неговото тело веќе било во фаза на распаѓање.

на фасадата на зградата во која е убиен младиот човек неодамна бил прекречен погрден натпис против хомосексуалците. Но тоа не е невообичаено и да другите делови од градот - велат соседите.

Според сознанијата на Блиц убиениот е син на познат белградски уролог.

До 15 часот гласале 340 лица со Ковид-19 и во самоизолација

До 15 часот правото на глас за предвремените парламентарни избори го оствариле 340 лица со Ковид-19 или во самоизолација. Гласањето засега се одвива без проблеми, изјави претседателот на Државната изборна комисија Оливер Деркоски.

Во меѓувреме, оваа бројка е зголемена за над стотина лица, но се чекаат официјални информации од општинските изборни комисии.

Најдоцна до 21 часот ќе се знае колкумина од лицата со Ковид-19 или во самоизолација гласале.

За гласањето денеска беа пријавени 773 лица позитивни на Ковид-19 или во самоизолација, но според последните податоци на ДИК објавени на нивната веб страница општинските изборни комисии прифатиле пријави на 711. Најмногу пријави за гласање на лица со Ковид-19 и во самоизолација се прифатени во Ресен-60, потоа во Струга и во Тетово по 55, во Кичево и во Охрид по 34, во Сарај -32, во Куманово 31 и во Штип – 30.

Гласањето на овие лица го спроведуваат посебни изнборни тимови составени од здравствени работници и претставници на политички партии и се спроведува под соодветни здравствени мерки. /МИА

МВР: Лични карти можат да се подигнат и на 15 јули

Министерството за внатрешни работи ги информира граѓаните дека управните служби при МВР на територијата на целата држава, на денот на изборите (среда, 15 јули) ќе работат само за подигање на лични карти.

Управните служби при МВР на територијата на целата држава, на денот на изборите (среда, 15 јули) ќе работат само за подигање на лични карти, во периодот од 7 до 19 часот, а со цел да им се овозможи на граѓаните кои претходно поднеле барање да ги подигнат личните карти и да можат да го остварат правото на глас.

34 милиони Кинези се во опасност од страшните поплави (ВИДЕО)

Провинциите Гуижоу, Хунан и Гуангкси, како и општината Чонгкинг се најтешко погодените провинции од големите пшоплави.

Поплавите во јужна Кина погодија скоро 34 милиони луѓе, а не се очекува да престане дождот во наредните денови, јавуваат државните медиуми

.

Обилните дождови ги претворија улиците во реки и ги поплавија зградите. Од почетокот на сезоната на дождови, падна скоро двојно повеќе дожд од очекуваното за тој период од годината.

Државната телевизија CCTV објави дека нивото на водата во југозападната провинција Гуангкси на реката Ронг се искачило на 5,04 метри над нивото на опасност, по обилните дождови што продолжуваат од саботата наутро. Поплавите во округот Чонгкинга во неделата зафатија повеќе од 30 000 луѓе и принудија 7.000 од нив да ги напуштат своите домови.

Во градот Аба во југозападната провинција Сечуан уништен е околу 60 метри пат, откако поројниот дожд предизвика пукање на насипот. Поради раните предупредувања од надлежните, сè уште нема извештаи за жртви. Властите во јужната провинција Jиангси очекуваат катастрофално поплавување во областа Појанг, најголемото кинеско слатководно езеро, од кое излегува најдолгата азиска река, реката Јангце. Нивото на водата на езерото се зголемило со невидена стапка на 22,65 метри во саботата и го надмина рекордот од 1998 година, но и алармантното ниво од 19,5 метри

Во саботата навечер, провинциските воени власти испратија илјадници војници за да помогнат во надгледувањето на скоро 9 км од крајбрежјето на езерото, јави државната телевизија.

Од понеделник, поплавите веќе зафатија 5,2 милиони луѓе во провинцијата Џиангси, а 432.000 луѓе се евакуирани од нивните домови. Исто така, поплавите оштетија 4,56 милиони хектари култури и уништија 988 куќи, предизвикувајќи штета проценета на скоро 929 милиони американски долари, објави CCTV. Округот во централната кинеска провинција Хубеи го крена одговорот на контролата на поплавите од ниво 2 на ниво 1 - највисоко ниво на реакција од четири фази на поплави во Кина.

Кинеското Министерство за управување со кризи испрати помош во покраината со шатори, ќебиња и храна. Кинеската влада издвои околу 44,2 милиони долари за помош при катастрофи во областите погодени од поплавите.

притисни ентер