За истражувачки цели, корисниците на апликацијата MyHeart Counts беа опфатени со четири програми и секој помогна да се зголеми бројот на чекори за неколку стотици дневно, тврдат научниците во трудот објавен во списанието Lancet Digital Health.
„Физичката активност е едно од најмоќните средства во медицината - помоќна од кој било лек“, вели раководителот на студијата Др. Еуан Ешли од универзитетот Стенфорд, во Калифорнија.
„Физичката активност помага во секоја главна категорија болести - срцеви заболувања, дијабетес, разни видови рак, на мускулно-скелетен систем, ментално здравје и многу повеќе“, вели Ешли. „Охрабрувањето на луѓето да вежбаат само малку повеќе, може да има драматичен ефект врз здравјето“.
Апликацијата MyHeart Counts ја следи физичката активност, квалитетот на спиењето, расположението опишано од корисникот и чувството за здравје. Возрасните корисници биле избрани по случаен избор на една од 24-те програми за зајакнување на активностите, како што е целта од 10,000 чекори на ден, станување по секој час седење, читање препораки за движење на веб-страницата на Американското здружение за здраво срце или на персонализирани совети за вежбање.
Од 2075 волонтери кои учествувале во студијата, 493 ги исполниле сите препораки и учествувале во тестот 35 дена или повеќе. Од вкупно испитаните , 74 проценти биле машки, 87% биле бели, и на просечна возраст од 40-тина години.
Пред програмата, испитаниците во просек оделе околу 3000 чекори на ден, а по завршувањето на програмата тој просек се зголемил за 319 чекори на ден за оние кои ги проучувале упатствата на Американското здружение за срце, 267 чекори за оние кои станувале секој час, 254 за оние кои имале персонализирани совети и 226 чекори за групата која имала за цел 10,000 чекори на ден, откриле научниците.
Не било забележано дека некоја од програмите е поефикасна од другите.
„Добрата вест е дека не требаше многу за да се активира поголема активност и не беше потребно комплицирано потсетување“, вели Ешли. „Лошата вест е дека не се промени многу физичката активност. Но, десет проценти зголемување на активноста е достоен за тоа, ако може да се постигне на целото население “.
„Едноставни програми за мобилна апликација можат да помогнат во зголемувањето на ангажманот во здрави навики, како физичка активност“, вели Ешли.