Арсовски: Вице Заев давал наредби за палење коли и репресија врз граѓаните

Она што го говоревме неколку години наназад откако СДСМ и Зоран Заев и кланот Заеви се на власт, сега овој период веќе се потврдува, рече на прес конференција Димче Арсовски, портпарол на ВМРО-ДПМНЕ.

Мафија владее со Република Македонија. Вчерашните аудио материјали тоа го потврдуваат. Вчера бевме сведоци и ние и целата јавност како член на подземјето Горан Димовски од Битола викан Тушникот, човек најверојатно со сомнително минато, а не академско, кажува јасно и гласно дека добил зелено светло директно од Вице Заев, брат на Зоран Заев кој беше премиер на државата и претседател во моментов на СДСМ, да запали автомобил на некој кој не е член на СДСМ, само и само да го потисне и да му упати порака со закана и не само него, ами ќе ги потиснел и сите други кои што не биле за СДСМ.

Предлагам да чуеме дел од материјалот кој излезе вчера во медиумите.

Ете почитувани, овој материјал покажува како функционира власта на Заеви, со уценување, рекетирање, но и со сеење на страв на политичките противници кои не мислат како Зоран Заев и СДСМ. Тоа што Заеви комуницираат со подземјето и не е некоја новост, но новост е дека тие директно издавале наредби, според она што можевме да го чуеме.

Дополнително од овој материјал доколку се слушне целиот, дознавме дека кланот Заеви освен што давал зелено светло за палење автомобили, давал и црвен картон, односно блокирал други бизниси кои им биле конкуренција на нивните.

Овој материјал е големо сведоштво за начинот на мафијашко владеење на Зоран Заев, Вице Заев и целата фамилија Заеви.

Ако и ова не е доволен доказ за Вилма Русковска односно Русковска обвинителството да се разбуди конечно, тогаш не знаеме што уште треба јавноста да чуе, за Зоран Заев, Вице Заев и другите членови на оваа политичко мафијашка структура да бидат повикани и нивните активности да бидат истражени од страна на Јавното обвинителство. Но најверојатно Русковска наместо да се бори со криминалот, зафатена е со гледање на рекламите на ВМРО-ДПМНЕ во политичката кампања.

Полека, но сигурно се разјаснува сликата. Бојан Јовановски вели дека сите рекетирани пари од рекетот во Република Македонија завршувале директно кај Зоран и Вице Заеви, контроверзниот про-руски бизнисмен Миодраг Дака Давидовиќ слушнавме дека тврди дека очекувал бизнис од Заев и дека платил 300 илјади евра и дал 2.000 метри квадратни земјиште, а сега слушаме дека рекетари добивале зелено светло од Вице Заев за своите криминални дејанија.

Изминативе 3 години се запалени над 50-тина автомобили во државава, да потсетиме дека беше запалена семејната куќа на потпретседателот и носител на ВМРО-ДПМНЕ во моментот во ИЕ 2 Мисајловски, беше фрлена бомба во семејниот дуќан исто така на Мисајловски, беа демолирани автомобили на видни членови на партијата, што веќе е очигледно и јасно кој ги издал сите овие наредби. Дали е тоа Вице Заев, лично и персонално, братот на Зоран Заев? После 15-ти јули институциите ќе го докажат кој е нарачателот.

Ова го нема ниту во мафијашките филмови, а верувајте дека ќе го снема после 15-ти јули во Република Македонија.

Македонија е претворена во нечија лична своина во која се одлучува кој смее бизнис да работи, кој смее да се рекетира, чиј имот треба да биде уништен, запален или демолиран. Затоа Република Македонија на сите листи тоне во криминал, корупција, рекетот цвета, а граѓаните тонат во сериозна сиромаштија.

Граѓаните ќе го дадат финалниот одговор на 15-ти јули. СДСМ покажа дека можат единствено повеќе криминал, можат повеќе корупција и можат само да нанесуваат порази на граѓаните и на оваа држава. Да ставиме крај на виткањето кичма. Да ставиме крај криминалот и корупцијата. Да ставиме крај на мафијашкото однесување на кланот Заеви. Затоа на 15-ти јули гласаме за ВМРО-ДПМНЕ број 14. И затоа граѓаните ќе одберат обнова, рече Арсовски.


Во Битола почнува фестивалот „Музика од светот"

 Со музичко-актерскиот перформанс „Патеки" кој ќе се одигра во амфитеатарот на Хераклеа Линкестис, вечер во Битола почнува 12. издание на фестивалот „Музика од светот".

Пред публиката во Битола ќе настапат солистите Наде Талевска, Бојан Стојков, Ирена Димовска и Тамара Стојковска, а ќе ги придружуваат членовите на битолскиот Камерен оркестар. Специјален гостин на вечерта е Дарко Нешовски кој настапува во Операта во Малме, Шведска.

Во музичко-актерскиот перформанс „Патеки" режиран од Јован Ристовски, учествуваат и актерите Анастазија Христовска, Здравко Стојмиров, Живко Борисов и Никола Стефанов.

Фестивалот „Музика од светот" го организира НУ Центар за култура, а финансиски е поддржан од Министерство за култура и Општина Битола.

За отворање на границите ќе се одлучува следната недела

Земјите од регионот следната недела се очекува конечно да одлучат за слободен премин и отворање на границите, најави министерот за здравство Венко Филипче.

Иако ставот на здравствените власти беше ист и минатата недела, промената на режимот на слободно движење на граѓаните од регионот ќе има епилог на следната онлајн средба меѓу земјите од Западен Балкан, Бугарија и Грција.

Министерот за здравство Венко Филипче во емисијата „Патот кон" на ТВ Алсат-М, рече дека бидејќи епидемиолошката состојба е слична во целиот регион, властите на земјите од регионот најавија координативен совет за заедничко дејствување во донесувањето одлуки за борба против пандемијата. Но, претходно треба да се укине условот за ПЦР-тест за да се премине границата.

Се очекува следната недела координатор на нашето Министерство за здравство пред преставниците на другите држави да ја презентира состојбата во земјава со Ковид-19, по што на нов состанок ќе треба да се договори заедничка политика за границите.

На мобилен месечно зборуваме по 3,5 часа, на фиксен половина час

 Според најновите податоци на Агенцијата за електронски медиуми, во првите три месеци од годинава преку мобилен се реализирани 1.338.211.097 минути разговор,  или во просек секој од претплатниците зборувал по 702 минути, или 11,7 часа.

Кон мрежи во странски држави се реализирани 3.475.486 минути разговор.

Во првиот квартал годинава во државава се евдидентирани 1.897.408 активни претплатници во мобилната телефонија, односно 23 605 помалку споредено со последниот квартал лани.

Според АЕК, во првиот квартал имало 784 055 резиденцијални при – пејд претплатници , 849 936 пост-пејд, како и 263.417 деловни пост-пејд претплатници.

Пристап до интернет со широк и тесен опсег преку мобилна мрежа , според податоците на регулаторното тело, во првиот квартал годинава имале 1 346 214 претплатници

Во вкупниот број активни претплатници во мобилната телефонија во првиот квартал годинава најголем удел има А1 Македонија до 49, 87 проценти, по што следи Македонски телеком со 47,31 процент, а на операторите Лајка мобајл и Роби отпаѓаат 1,96 односно 0,87 проценти од претплатниците.

Уделот на операторите во приходите од обезбедување мобилни комуникациски услуги на малопродажно ниво во првиот квартал годинава, пак, е најголем кај Македонски телеком, којшто учествува со 50,65 проценти, додека А1 Македонија има 48,04 проценти, Лајка мобиле 0,55 проценти, а роби 0,76 проценти.

Од вкупниот број претплатници на пристап до интернет со широк и тесен опсег преку мобилна мрежа (2G/3G/4G/) во првите три месеци од годинава најголемиот дел отпаѓа на А1 Македонија, 50,33 проценти, по што следи Македонски телеком 47,35 проценти, а Лајка мобиле и Роби имаат по 1,10 проценти, односно 1,22 проценти.

Според податоците за состојбата на пазарот за електронски комуникации во првиот квартал годинава во државава се регистрирани 402.540 фиксни линии, 2.086 повеќе споредено со последниот квартал минатата година кога имало 400.454 такви линии. Во јануари, февруари и март годинава македонските граѓани преку фиксни линии оствариле 39.001.409 минути разговор, од кои кон мрежи во странски држави 894.685 минути. Во сопствена фиксна мрежа македонските граѓани во првите три месеци годинава раелизирале 18.124.336 минути разговор, во сопствена мобилна мрежа 6.601.785, кон други фиксни мрежи во државава 8.597.155, а кон други мобилни мрежи во државава 4.783.448.

Со 53,70 проценти Македонски телеком и натаму е најголем давател на услуги со фиксни телефонски линии, по што следат А1 Македонија со 37,77 проценти, па операторите Роби со 5,20 проценти, Неотел со 2,61 процент и Инфел нет плус со 0,72 проценти.

притисни ентер