Со балот под маски почна Струмичкиот карневал

Дени Делев и Верица Милушева се принцот и принцезата, кои вечер ќе ја предводат триилјадната интернационална поворка под маски на традиционалниот Струмички карневал.

Со синоќешниот маскембал во хотелот Сириус официјално почна годинашниот Струмички карневал 2013. Учесниците на маскембалот, како што јавува МИА, за принц и принцеза на карневалот ги избраа Дени Делев и Верица Милушева кои заедно со кралот, актерот Ване Крстев, ќе ја предводат интернационалната карневалска поворка.

Според Александар Цицимов, претседател на Организацискиот одбор на Струмичкиот карневал 2013, годинава во карневалската поворка ќе има над 2.500 домашни и околу 650 учесници.

- Свое присуство на карневалот најавија 26 екипи од соседните земји, а за првпат на карневалот ќе настапи и група од збратимениот град Гроједски од Полска. Традиционално почетокот на карневалот ќе го означиме со величествен огномет, а карнеласката поворка ќе се движи по традиционалната маршрута и ќе можат да ја видат сите кои вечерва ќе бидат дел од големата веселба под маски која ќе трае до раните утрински часови, рече Цицимов.

Градоначалникот на Струмица Зоран Заев, кој беше маскиран како „оган“, а неговата сопруга Зорица во „мраз“, вели дека Струмица е подготвена и со широко отворено срце ќе укаже добредојде на сите љубители на карневалот.

- Се надевам дека снегот кој падна ќе биде повод за уште поголемо дружење и веселба. Знам дека сите хотелски капацитети во струмица се исполнети и гостите барат сместување во соседните градови. И годинава очекуваме голема посетеност не само од домашни, туку и гости од соседна Грција и Бугарија, истакна Заев.

Животот во Струмица вечерва ќе бие во ритамот на музиката, а маската е влезница за уживање во струмичките локали, како и на централната забава во подземното паркиралиште на плоштадот „Гоце Делчев“.

Струмичкиот карневал е вековна традиција во градот под Царевите кули и е директно поврзан со верскиот празник Тримери - празник на армасаните.

Карневалските празнувања почнаа уште во четвртокот со Концертот под маски на Музичкото училиште „Боро Џони“, а присутните ја проследија ретроспективната изложба од фотографии на Сречко Гунчев, како и изложбата на 50 најуспешни фотографии од 12 аматерири и професионални фото-репортери од земјата и странство.

Ристо Филчев член на Здружението Евро-Визија информира дека годинава добитници на наградите се Маја Златевска и Огнен Теофиловски.
Во рамките на седумдневните карневалски празнувања утре точно напладне на плоштадот „Гоце Делчев“ ќе продефилираат најмалите карневалчиња, кои преку шаренилото од бои и маски ќе ја изразат својата детска фантазија.

На Чист понеделник традиционално струмичките занаетчии, со песна ќе го варат белиот посен грав зачинет со разни мирудии, а за сите гости општината подготвува заеднички ручек на струмичкото корзо. По 14-ти пат годинава во Домот на културата „Антон Панов“ ќе им бидат доделени наградите на најуспешните карикатури и афоризми на тема „Еротика“ во Струмичкиот карневал, а посетителите ќе ги слушнат и видат најдобрите афоризми и карикатури.
На предпоследниот карневалски ден во вторник, кој традиционално беше ден на големиот карневал по втор пат годинава по струмичкото корзо ќе продефилираат наградените маски од Интернационалната карневалска вечер, а наградите на најуспешните ќе им бидат дадени во Домот на културата. Наградниот фонд годинава изнесува 5.380 евра за осум категории. Традиционално вечерта маскирани лица заедно со армасникот одат во домот на армасаната девојка, која треба да открие кое е нејзиното момче. Во рамките на карневалските празнувања ќе биде промовирана книгата „Семантика на карневалот, детронизација на секојдневието“ од мр.Катерина Милушева.

Во среда на празникот Тримери по традиција струмичките свекрви со најблиските роднини со синии и подароци одат во домот на армасаната девојка, каде со посни јадења и песни со еротска содржина ја воведуваат момата во брачниот живот. Токму овој древен обред е главна тема на новата книга со наслов „Празнување на Покладни пости (Прочка) во Струмица и струмичко“ ,од мр. Наташа Василевска-Трајковска, по чија што промоција, ансамбалот „Распеани струмичани“ во Домот на културата ќе настапи со Тримерски обичаи.

Како што пишува етнологот Илија Сувариев, Струмичкиот карневал е најстара и најафтентична манифестација од ваков тип во Македонија и пошироко. Првите пишани извори се патеписите на Елија Челебија, кој уште во 1.670 година запишал дека, една ноќ бил во градот расположен во полите на еден барир, видел луѓе маскирани кои низ смеа и песна претрчувале од куќа во куќа, што, според толкувањата, укажува на градот Струмица и каневалот.

- Струмичкиот карневал секогаш се одржува во првата недела по Велигденските пости датумот се менува во зависност од тоа кога се паѓа Велигден, но секош е на Тримерските пости, кои ги практикувале армасаните, верените девојки, но и моми и нивни другарки. Тримерските пости започнувале со Прочка, а армасаната девојка или момата, не смеела три дена ниту да јаде ниту да пие. Прекршувањето на постот, бил најголем грев. Секоја армасана или мома, која тримерувала се на Тримери одела во црква и се причестувала со причест или ајазмо. Како награда за одржаниот пост, свекрвата, заедно со роднините, на Тримери напладне го посетувале домот на армасанта каде носат синии подароци. На Тримери се служи посна трпеза од специјални посни јадења, сарма, бел посен грав, варена пченка со ореви, а за слатко се служело зерде-посен сутлијаш, бела алва, ошав од сливи и суво грозје, се пиело исклучиво боза, која во ѓумови ја носела свекрвата. Ова е исклучиво женски обред, каде се пеат песни со еротска содржина, со што армасаната се воведува во обврските од брачниот живот, вели Сувариев.

Според хроничарите, први обиди за организирана форма на струмичкиот карневал се случиле на почетокот на седумдесетите години од минатиот век, но тоа траело само неколку години. Од 1991 година започнува враќањето на сјајот на струмичкиот карневал, кој од 1994 година е при-мен во Меѓународната асоцијација на карневалските градови – ФЕЕЦ, додека во 1998 година Струмица е домаќин на 18. Интернационален конгрес на карневалските градови.

Во Ѕвездениот град деновиве се живее во ритмот на карневалските случувања. За љубовта на струмичани кон оваа манифестација зборува податокот дека одредени карневалски групи постојат повеќе од десет години. Голем е бројот на поединци чиј што пагански маски останаа во витрините да сведочат за човековата креативност и имагинација. Карневалнисте маски од Струмичкиот карневал во кои пред се доминира еротиката продолжуваат со својот живот и често пати се посебни актракции на карневалите во соседните држави и подалеку.

Струмичкиот карневал како манифестација со својата афтентичност во 2009 и 2012 година стана носител на признанието „Супер бренд“ на Македонија, а големиот број гости и учесници од земјата и странство само ја потврдуваат вредноста на оваа манифестација.

Бразилската полиција прекинала забава со 1200 лица, организаторот избегал

Бразилската полиција, среде пандемијата на коронавирус, денеска растури „рејв забава“ на која присуствувале околу 1.200 учесници, пренесува порталот Г1.

Лицето одговорно за организирање на забавата, наводно, избегало.

Претходно, полицијата прекинала неколку помали забави во Сао Хозе дос Пинхаис, во пошироката област Куритиба.

Бразил е едно од најголемите жаришта на пандемијата, а состојбата се влошува со новиот, мутиран сој на вирусот, за кој што се смета дека е повеќе вирулентен од порано.

Во таа најголема земја во Јужна Америка досега се регистрирани околу 8,8 милиони случаи на инфекција, од кои само САД и Индија имаат повеќе заразени.

Околу 217.000 луѓе починале од ковид-19 во Бразил, што е најмногу по Соединетите држави.

Во бразилската држава Парани, чиј главен град е Куритиба, досега биле заразени 520 000 луѓе со коронавирус, а 9,300 починале, пишува информативниот портал Г1.

На адвокатот на Трамп му се заканува тужба поголема од милијарда долари

Американска компанија која произведува и одржува електронски системи за гласање покренала тужба од 1,3 милијарди долари против адвокатот на поранешниот претседател Доналд Трамп, Руди Џулијани, обвинувајќи го за клевета.

Според судските документи објавени денес, Dominion Voting Systems Inc. од Денвер претходно го тужел адвокатот на кампањата на Трамп, Сидни Пауел за ширење теории на заговор за изборите на кои Трамп загуби од Џо Бајден.

Вработениот во Доминион, Ерик Кумер, ја покренал истата тужба против целата кампања на Трамп, тврдејќи дека морал да се сокрие поради смртните закани, кои му биле упатени од приврзаниците на Трамп.

Џулијани и неговиот адвокат Роберт Костело сè уште не коментирале ништо. Џулијани досега цврсто стоел зад неговите изборни тврдења. Во радио емисија минатата недела, тој рече дека бил нападнат затоа што „го искористив моето право на слобода на говор и го бранев мојот клиент“.

Трамп и неговите сојузници два месеци ги оспоруваа изборните резултати и без никаков доказ тврдеа дека станува збор за масовна измама, пред неговите следбеници да упаднат во зградата на Конгресот на почетокот на оваа година, објави Њујорк Тајмс.

Син го пријавил татко си, кој дивеел во Капитол: Знаеш што се случува со предавниците (ВИДЕО)

Два дена по упадот во Капитол на 6 јануари, таткото на Џексон Рефит, Гај В.Рефит, се вратил во семејната куќа во Тексас.

Тој му рекол на својот син дека упаднал во Капитол, според Ф.Б.И. во неговиот извештај, пишува Њујорк Тајмс.

Тогаш неговиот татко му се заканил: ако Џексон (18) го пријави во полиција, тогаш нема да има друг избор освен да ја изврши „должноста“ кон својата земја и „да го стори она што треба да го стори“.

Зборувајќи пред истражителите, Џексон Рефит рекол дека неговиот татко му се заканил: „Ако ме пријавиш, ти си предавник. И знаеш што се случува со предавниците. Предавниците ги убиваат “.

Но, Џексон веќе го пријавил својот татко кај властите неколку недели пред упадот.

„Тој секогаш ќе ми кажеше дека ќе направи нешто големо“, рече помладиот Рефит во телефонско интервју. „Претпоставував дека тој навистина ќе направи нешто големо, но не знаев што.

Сопругата на Гај Рефит по немирите им рекла на истражителите дека тој бил член на екстремно десничарска вооружена група, се вели во соопштението.

Ф.Б.И. кај него пронашле пушка АР-15 и пиштол. Рефит постариот им рекол на истражителите дека го зел пиштолот со себе во Вашингтон.

Џексон Рефит изјавил дека дознал дека неговиот татко заминал за Вашингтон еден ден пред упадот, но не знаел што ќе прави таму. Тој открил што се случува кога на вестите видел слики од бунтовници кои упаѓаат во Капитол.

Не е јасно што, презедело Федералното биро за истраги откако помладиот Рефит првпат се јавил во Ф.Б.И. за неговиот татко. Федералните истражители го контактирале за време на немирите за да продолжат со разговорите пред неколку недели, а во тој момент, како што рече, тој помогнал „да се докаже она што агентите се обидувале да го истражат“.

Џексон Рефит изјавил дека „само сакал некој да знае“ за заканите на неговиот татко и за „подготовката на нешто големо“.

„Не знаев што ќе направи, па направив се што е можно за да бидам сигурен“, додаде тој.

Таткото Рефит, кој бил уапсен на 16 јануари, се соочува со обвиненија за попречување на правдата и свесно влегување во обезбедена зграда или простор без одобрение.

Џексон Рефит вели дека не е сигурен дали неговиот татко знае дека тој е тој што го пријавил кај федералните власти.

„Се плашам дека тој го знае тоа“, рече тој. „Не се плашам за мојот живот или нешто слично, туку за тоа што може да се мисли. Но, тој вели дека се надева оти неговиот однос со татко му може да се подобри.

„Ќе се помириме со тек на времето“, рече тој..

Џексон исто така рекол дека неговата мајка и двете сестри „немале поим што направив“ сè додека не го виделе интервјуто на Си-Ен-Ен со Крис Куомо.

По објавувањето на интервјуто, Рефит на Твитер напишал: „Да, јас сум детето од Си-Ен-Ен“.

На Tweeter собрал илјадници лајкови и ретвитови и добил бројни пораки во кои го повикуваат да започне кампања GoFundMe, што и направил.

„Секој долар ќе се користи за мојот колеџ или ќе заштедам пари за годините што доаѓаат“, напишал тој на платформата за финансирање на групата.

Џексон Рефит во моментов не престојува во домот на неговото семејство и одбил да каже каде се наоѓа поради сопствената безбедност. Тој го користи телефонот на својата девојка.

Тој додаде дека GoFundMe ја започнал кампањата во петокот, очекувајќи да бидат собрани неколку илјади долари. Кога се разбудил во саботата, страницата собрала повеќе од 20 000 долари.

До недела попладне биле собрани повеќе од 1.800 донации во вредност од над 58.000 долари.

Џексон Рефит е студент на прва година по политички науки на колеџот Колин во Вили, Тексас, предградие на Далас. На прашањето дали собраните пари ќе бидат доволни за да се покрие остатокот од неговото додипломско образование, тој рекол: „О, човеку, немам поим. Сега одам на универзитет. ", објави Њујорк Тајмс.

притисни ентер