Античкиот олимписки стадион во Атина домаќин на мечеви од Дејвис купот меѓу Грција и Словачка - Канал 5

Тенис

Античкиот олимписки стадион во Атина домаќин на мечеви од Дејвис купот меѓу Грција и Словачка

Стадионот на кој во 1896 година се одржаа церемониите на отворањето и затворањето на првите модерни Олимписки игри, денеска е адаптиран со поставен терен за тенис.

Античкиот олимписки стадион во Атина домаќин на мечеви од Дејвис купот меѓу Грција и Словачка

Античкиот олимписки стадион „Панатенаик“ во центарот на Атина, познат и под името Калимармаро, викендов, за првпат во историјата, е домаќин на тениски натпревари, што се играат во рамките на Дејвис купот меѓу Грција и Словачка, јави дописничката на МИА од Атина.

Стадионот на кој во 1896 година се одржаа церемониите на отворањето и затворањето на првите модерни Олимписки игри, денеска е адаптиран со поставен терен за тенис, нешто што позитивно го коментираа тенисерите од грчката репрезентација, меѓу кои и Стефанос Циципас, истакнувајќи дека ќе имаат уникатно искуство.

Во текот на викендот Грција и Словачка ќе одиграат вкупно пет натпревари, четири сингл и еден во двојки.

Натпреварите започнаа утрово со дуелот меѓу Александрос Скорилас и Алекс Молкан, а потоа ќе следи и дуелот меѓу Стефанос Циципас и Лукаш Клеин.

Утре е натпреварот во двојки, а потоа и останатите два сингл натпревари.

На вчерашната прес-конференција во пресрет на Купот, број пет рекетот во светот, Циципас рече дека е задоволен и од теренот и од стадионот, истакнувајќи дека е во ист стил како и Австралија Опен.

-Многу е убаво чувство да играш на еден ваков стадион. Имав можност како турист да го посетам пред неколку години и кога бев мал за време на училишни екскурзии, па така, да играм на овој стадион, за мене е нешто многу посебно, рече Циципас.

Се осврна и на актуелната ситуација во Грција, велејќи дека ќе играат за сите оние „кои беа погодени од пожарите и поплавите во изминатите месеци во земјата“ и додаде дека тоа за нив ќе биде дополнителен мотив за да дадат сѐ од себе.

Селекторот на грчката репрезентација Апостолос Циципас побара поддршка од гледачите да дојдат на стадионот да ја бодрат репрезентацијата, бидејќи навивачите се „дополнителна сила за играчите“.

-Како што кажа и Стефанос поминуваме тешки моменти, а во овие тешки моменти особено за Тесалија, важно е да бидеме сите обединети, рече селекторот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Охриѓанец поседувал нелегален арсенал со оружје, уапсен е

Претрес во Охрид, пронајдени оружје и муниција, лишено од слобода едно лице.

Охриѓанец поседувал нелегален арсенал со оружје, уапсен е

На 17.06.2026 во 12:00 часот, полициски службеници од криминалистичката полиција при СВР Охрид го лишија од слобода Д.А.(37) од Охрид. При претрес во неговиот дом, извршен со судска наредба, пронајдени и одземени се еден револвер, две пушки, три рачни бомби, 22 куршуми различен калибар и две најлонски ќеси со барут кои нелегално ги поседувал.

По целосно документирање на настанот, против него ќе биде поднесена кривична пријава по член 396 од Кривичниот законик - „неовластено изработување, држење, посредување и тргување со оружје или распрскувачки материи“, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Осудени се родителите на Коста К., кој направи масакр во училиште во Белград

Вишиот суд во Белград ги осуди родителите на Коста К., момчето кое уби девет ученици и еден обезбедувач во основното училиште „Владислав Рибникар“ во Белград на 3 мај 2023 година.

Осудени се родителите на Коста К., кој направи масакр во училиште во Белград

Владимир Кецмановиќ е осуден на 14 години и шест месеци затвор за кривичните дела занемарување и злоупотреба на малолетно лице и тешко кривично дело против јавната безбедност, додека Миљана Кецмановиќ беше осудена на две години и 11 месеци затвор за кривичното дело занемарување и злоупотреба на малолетно лице, објави Индекс.

Првпат поништена пресуда

Ова е втора првостепена пресуда, на која обвинителството и одбраната имаат право да се жалат до Апелациониот суд во Белград.

Во својот завршен збор, главниот јавен обвинител на Вишото јавно обвинителство во Белград, Ненад Стефановиќ, му предложи на судот да им изрече максимална казна затвор на Кецмановиќ. Тој побара единствена казна затвор од 14 години и 11 месеци за Владимир Кецмановиќ и затворска казна од три години за Миљана Кецмановиќ.

Од друга страна, одбраната бараше ослободителни пресуди, тврдејќи дека наводите во обвинението не се докажани. Судењето беше повторено бидејќи Апелациониот суд во Белград ја поништи првостепената пресуда со која Кецмановиќови беа осудени на неколку години затвор и наложи повторно судење.

Тагови: Коста К.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руте: САД веднаш го намалува придонесот за кризните сили на НАТО

Намалувањето на придонесот на САД во кризните сили на НАТО стапи на сила веднаш, потврди денес генералниот секретар на НАТО, Марк Руте.

Руте: САД веднаш го намалува придонесот за кризните сили на НАТО

Намалувањето на придонесот на САД во кризните сили на НАТО стапи на сила веднаш, потврди денес генералниот секретар на НАТО, Марк Руте, додавајќи дека другите сојузници го зголемуваат своето учество за да ги пополнат празнините што ги остави потегот на САД.

„Вчера се постави прашањето: дали е ова итно или не? Итно е“, изјави Руте пред новинарите пред состанокот на министрите за одбрана на НАТО во Брисел.

„Сепак, малку сум неволен да го кажам тоа бидејќи тоа е алатка за планирање. Па што би се случило во реалноста? Ако избувне војна, сите сојузници, вклучително и САД, ќе сторат сè што можат за да се осигурат дека можеме да ја водиме војната“, нагласи тој.

Сили што можат да се активираат во случај на голема криза

„Намалувањето на придонесот на САД во воените сили на НАТО во случај на криза нема да ја намали способноста на Алијансата, бидејќи европските сојузници и Канада ќе го зголемат својот придонес“, рече Руте еден ден претходно.

НАТО има одредени сили, таканаречениот Модел на сили на НАТО, кои можат да се активираат во случај на голема криза, како што е напад врз една од земјите-членки. Точниот состав на тие сили е строго чувана тајна.

„Веројатно сте ја слушнале веста за прилагодувањето на придонесите на САД кон Моделот на сили на НАТО. Во некои случаи, ова се прикажува како проблем бидејќи САД се оддалечуваат од своите сојузници. Но, тоа не е вистина, САД јасно ставија до знаење дека се посветени на НАТО“, рече Руте на вчерашната прес-конференција пред состанокот на министрите за одбрана на земјите-членки на НАТО.

Самитот на НАТО за две и пол недели во Анкара

Руте рече дека сојузниците разбираат дека САД имаат обврски низ целиот свет и дека е клучно Европа и Канада да сторат повеќе кога станува збор за конвенционалните сили, додека Вашингтон јасно стави до знаење дека нуклеарното одвраќање на САД останува силно.

Денешниот состанок во Брисел е последниот министерски состанок пред самитот на Алијансата, кој ќе се одржи на 7 и 8 јули во Анкара. Украинскиот претседател Володимир Зеленски ќе се придружи на состанокот на Контакт групата за одбрана на Украина, алијансата што му обезбедува воена помош на Киев, денес во седиштето на НАТО во Брисел.

Белгискиот министер за одбрана во пресрет на денешниот состанок најави дека ќе има сериозни дискусии за тоа како да се пополнат празнините што ги оставија САД во кризните сили на НАТО.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер